Bakı Şəhəri Sabunçu Rayon Məhkəməsi Qərardad — İş №2(008)-43/2023

Azərbaycan Respublikası adından QƏRARDAD Bakı şəhəri İş № 2(008)-43/2023 24.07.2023 BAKI ŞƏHƏRİ SABUNÇU RAYON MƏHKƏMƏSİ Hakim Əsədova Tahirə Əlif qızının sədrliyi ilə, Məhkəmə iclas katibi X1 iştirakı ilə, İddiaçı ləğv prosesində olan "X5" ASC-nin cavabdehlər Səmədzadə (Səmədov) Fuad İsgəndər oğlu və Cavabdeh1 qarşı kredit məbləğinin geri qaytarılması və ipoteka predmetinə tutmanın yönəldilməsi tələbinə dair mülki işə baxaraq, Müəyyən etdim: İddiaçı ləğv prosesində olan "X5" ASC cavabdehlər Səmədzadə (Səmədov) Fuad İsgəndər oğlu və Cavabdeh1 qarşı kredit məbləğinin geri qaytarılması və ipoteka predmetinə tutmanının yönəldilməsi tələbinə dair iddia ərizəsi ilə məhkəməyə müraciət etmişdir. Sabunçu Rayon Məhkəməsinin xx.xx.2017-ci il tarixli qərardadı ilə iddiaçı ləğv prosesində olan "X5" ASC-nin cavabdehlər Səmədzadə (Səmədov) Fuad İsgəndər oğlu və Cavabdeh1 qarşı kredit məbləğinin geri qaytarılması və ipoteka predmetinə tutmanın yönəldilməsi tələbinə dair mülki iş üzrə icraat X2 "X5" ASC-yə qarşı kredit müqaviləsinin ləğv edilməsi və mənzilin ipotekadan azad edilməsi tələbinə dair iş üzrə yekun qərar qəbul edilənədək dayandırılmış, xx.xx.2023-cü il tarixli qərardadı ilə icraat təzələnmişdir. Tərəflər məhkəmə iclasının vaxtı və yeri barədə lazımı qaydada xəbərdar edilməklə məhkəmənin iclasına çağırılmışlar, lakin iddiaçı və cavabdeh məhkəməyə gəlməmiş, gəlməmələrinin səbəbləri barədə məlumat verməmiş və işə onların iştirakları olmadan baxılmasını xahiş etməmişlər. İddiaçı məhkəməyə ərizə göndərərək kredit müqaviləsi üzrə borc tam bağlandığından işin sənədlərinin geri qaytarılmasını xahiş etmişdir. Göstərilənlərə əsasən məhkəmə hesab edir ki, iddia ərizəsi baxılmamış saxlanmalıdır. Belə ki, Azərbaycan Respublikası MPM-nin: 259.0.11-ci maddəsinə müvafiq olaraq, iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır; 263.2-ci maddəsinə əsasən məhkəmə iş üzrə icraatı dayandırdıqda, icraata xitam verdikdə, iddianı baxılmamış saxladıqda, habelə bu Məcəllə ilə nəzərdə tutulmuş digər hallarda qərardad çıxarır. 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Qeyd olunanlara əsaslanaraq və Azərbaycan Respublikası MPM-nin 259, 263- 264, 268-ci maddələrini rəhbər tutaraq, məhkəmə QƏRARAALDİ: İddiaçı ləğv prosesində olan "X5" ASC-nin cavabdehlər Səmədzadə (Səmədov) Fuad İsgəndər oğlu və Cavabdeh1 qarşı kredit məbləğinin geri qaytarılması və ipoteka predmetinə tutmanının yönəldilməsi tələbinə dair iddia ərizəsi baxılmamış saxlanılsın, iddia ərizəsi və ona əlavə edilmiş sənədlər geri qaytarılsın. Qərardaddan 10 (on) gün müddətində Sabunçu rayon məhkəməsinə şikayət verilə bilər. Hakim Tahirə Əsədova