Bakı Şəhəri Nizami Rayon Məhkəməsi Qətnamə — İş №2(007)-819/2023

Azərbaycan Respublikası adından QƏTNAMƏ Bakı şəhəri İş № 2(007)-819/2023 16.03.2023 BAKI ŞƏHƏRİ NİZAMİ RAYON MƏHKƏMƏSİ Hakim Mirzəyev Fikrət Xasay oğlunun sədrliyi, Qurbanov Ramil Firdun oğlunun katibliyi, Ərizəçi iştirakı ilə Ərizəçi hüquqi əhəmiyyət olan faktın müəyyən edilməsi tələbinə dair ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: Ərizəçi hüquqi əhəmiyyət olan faktın müəyyən edilməsi tələbinə dair ərizə ilə məhkəməyə müraciət etmişdir. Məhkəmə iclasında iştirak edən ərizəçi tələbini onunla əsaslandırdı ki, atası xx.xx.1944-cü il təvəllüdlü X4 xx.xx.2022-ci il tarixində ünvan 1 ünvanında vəfat edib. Vəfat etməsinə heç bir xəstəlik səbəb olmayıb. Vəfat etməsinə səbəb qocalıq olub. xx.xx.2022-ci il tarixində “Bakı Baş Səhiyyə Mərkəzi" X6 32 nömrəli Birləşmiş Şəhər Xəstəxanasına “Ölüm haqqında şəhadətnamə" almaq üçün müraciət etsə də, ona bu arayışı BŞX-da heç bir xəstəliklə bağlı qeydiyyatda olmadına görə, tibbi kartası olmaması səbəbindən verməkdən imtina etmişlər. Hazırda atası xx.xx.1944-cü il təvəllüdlü X3 “ölüm haqqında şəhadətnamə" ala bilmir.Bu səbəbdən mövcud tələblə məhkəməyə müraciət etmək qərarına gəlmişdir.Qeyd olunanlara əsasən atası xx.xx.1944-cü il təvəllüdlü X4 xx.xx.2022-ci il tarixində Bakı şəhərində vəfat etməsi barədə hüquqi əhəmiyyətli faktın müəyyən edilməsinə dair qətnamə qəbul edilməsini xahiş edir. Maraqlı şəxs məhkəmə iclasını vaxtı və yeri barədə məlumatlandırılmasına baxmayaraq məhkəmədə səlahiyyətli nümayəndəsinin iştirakını təmin etməmişdir. Məhkəmə, Azərbaycan Respublikası Mülki Prosessual Məcəlləsinin 185.6-cı maddəsinin müddəalarını rəhbər tutaraq, maraqlı tərəf Bakı Şəhərində Nizami Rayon Qeydiyyat Şöbəsinin nümayəndəsinin iştirakı olmadan mülki işə baxılmasını mümkün hesab edir. Məhkəmə, ərizəçinin izahatını dinləyib, iş üzrə toplanmış digər sübutları araşdırarıb, onlara qiymət verərək hesab edir ki, ərizə təmin edilməlidir. İşin hallarından görünür ki, Ərizəçi Gəncə şəhərində qeydiyyatda olsa da ünvan 2 ünvanında yaşayır. Azərbaycan Respublikası Ədliyyə Nazirliyinin Maraqlı şəxs Ərizəçi ünvanladığı xx.xx.2022-ci il tarixli məktubunda qeyd olunur ki, Azərbaycan Respublikası Nazirlər Kabinetinin 31.10.200-cü tarixli 145 nömrəli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydasının” 8.5-ci bəndinə əsasən ölüm qeydiyyatı ölüm faktını təsdiq edən tibbi şəhadətnamə və ya vətandaşın öımüş hesab edilməsi barədə məhkəmə qətnaməsi əsasında aparıla bilər.Ölümü təsdiq edən sənədin olmamasını nəzərə alaraq sizin ərizənin təmin olunması mümkün deyil.Ölüm faktının müəyyən edilməsi üçün aidiyyəti üzrə məhkəməyə müraciət olunması tövsiyyə olunur. Bakı şəhəri Sabunçu rayonu Zabrat Bələdiyyəsinin xx.xx.2022-ci il tarixli arayışında qeyd olunur ki, həqiqətən də mərhum X4 xx.xx.2022-ci il tarixdə Zabrat qəsəbəsində, Xavər Vəliyev küçəsində yerləşən 3 saylı qəbirstanlıqda dəfn olunmuşdur. Azərbaycan Respublikası MPM-nin 307-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 308-ci maddəsində deyilir ki, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə zamanı ərizəçinin izahatı, eləcə də, məhkəməyə təqdim edilmiş sənədlərlə müəyyən olundu ki, həqiqətən də atası xx.xx.1944-cü il tarixdə Gəncə şəhərində anadan olmuş X4 xx.xx.2022-ci il tarixində Bakı şəhərində vəfat etmişdir. Qeyd olunan hüquqi əhəmiyyətli faktın müəyyən olunması ərizəçiyə ataını ölümü barədə şəhadətnamə almaq üçün lazımdır. Həmin faktın başqa qaydada müəyyən olunması mümkün deyil. Məhkəmə iş üzrə araşdırılmış sübutlara qiymət verərək hesab edir ki,ərizə əsaslı olduğundan təmin edilməli, xx.xx.1944-cü il tarixdə Gəncə şəhərində anadan olmuş X2 xx.xx.2022-ci il tarixində Bakı şəhərində vəfat etməsi barədə hüquqi əhəmiyyətli fakt müəyyən olunmalıdır. Şərh olunanlara əsasən və Azərbaycan Respublikası Mülki Prosessual Məcəlləsinin 216-220, 227, 233, 307.2.3, 308, 309, 311 və 360-cı maddələrini rəhbər tutaraq, məhkəmə Q Ə T E T D İ: Ərizə təmin edilsin. xx.xx.1944-cü il tarixdə Gəncə şəhərində anadan olmuş X2 xx.xx.2022-ci il tarixində Bakı şəhərində vəfat etməsi barədə hüquqi əhəmiyyətli fakt müəyyən olunsun Qətnamədən rəsmi qaydada verildiyi gündən 1 ay müddətidə Bakı Şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti veriilə bilər. Hakim: Fikrət Mirzəyev