Bakı Şəhəri Sabunçu Rayon Məhkəməsi Qərardad — İş №2(008)-3317/2024

Azərbaycan Respublikası adından QƏRARDAD Bakı şəhəri İş № 2(008)-3317/2024 21.05.2024 BAKI ŞƏHƏRİ SABUNÇU RAYON MƏHKƏMƏSİ hakim Qasımov Vidadi Kamal oğlunun sədrliyi, məhkəmə iclasının katibi X1, iddiaçının nümayəndəsi Nümayəndə iştirakı ilə İddiaçı Cavabdeh qarşı "ünvan 1 ünvanda yerləşən fərdi yaşayış evindən cavabdehin payına düşən 1/6 payın – 39,83 kv.m sahəsinin əvəzinə 5782 manat kompensasiya verilməklə cavabdehin həmin paya mülkiyyət hüququna xitam verilməsi" barədə iddiasına dair mülki işə açıq məhkəmə hazırlıq iclasında baxaraq, müəyyən etdi: İddiaçı Cavabdeh qarşı "ünvan 1 ünvanda yerləşən fərdi yaşayış evindən cavabdehin payına düşən 1/6 payın – 39,83 kv.m sahəsinin əvəzinə 5782 manat kompensasiya verilməklə cavabdehin həmin paya mülkiyyət hüququna xitam verilməsi" barədə iddia ərizəsi ilə Bakı Şəhəri Sabunçu Rayon Məhkəməsinə müraciət etmişdir. İş üzrə məhkəmənin hazırlıq iclası zamanı iddiaçının nümayəndəsi Nümayəndə məhkəməyə ərizə verərək, iddia ərizəsinin və ona əlavə olunmuş sənədlərin geri qaytarılmasını xahiş etmişdir. Azərbaycan Respublikası Mülki Prosessual Məcəlləsinin 170.1-ci maddəsində deyilir ki, bu Məcəllənin 254, 255, 261.0.1 - 261.0.3 və 261.0.6 - 261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Həmin Məcəllənin 114.1.3-cü maddəsinə görə, bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. Ona görə də məhkəmə bu qənaətə gəldi ki, iddia ərizəsi geri qaytarılmalı, eyni zamanda, İddiaçı tərəfindən xx.xx.2024-cü il tarixli ********** nömrəli mədaxil qəbzi ilə ödənilmiş 78 manat dövlət rüsumu ona qaytarılmalıdır. Qeyd olunanlara əsasən, məhkəmə qərara aldı: İddiaçı Cavabdeh qarşı "ünvan 1 ünvanda yerləşən fərdi yaşayış evindən cavabdehin payına düşən 1/6 payın – 39,83 kv.m sahəsinin əvəzinə 5782 manat kompensasiya verilməklə cavabdehin həmin paya mülkiyyət hüququna xitam verilməsi" barədə iddia ərizəsi geri qaytarılsın. İddiaçı tərəfindən xx.xx.2024-cü il tarixli ********** nömrəli mədaxil qəbzi ilə ödənilmiş 78 manat dövlət rüsumu ona qaytarılsın. Qərardaddan onun rəsmi qaydada təqdim olunduğu gündən 10 gün müddətində "Elektron məhkəmə" İnformasiya Sistemində yaradılmış elektron kabinet vasitəsi ilə Bakı Şəhəri Sabunçu Rayon Məhkəməsinə şikayət verilə bilər. X5.