Azərbaycan Respublikası adından QƏRARDAD Bakı şəhəri İş № 2(007)-3962/2025 21.01.2026 BAKI ŞƏHƏRİ NİZAMİ RAYON MƏHKƏMƏSİ Hakim Yusifova Ülkər Bayram qızının sədrliyi, Məhkəmə iclas katibi Əiyeva Xədicə Rəşid qızının katibliyi, Ərizəçi İddiaçı iştirakı ilə, Ərizəçi İddiaçı maraqlı şəxs 5 saylı Bakı “Asan Xidmət” mərkəzində Ədliyyə Nazirliyinin qeydiyyat şöbəsi cəlb olunmaqla “miras əmlakın qəbul edilməsi və qanun üzrə vərəsəlik hüququ haqqında şəhadətnamənin verilməsi” barədə ərizəsinə məhkəmənin inzibati binasında, açıq məhkəmə iclasında baxaraq, Tələb:
1. Ərizəçi İddiaçı maraqlı şəxs 5 saylı Bakı “Asan Xidmət” mərkəzində Ədliyyə Nazirliyinin qeydiyyat şöbəsi cəlb olunmaqla “miras əmlakın qəbul edilməsi və qanun üzrə vərəsəlik hüququ haqqında şəhadətnamənin verilməsi” barədə ərizə ilə məhkəməyə müraciət edərək, cavabdeh Azərbaycan Respublikasının Ədliyyə Nazirliyi 5 saylı Bakı “Asan Xidmət” Mərkəzində Notariat Ofisinin mərhum atası X1 məxsus olmuş ünvan 1 ünvanında yerləşən fərdi yaşayış evinin tərəfindən faktiki miras əmlak kimi qəbul edilməsinə dair ona müvafiq qanun üzrə vərəsəlik haqqında şəhadətnamə verilməsi ilə bağlı notariat hərəkətlərini aparmasından imtinasının qanunsuz hesab edilərək, həmin evə dair onun qanun üzrə vərəsə sayılmağı və buna dair ona qanun üzrə vərəsəlik haqqında şəhadətnamə verilməsi vəzifəsinin cavabdehin üzərinə qoyulması barədə qətnamə qəbul edəsini xahiş etmişdir.
2. Ərizənin məhkəmə icraatı mümkün hesab edilmiş və iş üzrə hazırlıq iclası təyin edilmişdir.
İşdə iştirak edən tərəflər:
3. Məhkəmə iclasında iştirak edən ərizəçi İddiaçı ərizə verərək ərizəsinin geri qaytarılmasını xahiş etdi.
4. Maraqlı şəxs 5 saylı Bakı “Asan Xidmət” mərkəzində Ədliyyə Nazirliyinin qeydiyyat şöbəsinə məhkəmə iclasının yeri və vaxtı barədə məlumat verilməsinə baxmayaraq məhkəmə iclasında iştirak etməmişdir və iştirak etməməsinin səbəbi barədə məlumat verməmişdir.
5. Məhkəmə işə maraqlı şəxsin nümayəndəsinin iştirakı olmadan baxılmasını mümkün hesab etmişdir.
Tətbiq edilən hüquq:
6. Azərbaycan Respublikasının Mülki Prosessual Məcəlləsinin: 170.1-ci maddəsinə əsasən, bu Məcəllənin 254-cü, 255-ci, 161.0.1-261.0.3-cü və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. 170.2-ci maddəsinə əsasən işin məhkəmə baxışına hazırlanmasının dayandırılması və ya xitam verilməsi zamanı hakim qərardad çıxarır. 170.3-cü maddəsinin tələbinə görə 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər.
7. “Azərbaycan Respublikası Ali Məhkəməsi Plenumunun bəzi qərarlarında dəyişikliklər edilməsi haqqında” 24 dekabr 2021-ci il tarixli Azərbaycan Respublikasi Ali Məhkəməsi Plenumunun Qərarı:
“Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında” Azərbaycan Respublikası Ali Məhkəməsi Plenumunun 2011-ci il 31 mart tarixli 3 nömrəli qərarında dəyişiklik edilərək, qərarın 5.1.2ci bəndinə əsasən məhkəmələrə izah edilmişdir ki, Azərbaycan Respublikası MPM-nin 259.0.1-259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-in 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur.
Məhkəmə baxışının hədləri:
8. Azərbaycan Respublikası Mülki Prosessual Məcəlləsinin:
114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu geri qaytarılır. 114.2-ci maddəsinə əsasən məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir.
Məhkəmənin mövqeyi:
9. Məhkəmə hesab edir ki, ərizəçi İddiaçı ərizəsi təmin edilməli, ərizə ona əlavə edilmiş sənədlərlə birlikdə geri qaytarılmalıdır.
10. Beləliklə, işin məhkəmə baxışına hazırlanması mərhələsi olduğundan ərizə və ona əlavə edilmiş sənədlər Azərbaycan Respublikasının Mülki Prosessual Məcəlləsinin 170.1-ci maddəsinin tələbinə görə geri qaytarılmalıdır.
11. Həmçinin ərizə ona əlavə edilmiş sənədlərlə birlikdə geri qaytarıldığından məhkəmə hesab edir ki, ərizəçi tərəfindən ödənilmiş dövlət rüsumu dövlət büdcəsindən geri qaytarılmalıdır.
12. İş materiallarına əlavə edilmiş 10431 nömrəli mədaxil qəbzdən görünür ki, ("xxxx" ASC, VÖEN: **********, əməliyyat İD: **********, qəbzin nömrəsi: 10431, terminal nömrəsi: ADM114278, GPP qəbz nömrəsi: **********, tarix: xx.xx.2025 saat: 14:14) görünür ki, hazırki iş üzrə ərizəçi İddiaçı ərizə ilə məhkəməyə müraciət edərkən 101 manat məbləğində dövlət rüsumu ödəmişdir.
Nəticə:
13. Beləliklə, məhkəmə belə qənaətə gəlir ki, ərizəçi İddiaçı maraqlı şəxs 5 saylı Bakı “Asan Xidmət” mərkəzində Ədliyyə Nazirliyinin qeydiyyat şöbəsi cəlb olunmaqla “miras əmlakın qəbul edilməsi və qanun üzrə vərəsəlik hüququ haqqında şəhadətnamənin verilməsi” tələbinə dair ərizə geri qaytarıldığından ödənilmiş 101 manat məbləğində dövlət rüsumu ərizəçi İddiaçı büdcədən geri qaytarılmalıdır.
14. Qeyd olunanlara əsasən və Azərbaycan Respublikası Mülki Prosessual Məcəlləsinin 170.1-ci, 263-264-cü və 267-ci maddələrini rəhbər tutaraq məhkəmə,
Qərara aldı:
Ərizəçi İddiaçı maraqlı şəxs 5 saylı Bakı “Asan Xidmət” mərkəzində Ədliyyə Nazirliyinin qeydiyyat şöbəsi cəlb olunmaqla “miras əmlakın qəbul edilməsi və qanun üzrə vərəsəlik hüququ haqqında şəhadətnamənin verilməsi” barədə ərizəsi və ona əlavə olunmuş sənədlər geri qaytarılsın. Ərizənin verilməsinə görə ərizəçi İddiaçı tərəfindən ödənilmiş 101 manat dövlət rüsumu ("xxxx" ASC, VÖEN: **********, əməliyyat İD: **********, qəbzin nömrəsi: 10431, terminal nömrəsi: ADM114278, GPP qəbz nömrəsi: **********, tarix: xx.xx.2025 saat: 14:14) dövlət büdcəsindən qaytarılsın. Qərardadın icrası dövlət rüsumunun qaytarılması hissəsində Bakı Şəhəri üzrə Baş Maliyyə İdarəsinə həvalə edilsin. Qərardaddan tərəflərə təqdim olunduqdan 10 gün müddətində (“Elektron məhkəmə” informasiya sistemində yaradılmış elektron kabinet vasitəsilə) Bakı Şəhəri Nizami Rayon Məhkəməsinə şikayət verilə bilər.
Sədrlik edən: Ülkər Yusifova