Bakı Şəhəri Sabunçu Rayon Məhkəməsi Qərardad — İş №2(008)-1387/2024

Azərbaycan Respublikası adından QƏRARDAD Bakı şəhəri İş № 2(008)-1387/2024 15.04.2024 BAKI ŞƏHƏRİ SABUNÇU RAYON MƏHKƏMƏSİ Hakim Əsədova Tahirə Əlif qızının sədrliyi ilə, Məhkəmə iclas katibi X1 iştirakı ilə, İddiaçının Cavabdeh İB-yə qarşı borcun silinməsi tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı Cavabdeh İB-yə qarşı iddia ərizəsi ilə məhkəməyə müraciət edərək Azəriqaz" İstehsalat Birliyinin sayğacın dəyəri kimi tələb etdiyi 6000 manat məbləğində borcun silinməsi barədə qətnamə qəbul edilməsini xahiş etmişdir. İddiaçı tələbi onunla əsaslandırmışdır ki, Balaxanı qəsəbəsi, Milli Ordu, 61 ünvanındakı mənzil faktiki olaraq onun mülkiyyətindədir. İstehlak etdiyi qazın dəyərinin ödənişləri ilə bağlı müəyyən problemləri olsa da heç vaxt qaz sayğacına müdaxilə və qanunsuz istifadə kimi hallara yol verməmişdir. Buna baxmayaraq Sabunçu rayon qaz istismar tərəfindən məlum olmayan şəraitdə və xəbəri olmadan qazdan güya qanunsuz istifadə etməyinə görə müxtəlif vaxtlarda 6000 manatdan yuxarı cərimə yazaraq toplam borcunun 8619 manat olması barədə qəbz vermişlər. Halbuki o, heç vaxt nə sayğacı müdaxilə etməmiş, nə də əlavə qanunsuz xətt çəkməmişdir. Tərəflər məhkəmə iclasının vaxtı və yeri barədə lazımı qaydada xəbərdar edilməklə məhkəmənin iclasına çağırılmışlar, lakin iddiaçı və cavabdeh məhkəməyə gəlməmiş, gəlməmələrinin səbəbləri barədə məlumat verməmiş və işə onların iştirakları olmadan baxılmasını xahiş etməmişlər. Göstərilənlərə əsasən məhkəmə hesab edir ki, iddia ərizəsi baxılmamış saxlanmalıdır. Belə ki, Azərbaycan Respublikası MPM-nin: 259.0.6-cı maddəsinə əsasən, işə onların iştirakı olmadan baxmağı xahiş etməmiş tərəflər məhkəməyə gəlmədikdə iddia ərizəsi baxılmamış saxlanır; 263.2-ci maddəsinə əsasən məhkəmə iş üzrə icraatı dayandırdıqda, icraata xitam verdikdə, iddianı baxılmamış saxladıqda, habelə bu Məcəllə ilə nəzərdə tutulmuş digər hallarda qərardad çıxarır. 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Qeyd olunanlara əsaslanaraq və Azərbaycan Respublikası MPM-nin 259, 263-264, 268ci maddələrini rəhbər tutaraq, məhkəmə QƏRARAALDİ: İddiaçı Cavabdeh İB-yə qarşı borcun silinməsi tələbinə dair iddia ərizəsi baxılmamış saxlanılsın. Qərardaddan 10 (on) gün müddətində Sabunçu rayon məhkəməsinə şikayət verilə bilər. Hakim Tahirə Əsədova