Bakı Şəhəri Nizami Rayon Məhkəməsi Qərardad — İş №2(007)-1003/2022

Azərbaycan Respublikası adından QƏRARDAD Bakı şəhəri İş № 2(007)-1003/2022 07.02.2022 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Mirzəyev Fikrət Xasay oğlu, İddiaçı cavabdeh “Azərbaycan Respublikası Dəmir Yolları QSC”-nin Sərnişin Daşımaları Departamenti Bakı Lokomotiv Deposuna qarşı işə bərpa və zərərin ödənilməsi tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı cavabdeh “Azərbaycan Respublikası Dəmir Yolları QSC”-nin Sərnişin Daşımaları Departamenti Bakı Lokomotiv Deposuna qarşı işə bərpa və zərərin ödənilməsi tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə olunmuş sənədləri nəzərdən keçirib hesab edirəm ki, ərizə geri qaytarılmalıdır. Belə ki, cavabdeh Sərnişin Daşımaları Departamentinin Bakı Lokomotiv Deposu hüquqi şəxs olmadığından iddia “Azərbaycan Respublikası Dəmir Yolları QSC”-yə qarşı verilməli idi. “Azərbaycan Respublikası Dəmir Yolları QSC”-nin hüquqi ünvanı Nəsimi rayonu Dilarə Əliyeva küçəsi-230 olduğu halda iddia Bakı şəhəri Nizami Rayon Məhkəməsinə ünvanlanmışdır. Azərbaycan Respublikası Mülki Prosessual Məcəlləsinin 35.1-ci maddəsinə əsasən Qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. 152.1.1. iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə; Beləliklə hesab edirəm ki, iddia ərizəsi ərazi ona əlavə olunmuş sənədlərlə birlikdə geri qaytarılmalı,iddiaçıya izah olunmalıdır ki,qərardadda sadalanan nöqsanlar aradan qaldırıldıqdan sonra yenidən müvafiq inzibati məhkəməyə müraciət edə bilər. Qeyd olunanlara əsasən və Azərbaycan Respublikası MPM-nin 152, 263-264 və 268- 269-cu maddələrini rəhbər tutaraq, QƏRARA ALDİM: İddiaçı cavabdeh “Azərbaycan Respublikası Dəmir Yolları QSC”-nin Sərnişin Daşımaları Departamenti Bakı Lokomotiv Deposuna qarşı işə bərpa və zərərin ödənilməsi tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki,qərardadda qeyd olunan nöqsanlar aradan qaldırıldıqdan sonra yenidən ərazi aidiyyəti üzrə müvafiq inzibati məhkəməyə müraciət etmək hüququ vardır. Qərardaddan rəsmi qaydada verildiyi gündən 10 (on) gün müddətinə Bakı Şəhəri Nizami Rayon Məhkəməsinə şikayət verilə bilər. Hakim: Fikrət Mirzəyev