Bakı Şəhəri Nizami Rayon Məhkəməsi Qətnamə — İş №2(007)-1116/2022

Azərbaycan Respublikası adından QƏTNAMƏ Bakı şəhəri İş № 2(007)-1116/2022 03.06.2022 BAKI ŞƏHƏRİ NİZAMİ RAYON MƏHKƏMƏSİ Hakim Mirzəyev Fikrət Xasay oğlunun sədrliyi, Qurbanov Ramil Firdun oğlunun katibliyi, İddiaçı iştirakı ilə İddiaçı Cavabdeh qarşı istifadə hüququna itirlmiş hesab edilməsi tələbinə dair iddiası üzrə mülki işə açıq məhkəmə iclasında baxaraq, MÜƏYYƏN E T D İ: İddiaçı Cavabdeh qarşı istifadə hüququna itirlmiş hesab edilməsi tələbinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı iddia tələbi onunla əsaslandırdı ki, Bakı şəhəri, Nizami rayonu, R.Teymurov küçəsi, 36 saylı evin 61 saylı mənzili 05 fevral 2005-ci il tarixli 180095 saylı qeydiyyat vəsiqəsinə əsasən onun xüsusi mülkiyyətimdədir.Cavabdeh isə qardaşı oğlu X1 həyat yoldaşı olub, Nizami rayon Məhkəməsinin 19.11.2019-cu il tarixli qətnaməsi ilə aralarında olan nikah pozulub. Qardaşı oğlunun xahişi ilə Cavabdeh mülkiyyətində olan mənzilə qeydiyyata salmışdı. Cavabdeh onun mənzilində qeydiyyatda olsa da özü X6 qəsəbəsi X7 küçəsində fərdi evdə yaşayır. Cavabdehin onun mülkiyyətində olan mənzildə pasport qeydiyyatında qalması səbəbindən yaşayış sahəsinə sahiblik, istifadə və sərəncam vermək hüquqları məhdudlaşdırılır. Qeyd edilənlərə Cavabdeh və yetkinlik yaşına çatmamış Pirverdiyev Xəzər Sahil oğlunun Bakı şəhəri, Nizami rayonu, R.Teymurov küçəsi, 36 saylı evin 61 saylı mənzilindən istifadə hüquqlarının itirilmiş hesab olunması barədə qətnamə qəbul olunmasını xahiş edir. Cavabdeh qızı məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasına gəlməmiş, gəlməməlsinin səbəbləri barədə məhkəməyə məlumat verməmişlər. Məhkəmə, Azərbaycan Respublikası Mülki Prosessual Məcəlləsinin 185.5-ci maddəsini rəhbər tutaraq işə cavabdehlərin iştirakı olmadan baxılmasını mümkün saymışdır. Məhkəmə iddiaçının izahatını dinləyib, mülki iş materiallarını araşdıraraq hesab edir ki, iddia təmin olunmalıdır. İş materiallarında olan: Azərbaycan Respublikası Daşınmaz Əmlakın Dövlət Reyestri Xidməti Hüquqlarının Dövlət Qeydiyyatı haqqında Daşınmaz Əmlakın Dövlət Reyestri tərəfindən verilmiş çıxarışın surətindən görünür ki, Bakı şəhəri, Nizami rayonu, R.Teymurov küçəsi, 36 saylı evin 61 saylı mənzilinə 05 fevral 2005-ci il tarixdən İddiaçı xüsusi mülkiyyət hüququ qeydiyyatdan keçmişdir. AR DİN ******* nömrəli yaşayış yeri üzrə qeydiyyat haqqında arayışdan görünür ki, Cavabdeh və yetkinlik yaşına çatmamış Pirverdiyev Xəzər Sahil oğlu Bakı şəhəri, Nizami rayonu, R.Teymurov küçəsi, 36 saylı evin 61 saylı mənzilndə qeydiyyatdadır. Azərbaycan Respublikası Konstitusiyasının 13-cü maddəsinin İ hissəsinə əsasən, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikası Mülki Məcəlləsinin 646.1-ci maddəsinə əsasən daşınmaz əşyanın alqı-satqı müqaviləsinə görə satıcı torpaq sahəsini, evi, binanı, qurğunu, mənzili və digər daşınmaz əşyanı alıcının mülkiyyətinə verməyi öhdəsinə götürür. Həmin Məcəllənin 647.2-ci maddəsinə əsasən daşınmaz əşyaya mülkiyyət hüququ alıcıya daşınmaz əmlakın dövlət reyestrində qeydiyyat anından keçir. Həmin Məcəllənin 152.5-ci maddəsinə əsasən, mülkiyyətçi qanunvericiliklə və ya başqa şəkildə, o cümlədən müqavilə məhdudiyyətləri ilə müəyyənləşdirilmiş hədlərdə əmlaka (əşyaya) sərbəst surətdə sahib ola bilər, ondan istifadə edə bilər və ona dair sərəncam verə bilər, həmin əmlaka başqa şəxslərin sahibliyinə yol verməyə bilər, ona mənsub əmlak barəsində öz mülahizəsi ilə istənilən hərəkətləri edə bilər, bir şərtlə ki, həmin hərəkətlər qonşuların və ya üçüncü şəxslərin hüquqlarını pozmasın, yaxud hüquqdan sui-istifadə olmasın. Beləliklə, məhkəmə araşdırması zamanı tədqiq edilmiş sübutlarla müəyyən olundu ki, Bakı şəhəri, Nizami rayonu, R.Teymurov küçəsi, 36 saylı evin 61 saylı mənzil İddiaçı oğlunun mülkiyyətindədir.Belə ki onun mübahisəli mənzilə xüsusi mülkiyyət hüququ 05 fevral 2005-ci il tarixdən qeydiyyatdan keçmişdir. Cavabdeh həmin mənzildə qeydiyyatda olsa da orada yaşamır.Cavabdeh iddiaçının ailə üzvü deyil və onunla mülkiyyətçi arasında mənzildən istifadə hüququnun tanınmasına dair notarial qaydada təsdiq olunmuş razılaşma yoxdur. Məhkəmə hesab edir ki, İddiaçı oğlunun mülkiyyət hüququ məhdudlaşdırılmamalıdır, onun xüsusi mülkiyyətində olan əmlakdan sərbəst və maneasiz istifadə etmək və əmlaka dair sərəncam vermək hüquqlarına təminat verilməlidir. Ona görə də iddiaçının mülkiyyət hüquqlarını məhdudlaşdıran hallar aradan qaldırılmalı və cavabdeh Cavabdeh Bakı şəhəri, Nizami rayonu, R.Teymurov küçəsi, 36 saylı evin 61 saylı mənzilindən istifadə hüquqları itirilmiş hesab edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 216-220 və 360-cı maddələrini rəhbər tutaraq, məhkəmə QƏT E T D İ: İddia təmin edilsin. Cavabdeh və övladı,yetkinlik yaşına çatmamış X2 Bakı şəhəri, Nizami rayonu, R.Teymurov küçəsi, 36 saylı evin 61 saylı mənzilindən istifadə hüquqları itirilmiş hesab edilsin. Qətnamədən rəsmi qaydada verildiyi gündən 1 (bir) ay müddətində Bakı Şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Sədrlik edən: Fikrət Mirzəyev