Bakı Şəhəri Sabunçu Rayon Məhkəməsi Qətnamə — İş №2(008)-2334/2021

Azərbaycan Respublikası adından QƏTNAMƏ Bakı şəhəri İş № 2(008)-2334/2021 05.05.2021 BAKI ŞƏHƏRİ SABUNÇU RAYON MƏHKƏMƏSİ Hakim Cəfərli Nilufər Arif qızının sədrliyi, Məhkəmə iclas katibi Ənvərli Ənvər Niyazi oğlunun katibliyi, İddiaçının nümayəndəsi və vəkili X4, Cavabdehin nümayəndəsi X2 iştirak ilə, İddiaçı İB-nin Cavabdeh qarşı “dəymiş zərərin əvəzinin ödənilməsi” barədə iddia ərizəsi üzrə mülki işə məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı İB – Cavabdeh qarşı “dəymiş zərərin əvəzinin ödənilməsi” barədə iddia ərizəsi ilə məhkəməyə müraciət edərək, Cavabdeh tərəfindən 4904.80 (dörd min doqquz yüz dörd manat, səksən qəpik) manat məbləğində dəymiş zərər, pozulmuş hüquqlarının bərpası ilə bağlı çəkdiyi 300 manat xərcin və iddiaçı tərəfindən ödənilmiş 30 (otuz) manat dövlət rüsumu, ümumilikdə isə 5234,80 (beş min iki yüz otuz dörd manat, səksən qəpik) manat məbləğində pulun cavabdehdən məcburi qaydada tutularaq İddiaçı İB-nin Azərbaycan Beynəlxalq Bankı İddiaçı şöbəsi üzrə (kod 805153, VÖEN **********, M/H AZ03NABZ********************, SWİFT İBAZAZ2X, İddiaçı İB, VÖEN **********, İBAN: AZ50İBAZ********************) bank hesabına ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, İddiaçı ilə abonent Cavabdeh arasında 18.11.2017-ci il tarixli, 04/23305 nömrəli “Qaz paylayıcısı ilə məişət qaz qurğusu istifadəçisi arasında qazın alqı-satqısı barədə” müqavilə əsasında Cavabdeh məxsus fərdi yaşayış evini təbii qazla təchiz etmişdir. Həmin fərdi yaşayış evinə İddiaçı İB tərəfindən **********50000 nömrəli abonent kodu verilmişdir. Qeyd olunan ünvanda qaz xəttinin üzərində, G-4 markalı, **********1 nömrəli qaz sayğacı quraşdırılmışdır. Lakin cavabdeh müqavilənin 2.3.2 yarımbəndini və Qazdan istifadə Qaydalarının 6.5 yarımbəndinin (qazpaylayıcı şəbəkəyə qanunsuz qoşulma) tələblərini pozaraq, istifadəsinə verilmiş qaz sayğacından kənər qanunsuz qaz xəttinə qoşularaq təbii qazı talamışdır. İddiaçı əməkdaşları tərəfindən Birliyin balansında və istismarında olan küçə qaz xətlərinə, eləcə də, cavabdehin fərdi yaşayış evinə çəkilmiş qaz xətti üzərində quraşdırılmış qaz sayğacına müxtəlif tarixlərdə baxış keçirilərkən cavabdeh tərəfindən qaz xəttinə özbaşına qoşulmaqla, onun təbii qazdan istifadə etməsi, yəni qeyri-qanuni şəkildə təbii qazı talaması faktları aşkar olunmuş, aşkar olunmuş faktlar yerindəcə aktlaşdırılmaqla rəsmiləşdirilmişdir. Cavabdehin təqsirli hərəkətləri nəticəsindən irəli gələn hallar və faktlar Birliyin əməkdaşları tərəfindən foto və video çəkilişlər aparılmışdır. Qeyd olunan faktlarla bağlı Birliyin işçiləri tərəfindən təbii qazdan istifadə qaydalarının pozulması haqqında aktlar tərtib edilmişdir. Belə ki, 07.02.2018-ci il tarixli, ******* saylı akt əsasında 1089.80 manat, 27.03.2018ci il tarixli, ******* saylı akt əsasında 351.40 manat, 26.04.2018-ci il tarixli, ******* saylı akta əsasən 219.60 manat, 29.05.2018-ci il tarixli, ******* saylı akta əsasən 64.80 manat, 24.07.2018-ci il tarixli, ******* saylı akta əsasən 266.40 manat, 29.08.2018-ci il tarixli, ******* saylı akta əsasən 133.20 manat, 25.09.2018-ci il tarixli, ******* saylı akta əsasən 133.20 manat, 31.10.2018-ci il tarixli, ******* saylı akta əsasən 66.60 manat, 30.11.2018-ci il tarixli, ******* saylı akta əsasən 109.80 manat, 28.12.2018-ci il tarixli, ******* saylı akta əsasən 109.80 manat, 31.01.2019-cu il tarixli, ******* saylı akta əsasən 109.80 manat, 28.02.2019-cu il tarixli, ******* saylı akta əsasən 109.80 manat, 29.03.2019-cu il tarixli, ******* saylı akta əsasən 109,80 manat, 30.04.2019-cu il tarixli, ******* saylı akta əsasən 109.80 manat, 30.05.2019-cu il tarixli, ******* saylı akta əsasən 32.40 manat, 28.06.2019cu il tarixli, ******* saylı akta əsasən 32,40 manat, 31.07.2019-cu il tarixli, ******* saylı akta əsasən 32,40 manat, 30.08.2019-cu il tarixli, ******* saylı akta əsasən 32,40 manat, 30.09.2019-cu il tarixli, ******* saylı akta əsasən 32,40 manat, 30.10.2019-cu il tarixli, ******* saylı akta əsasən 32,40 manat, 29.11.2019-cu il tarixli, ******* saylı akta əsasən 109.80 manat, 30.12.2019-cu il tarixli, ******* saylı akta əsasən 252 manat, 30.01.2020-ci il tarixli, ******* saylı akta əsasən 252 manat, 28.02.2020-ci il tarixli, ******* saylı akta əsasən 252 manat, 30.03.2020-ci il tarixli, ******* saylı akta əsasən 252 manat, 30.04.2020-ci il tarixli, ******* saylı akta əsasən 252 manat, 30.05.2020-ci il tarixli, ******* saylı akta əsasən 194,40 manat, 30.06.2020-ci il tarixli, ******* saylı akta əsasən 64.80 manat İddiaçı İB-nə zərər dəymişdir. İddiaçı İB-yə 4807.20 manat məbləğində maddi zərərin dəymiş olduğu müəyyən olunmuşdur. Cavabdehin faktiki istifadə edilmiş dəyəri ödənilməmiş sayğac üzrə 2020-ci il üçün 96.50 manat, əvvəlki illərdən isə sayğac üzrə 1.10 manat borcu qalmışdır. Cavabdeh 2018-2020-ci illər ərzində təbii qaza pul ödəməmişdir. Bu da onu göstərir ki, cavabdeh mütəmadi olaraq qaz xəttinə sayğacdan kənar rezin boru vasitəsi ilə qoşulmuşdur. Dəfələrlə qaz təminatı dayandırılıb, lakin o yenidən qanunsuz xətti bərpa etmişdir. Cavabdehin İddiaçı İB-yə ödəməli borc məbləği hazırda saldı üzrə ümumi 4904,80 manat təşkil edir. İddiaçı İB-nin nümayəndələri tərəfindən cavabdehə 4904.80 manat pul məbləğinin könüllü qaydada ödənilməsi təklif edilmiş, əks təqdirdə qanunvericiliyin tələblərinə uyğun olaraq müvafiq qaydada məhkəməyə müraciət ediləcəyi və Birliyə vurmuş olduğu maddi zərərdən əlavə məhkəmə xərclərinin də ondan tələb ediləcəyi izah edilmişdir. Müqavilə öhdəliklərinin istehlakçı tərəfindən kobud şəkildə pozulması, habelə təqsirli hərəkətləri nəticəsində İddiaçı İB-yə vurulmuş maddi zərərlə bağlı cavabdeh tərəfindən heç bir ödəniş həyata keçirilmədiyi üçün tərəflərindən məhkəməyə müraciət etmək zərurəti yaranmışdır. Məhkəmə iclasında iştirak etmiş iddiaçının nümayəndəsi və vəkili X10 iddia tələbini müdafiə edib, iddia ərizəsinin məzmununa uyğun izahat verərək, iddianın təmin olunması barədə qətnamə qəbul edilməsini xahiş etmişdir. Məhkəmə iclasında iştirak edən cavabdehin nümayəndəsi X5 iddia tələbini qəbul etməyərək bildirdi ki, qeyd olunan fərdi yaşayış evi onun anası Cavabdeh məxsusdur. 2016-cı ildə onun atası rəhmətə gedəndən sonra demək olar ki, həmin ünvanda yaşamırlar. Hərdən gəlib-gedirlər. Onlar yaşamadığları ünvanda qeyri-qanuni qaz xəttinin qoşulması məntiqsizdir. 2018-ci ilin iyul ayında İddiaçı İB-nin əməkdaşları tərəfindən qaz sayğacı dəyişdirilib. Həmin vaxtdan bəri onlara heç bir akt təqdim olunmayıb. Sayğac və qaz xətləri qapıdan çöldə yerləşir. İddia tam əsassızdır. O, heç bir kənar və qanunsuz qaz xəttindən istifadə etməmişdir. Aktlarda qeyd olunur ki, guya o, aktı imzalamaqdan imtina etmişdir. Sayğac hər ay 200-300 manat pul yazır. Ərizə ilə müraciət etmişlər, cavab verilib ki, onlar istixanadan istifadə edirlər. Halbuki onlarda heç bir istixana yoxdur. Yalnız 11.07.2020-ci il tarxindən Qaz sayğacının çıxarılmaası, quraşdırılmasına və istismara qəbul olunmasına dair akta imzalamışlar. Onun isə səbəbi Azərqazın İB-nin nümayəndələri onları aldadaraq imzalatmışlar. Nümayəndələr onlara dedilər ki, bütün qonşularda qaz sayğacı dəyişməlidir, bu səbəbdən akt imzalayın. Sonra bir iki qonşununda sayğacını dəyişdirildi. Onunu anası imzaladıqdan sonra Azərqaz İB-nin əməkdaşları kənarda həmin aktda sayağacın dəyişmə səbəbini qanunsuz olaraq qaz xəttinə qoşulma kimi qeyd edib aktın surətini cavabdehə təqdim etdilər. Qeyd edilənləri nəzərə alaraq iddia tələbinin rədd edilməsini məhkəmədən xahiş etdi. Məhkəmə iclasına dəvət olunmuş şahid X6 ifadəsində bildirmişdir ki, hal-hazırda Nizami rayonunda işləyir. 2018-ci il tarixindən 2020-ci ilin iyul ayınadak abonet X8 yaşadığı evə ünvan 1 ünvanında mütamadi olaraq qaz-xəttinə xənar qoşulmuşdur. Buna dair onlar tərəfindən daimi olaraq aktlar tərtib edilmişdir. Abonentin özünün məlumat olmuşdur, tərtib olunan aktlardan, İddiaçı əməkdaşları tərəfindən hər dəfəsində kənar xətt ləğv edilmişdir, lakin boru yanan material olduğu üçün oranı qaynaq etmək mümkün olmadığından hər dəfəsində yenidən kənar qoşulma olmuşdur. Sonuncu dəfə akt iyun ayında tərtib edilmişdir. Ondan sonra həmin ünvanda sayğacdan kənar qoşulmaya görə qaz sayğacı dəyişdirilmiş bunun əsasında tərtib edilmiş aktı isə abonenet Cavabdeh imzalamışdır. Məhkəmə tərəflərin, şahidin izahatını dinləyib, iş materiallarını araşdıraraq, aşağıda qeyd olunanlara əsasən hesab edir ki, iddia qismən təmin edilməlidir. Belə ki, iş materiallarında olan İddiaçı ilə Cavabdeh arasında bağlanmış 18.11.2017-ci il tarixli “qaz paylayıcısı ilə fiziki şəxs olan istehlakçı arasında qazın alqı-satqısı” barədə müqavilənin 1-ci maddəsinə əsasən paylayıcı bu müqavilə ilə müəyyən edilmiş şərtlərə uyğun olaraq istehlakçını keyfiyyətli qazla təmin edir. İstehlakçı isə qazın dəyərini qaz sayğacının göstəricisinə uyğun olaraq Paylayıcı tərəfindən təqdim edilən hesaba əsasən ödəyir. Həmin müqavilənin 2.3.4-cü maddəsinə əsasən təqsirli hərəkətləri(hərəkətsizliyi), habelə bu Müqavilə üzrə müəyyən edilmiş vəzifələrin icra edilməməsi nəticəsində Paylayıcıya dəymiş zərərin əvəzini ödəmək istehlakçının vəzifəsidir. - Abonent saldosundan görünür ki, **********50000 abonent kodu olan X17 oğluna qazdan istifadə nəticəsində 4904.80 manat məbləğində borc hesablanmışdır. - Təbii qazdan istifadə qaydalarının pozulması haqqında İddiaçı İB tərəfindən aktlar tərtib edilmiş, 07.02.2018-ci il tarixli, ******* saylı, 27.03.2018-ci il tarixli, ******* saylı, 26.04.2018-ci il tarixli, ******* saylı, 29.05.2018-ci il tarixli, ******* saylı, 24.07.2018-ci il tarixli, ******* saylı, 29.08.2018-ci il tarixli, ******* saylı, 25.09.2018-ci il tarixli, ******* saylı, 31.10.2018-ci il tarixli, ******* saylı, 30.11.2018-ci il tarixli, ******* saylı, 28.12.2018-ci il tarixli, ******* saylı, 31.01.2019-cu il tarixli, ******* saylı, 28.02.2019-cu il tarixli, ******* saylı, 29.03.2019-cu il tarixli, ******* saylı, 30.04.2019-cu il tarixli, ******* saylı, 30.05.2019-cu il tarixli, ******* saylı, 28.06.2019-cu il tarixli, ******* saylı, 31.07.2019-cu il tarixli, ******* saylı, 30.08.2019-cu il tarixli, ******* saylı, 30.09.2019-cu il tarixli, ******* saylı, 30.10.2019-cu il tarixli, ******* saylı, 29.11.2019-cu il tarixli, ******* saylı, 30.12.2019-cu il tarixli, ******* saylı, 30.01.2020-ci il tarixli, ******* saylı, 28.02.2020-ci il tarixli, ******* saylı, 30.03.2020-ci il tarixli, ******* saylı, 30.04.2020-ci il tarixli, ******* saylı, 30.05.2020-ci il tarixli, ******* saylı, 30.06.2020-ci il tarixli, ******* saylı aktlara əsasən 4807.20 manat dəymiş zərər hesablanmış, fotoşəkillər çəkilmişdir. - 31.10.2020-ci il tarixli saldodan görünür ki, smart sayğaclı abonentin Gasrep üzrə borcu 1.10 (bir manat, on qəpik) manat təşkil edir. - Qaz sayğacının çıxarılması, quraşdırılması və istismara qəbulu haqqında 11 iyul 2020-ci il tarixli ******* saylı aktın surətindən görünür ki, 11 iyul 2020-ci il tarixində İddiaçı İB tərəfindən **********50000 nömrəli abonentin sayağcı dəyişdirilmiş, sayğacın dəyişmə səbəbi isə sayğacdan kənar qoşulma kimi qeyd edilmişdir. - Bakı şəhəri, Sabunçu rayonu, Nizami küçəsində yaşayan X1, X7, X11 tərəfindən imzalanmış akta əsasən həmin şəxslər tərəfindən Bakı şəhəri, Sabunçu rayonu, Nizami küçəsi, ev 9-da yaşayan Cavabdeh və onun ailə üzvlərinin 2016-cı ildən 2020-ci il tarixədək bu ünvanda yaşamadıqları təsdiq edilmişdir. Məhkəmə hesab edir ki, iddia tələbinin qanuni əsasını Mülki Məcəllənin 1096.1-ci maddəsi təşkil edir. Azərbaycan Respublikasının Mülki Məcəlləsinin 1096.1-ci maddəsinə görə mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). Həmin Məcəllənin 1096.2-cı maddəsinə əsasən delikt törətmiş şəxs mülki hüquq məsuliyyəti daşıyır. Həmin məcəllənin 1097.1-ci maddəsinə əsasən mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Qanunla zərərin əvəzini ödəmək vəzifəsi zərəri vurmayan şəxsin öhdəsinə qoyula bilər. “Qaz təchizatı haqqında” Qanunun 6.2-ci maddəsinə əsasən bilərəkdən (qəsdən) və ya səhlənkarlıq nəticəsində qaz qurğularına ziyan vuran və ya qurğu sahibindən icazəsiz digər qurğudan qaz alan istənilən şəxs, qaz qurğusu sahibinə dəymiş ziyana görə məsuliyyət daşıyır. Azərbaycan Respublikasının Nazirlər Kabinetinin 80 saylı, 12.05.2011-ci il tarixli qərarı ilə təsdiq edilmiş «Qazdan istifadə Qaydaları»nın 6.5-ci maddəsinə əsasən, qazpaylayıcı şəbəkəyə qanunsuz qoşulma halları aşkar edildikdə, qaz paylayıcısı qanunsuz xətti dərhal şəbəkədən ayırmaqla qazın verilməsini dayandırmalı və dəymiş zərərin ödənilməsini qanunvericiliyə uyğun olaraq həmin şəxsdən tələb etməlidir. Məhkəmə iclasında müəyyən edildi ki, İddiaçı ilə Cavabdeh arasında bağlanmış “Qaz paylayıcısı ilə məişət qaz qurğusu istifadəçisi arasında qazın alqı-satqısı barədə” Müqavilə əsasında cavabdehə məxsus fərdi yaşayış evini təbii qazla təmin etmiş, istifadə olunan təbii qazın həcmi müvafiq ölçü cihazları ilə iki tərəfli qaydada müəyyən edilmiş, istifadə olunan təbii qazın dəyər məbləğinin vaxtında ödənilməsi barədə Cavabdeh üzərinə öhdəlik götürmüş, lakin üzərinə götürdüyü öhdəliyi lazımi qaydada icra etməmiş, təbii qazdan istifadə qaydalarının pozulması haqqında aktlara əsasən cavabdeh sayğacdan kənar qeyri-qanuni təbii qazdan istifadə etmişdir. Məhkamə cavabdehin 2016-2020-ci illərdə həmin ünvanda yaşamamasını və buna dair qonşular tərəfindən tərtib olunmuş akta münasibət bildirərək qeyd edir ki, cavabdeh sayğacdan kənar qaz xəttinə qoşulmaqla təbii qazın talamasını inkar etsə də, bu faktı təkzib edəcək halları məhkəməyə təqdim edə bilməmişdir. Yeganə sübut kimi cavabdehin nümayəndəsinin təqdim etdiyi qonşular tərəfindən tərtib olunmuş akt olsa da məhkəmə bu aktı da iddiaçı tərəfindən təqdim edilən sübutlara münasibətdə habelə, həmin aktı tərtib edilməsində bir başa cavabdehin təşəbbüskar olması və qonşuların iddiaçıya münasibətdə cavabdehlə daha yaxın münasibətdə olması hallarını nəzəra alaraq mötəbər sübut kimi qəbul etmir. Lakin, məhkəmə tərtib olunmuş 07.02.2018-ci il tarixli, ******* saylı, 27.03.2018-ci il tarixli, ******* saylı, 26.04.2018-ci il tarixli, ******* saylı, 29.05.2018-ci il tarixli, ******* saylı, 24.07.2018-ci il tarixli, ******* saylı, 29.08.2018-ci il tarixli, ******* saylı, 25.09.2018-ci il tarixli, ******* saylı aktlar üzrə hesablanmış məbləğlərlə razılaşmır və həmin məbləğlərin şişirdilmiş olduğu qənaətinə gəlir. Belə ki, tərəflər arasında bağlanan müqavilənin 3.1-ci və 3.2-ci bəndlərində qeyd olunur ki, bu müqavilə üzrə qazın qiyməti Azərbaycan Respublikasının Tarif Şurası tərəfindən tənzimlənən tarifə əsasən 0.10 manat məbləğində müəyyən edilir, qazın qiyməti qanunvericiliyə uyğun olaraq Azərbaycan Respublikasının Tarif Şurası tərəfindən tənzimləndiyindən, bu müqavilə bağlandıqdan sonra qiymət dəyişikliyi tərəflər arasında mübahisələndirilə bilməz və hər iki tərəf üçün məcburidir. Buna görə də, istifadə olunmuş qazın hər kubmetri 0.20 qəpikdən deyil, sözügedən aktlar üzrə müvafiq 0.10 qəpikdən hesablanaraq cəmi məbləğ olaraq 1129.2 manat məbləğində dəymiş zərər müəyyən olunmalı idi. Məhkəmə hesab edir ki, təbii qazdan istifadə qaydalarının pozulması haqqında 07.02.2018-ci il tarixli, ******* saylı, 27.03.2018-ci il tarixli, ******* saylı, 26.04.2018-ci il tarixli, ******* saylı, 29.05.2018-ci il tarixli, ******* saylı, 24.07.2018-ci il tarixli, ******* saylı, 29.08.2018-ci il tarixli, ******* saylı, 25.09.2018-ci il tarixli, ******* saylı, 31.10.2018-ci il tarixli, ******* saylı, 30.11.2018-ci il tarixli, ******* saylı, 28.12.2018-ci il tarixli, ******* saylı, 31.01.2019-cu il tarixli, ******* saylı, 28.02.2019-cu il tarixli, ******* saylı, 29.03.2019-cu il tarixli, ******* saylı, 30.04.2019-cu il tarixli, ******* saylı, 30.05.2019-cu il tarixli, ******* saylı, 28.06.2019-cu il tarixli, ******* saylı, 31.07.2019-cu il tarixli, ******* saylı, 30.08.2019cu il tarixli, ******* saylı, 30.09.2019-cu il tarixli, ******* saylı, 30.10.2019-cu il tarixli, ******* saylı, 29.11.2019-cu il tarixli, ******* saylı, 30.12.2019-cu il tarixli, ******* saylı, 30.01.2020ci il tarixli, ******* saylı, 28.02.2020-ci il tarixli, ******* saylı, 30.03.2020-ci il tarixli, ******* saylı, 30.04.2020-ci il tarixli, ******* saylı, 30.05.2020-ci il tarixli, ******* saylı, 30.06.2020-ci il tarixli, ******* saylı aktlar əsasında dəymiş ziyan 3678 manat hesablanmalıdır. İddiaçı İB cavabdehin faktiki istifadə edilmiş dəyəri ödənilməmiş sayğac üzrə 2020-ci il üçün 96.50 manat, əvvəlki illərdən isə sayğac üzrə 1.10 manat borcu borcu olması bildirsə də, həmin borcun hansı əsasla yaranması barədə məhkəməyə mötəbər sübut təqdim edə bilməmişdir. Bu səbəbdən iddia həmin hissədə də təmin edilə bilməz. Bundan başqa məhkəmə qeyd etməyi zəruri hesab edir ki, iddia tələbinin vəkil bürosuna hüquqi yardım üçün ödənilən 300 manat və 30 manat dövlət rüsumunun ödənilməsi hissəsində də qismən təmin edilməlidir. Azərbaycan Respublikası Mülki Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Belə ki, Azərbaycan Respublikasının Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə iddianın dövlət rüsumunun tutulması ilə bağlı hissəsini araşdıraraq hesab edir ki, iddia tələbi qismən təmin edildiyindən iddiaçı tərəfindən ödənilmiş 30 manat dövlət rüsumunun 20 manatı cavabdehdən tutularaq iddiaçıya ödənilməli, yerdə qalan məbləğ isə iddiaçıya aid edilməlidir. Azərbaycan Respublikası Mülki-Prosessual Məcəlləsinin 121.1-ci maddəsinə görə məhkəmə nümayəndənin və ya vəkilin göstərdiyi yardıma görə xərclərin, konkret hallar və çıxış üçün təqdim olunmuş hesab nəzərə alınmaqla, digər tərəfdən ağlabatan məbləğdə alınıb xeyrinə qətnamə çıxarılan tərəfə verilməsini qərara alır. Məhkəmə cavabdehin əmlak və digər mənafelərini nəzərə alaraq hesab edir ki, iddia tələbinin hüquqi xidmətə görə ödənilmiş məbləğ qismən təmin edilərək 100 ( bir yüz ) manat məbləğində müəyyən edilməlidr. Azərbaycan Respublikası Mülki Prosessual Məcəlləsinin 77.1-ci maddəsinə əsasən, hər bir tərəf öz tələb və etirazlarının əsası kimi istinad etdiyi halları sübut etməlidir. Azərbaycan Respublikasının Mülki-Prosessual Məcəlləsinin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikasının Mülki-Prosessual Məcəlləsinin 88-ci maddəsinə Məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Mülki Prosessual Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. İddiaçı İB cavabdehin 1.1 manat məbləğində GASREP borcu olmasını bildirsə də, həmin borcun hansı əsasla yaranması barədə məhkəməyə mötəbər sübut təqdim edə bilməmişdir. Bu səbəbdən iddia həmin hissədə də təmin edilə bilməz. Bundan başqa məhkəmə qeyd etməyi zəruri hesab edir ki, vəkil bürosuna hüquqi yardım üçün ödənilən 300 manat və 30 manat dövlət rüsumunun ödənilməsi hissəsində də qismən təmin edilməlidir. Belə ki, Azərbaycan Respublikasının Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Yuxarıda göstərilənlərə əsasən və Azərbaycan Respublikası MPM-nin 216-220 və 360-cı maddələrini rəhbər tutaraq, məhkəmə QƏT ETDİ: İddia tələbi qismən təmin edilsin. Cavabdeh 3678 (üç min altı yüz yetmiş səkkiz) manat məbləğində dəymiş zərər və ödənilmiş 20 (iyirmi) manat dövlət rüsumu, hüquqi xidmət göstərilməsi üçün hüquq şirkətinə ödənilmiş 100 (bir yüz) manat xidmət haqqı İddiaçı İB-nin xeyrinə tutulsun. Tutulmuş məbləğ İddiaçı İB-nin Azərbaycan Beynəlxalq Bankı İddiaçı şöbəsi üzrə (kod 805153, VÖEN **********, M/H AZ03NABZ********************, SWİFT İBAZAZ2X, İddiaçı İB, VÖEN **********, İBAN: AZ50İBAZ********************) bank hesabına ödənilsin. İddia tələbi qalan hissədə təmin edilməsin. Qətnamədən tərəflərə rəsmi qaydada təqdim olunan gündən 1 (bir) ay müddətində Bakı şəhəri Sabunçu Rayon Məhkəməsi vasitəsilə Bakı Apelyasiya Məhkəməsinə apelyasiya şikayəti verilə bilər. Qətnamədən apelyasiya şikayəti verilmədikdə, qəbul edildiyi gündən 1 ay keçdikdən sonra qanuni qüvvəyə minir. Hakim Nilufər Cəfərli