Bakı Şəhəri Sabunçu Rayon Məhkəməsi Qərardad — İş №2(008)-3389/2021

Azərbaycan Respublikası adından QƏRARDAD Bakı şəhəri İş № 2(008)-3389/2021 16.06.2021 BAKI ŞƏHƏRİ SABUNÇU RAYON MƏHKƏMƏSİ Hakim Əsədova Tahirə Əlif qızının sədrliyi ilə, Məhkəmə iclas katibi X1 iştirakı ilə, İddiaçı Cavabdeh qarşı mənzilə köçürülmə tələbinə dair iddiası üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı Cavabdeh qızı ilə birlikdə Bakı şəhəri, Balaxanı qəsəbəsi, yeni massiv ünvanında inşa olunmuş özbaşına tikiliyə köçürülməsi və cavabdeh tərəfindən həmin evdə yaşamaqlarına hər hansı maneə yaratmasının qadağan edilməsi barədə qətnamə qəbul edilməsini xahiş etmişdir. Məhkəmə 19.05.2021-ci il tarixdə iddiaçının, cavabdehin və cavabdehin vəkilinin iştirakı ilə keçirilən məhkəmə iclasında tərəflərin barışması üçün məhkəmə iclasını 16.06.2021-ci il tarixə təyin etmiş, bunu onların diqqətinə çatdırmış, hər iki tərəf məhkəmə iclasının vaxtı barədə xəbərdar edilmiş və qəbzə imza atmışlar. Lakin, 16.06.2021-ci il tarixdə tərəflərin heç biri məhkəməyə gəlməmiş, gəlməmələrinin səbəbləri barədə məlumat verməmiş və işə onların iştirakları olmadan baxılmasını xahiş etməmişlər. Göstərilənlərə əsasən məhkəmə hesab edir ki, iddia ərizəsi baxılmamış saxlanmalıdır. Belə ki, Azərbaycan Respublikası MPM-nin: 259.0.6-cı maddəsinə əsasən, işə onların iştirakı olmadan baxmağı xahiş etməmiş tərəflər məhkəməyə gəlmədikdə iddia ərizəsi baxılmamış saxlanır; 263.2-ci maddəsinə əsasən məhkəmə iş üzrə icraatı dayandırdıqda, icraata xitam verdikdə, iddianı baxılmamış saxladıqda, habelə bu Məcəllə ilə nəzərdə tutulmuş digər hallarda qərardad çıxarır. 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Qeyd olunanlara əsaslanaraq və Azərbaycan Respublikası MPM-nin 259, 263-264, 268-ci maddələrini rəhbər tutaraq, məhkəmə QƏRARA ALDİ: İddiaçı İddiaçı Cavabdeh qarşı mənzilə köçürülmə tələbinə dair iddia ərizəsi baxılmamış saxlanılsın. Qərardaddan 10 (on) gün müddətində Sabunçu rayon məhkəməsinə şikayət verilə bilər. Hakim Tahirə Əsədova