Bakı Şəhəri Sabunçu Rayon Məhkəməsi Qətnamə — İş №2(008)-5034/2025

Azərbaycan Respublikası adından QƏTNAMƏ Bakı şəhəri İş № 2(008)-5034/2025 20.08.2025 BAKI ŞƏHƏRİ SABUNÇU RAYON MƏHKƏMƏSİ Bayramov Müseyib Seyfəddin oğlunun sədrliyi ilə, Məhkəmə islas katibi X2, Ərizəçi iştirakı ilə, Ərizəçi maraqlı şəxs Bakı şəhəri, Sabunçu rayon Qeydiyyat Şöbəsi cəlb edilməklə ölüm faktının müəyyən edilməsinə dair ərizəsinə açıq məhkəmə iclasında baxaraq, MÜƏYYƏN ETDİ: Ərizəçi maraqlı şəxs Bakı şəhəri, Sabunçu rayon Qeydiyyat Şöbəsi cəlb edilməklə ərizə ilə məhkəməyə müraciət edərək 06 may 1988-ci ildə Bakı şəhərində doğulmuş qızı X3 29 may 2025-ci il tarixində Bakı şəhərində ölməsi faktının müəyyən edilməsi barədə qətnamə çıxarılmasını xahiş etmişdir. Ərizə onunla əsaslandırılmışdır ki, xx.xx.1988-cı il təvəllüdlü X6 onun qızıdır. Qızı iflic xəstəliyindən əziyyət çəkirmiş və xəstəliyi ilə əlaqədar olaraq müalicələr alırmış. xx.xx.2025-ci il tarixdə qızının halı qəfil pisləşmiş, dərhal “Təcili Yardıma zəng vursalar da, həkim gələnə kimi qızı - X6 vəfat etmişdi. Qızı vəfat edən zaman O və həyat yoldaşı - X4 və qızı - Şahid1 onun yanında olmuşlar. xx.xx.1988-cı il təvəllüdlü X5 Maştağa qəbirstanlığında dəfn etmişlər. Bildirir ki, müəyyən sənədləşmə işləri görmək üçün mərhum qızının ölüm haqqında şəhadətnaməsi tələb olunur. Bu səbəbdən də o, mərhum qızı - X3 ölüm haqqında şəhadətnaməsini almaq üçün “21 Saylı Şəhər Poliklinikasına” və 4 saylı Maraqlı şəxsndə yerləşən Qeydiyyat şöbəsinə müraciət etmiş, “21 Saylı Şəhər Poliklinikası” ölüm haqqında tibbi şəhadətnamə”nin verilməsindən, 4 Saylı Maraqlı şəxsndə Qeydiyyat şöbəsi isə “ölüm haqqında şəhadətnamə”nin verilməsindən imtina etmişdi. Hazırda miras qalmış əmlakla bağlı qızının ölüm haqqında şəhadətnaməsi tələb olunur. Bununla əlaqədar AR “Tibbi Ərazi Bölmələrinin İdarəetmə Birliyi” X13 “Bakı Baş Səhiyyə Mərkəzi” X13 Bakı Baş Səhiyyə X8 Şəxs 21 nömrəli şəhər poliklinikasına müraciət etmiş, Mərkəzin ona ünvanladığı xx.xx.2025-ci il tarixli məktubunda qeyd edilir ki, X3 poliklinikada heç bir müraciəti olmadığı üçün ölüm barədə sənəd təqdim edilməsi səlahiyyətləri xaricindədir. Bununla əlaqədar Azərbaycan Respublikası Ədliyyə Nazirliyinin 4 saylı Bakı Maraqlı şəxsndə Qeydiyyat Şöbəsinə müraciət etsə də, müraciəti təmin edilməmişdir. Həmin orqanın 12 iyun 2025-ci il tarixli cavab məktubunda qeyd edilir ki, ölüm haqqında tibbi şəhadətnamə olmadıqda ölüm faktı məhkəmə tərəfindən müəyyən edilir. Buna görə, də ölüm faktının müəyyən edilməsi üçün məhkəməyə müraciət etməyi tövsiyə edilmişdir. Göründüyü kimi, qızıının ölüm haqqında şəhadətnaməsini başqa yolla ala bilmədiyindən məhkəməyə müraciət etmək məcburiyyətində qalmışdır. Məhkəmə, Azərbaycan Respublikası Mülki Prosessual Məcəlləsinin 185.6-cı maddəsinin müddəalarını rəhbər tutaraq işə maraqlı şəxsin nümayəndəsinin iştirakı olmadan mülki işə baxılmasını mümkün hesab edir. Məhkəmə iclasında Ərizəçi ərizənin məzmununa uyğun izahat verərərk, ərizəsiin təmin edilməsi barədə qətnamə çıxarılmasını xahiş etdi. Eyni zamanda, qeyd etdi ki, hazırki faktın müəyyən edilməsi ata-babadan qalan mülkün sənədlərinin bərpa edilməsi üçün lazımldır. Məhkəmə ərizəçinin izahatını dinləyib, iş materiallarını araşdıraraq hesab edir ki, ərizə təmin edilməlidir. İş materiallarından aşağıdakılar görünür. Ərizəçi xx.xx.1955-ci il tarixdə Bakı şəhərində doğulmuşdur, Sabunçu rayonunda qeydiyyatdadır. XİH-JQ- seriyalı 294164 №-li doğum haqqında şəhadətnamənin sürətindən görünür ki, xx.xx.1988-cı il təvəllüdlü X6, xx.xx.1955-ci il tarixdə doğulmuş Ərizəçi qızıdır. Məştağa Bələdiyyəsi tərəfindən verilmiş xx.xx.2025-ci il tarixli arayışdan görünür ki, Ərizəçi qızı X6 xx.xx.2025-ci il tarixdə vəfat etmiş və Maştağa qəsəbəsi Seyidlər qəbirstanlığında dəfn edilmişdir. Azərbaycan Respublikası «TƏBİB» «Bakı Səhiyyə Mərkəzi» X14 Kürdəxanı Xəstəxanası tərəfindən verilmiş 18-1-1-58/2-B-100-xx-xx/2025 №-li xx.xx.2025-ci il tarixli məktubdan görünür ki, X1 adına ölüm haqqında tibbi şəhadətnamənin verilməsi mümkün deyil. İş materiallarında olan Bakı şəhəri Sabunçu rayon Qeydiyyat Şöbəsi tərəfindən verilmiş xx.xx.2025-ci il tarixli məktubdan görünür ki, X3 qeydiyyat şöbəsində ölüm faktının qeydə alınması mümkün deyil. Şahidlər: Şahid1 (ərizəçinin qızı və mərhumun bacısı, Ş/V FİN-xxxxxxx), Şahid2 (ərizəçinin kürəkəni, Ş/V FİN-xxxxxxx) X3 xx.xx.2025-ci il tarixdə öldüyü faktını təsdiq etmişdilər. Hazırda ərizəçi qızı X3 xx.xx.2025-ci il tarixdə Bakı şəhərində ölməsi faktının müəyyən edilməsini istəyir. Məhkəmə aşağıdakı hüquqi əsaslara görə tələbin qanuni və əsaslı olduğu qənaətinə gəlmişdir Azərbaycan Respublikası Mülki Prosessual Məcəlləsinin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələblərinin və etirazının əsası kimi istinad etdiyi halları sübut etməlidir. Həmin Məcəllənin 305.1.1-ci maddəsinə əsasən, məhkəmə hüquqi əhəmiyyəti olan faktların müəyyən edilməsi haqqında işlərə xüsusi icraat qaydasında baxır. Həmin Məcəllənin 307.2.3-cü maddəsinə əsasən, məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında Azərbaycan Respublikası Ali Məhkəməsi Plenumunun xx.xx.2019-cu il tarixli, 3 nömrəli qərarlarının 9.1-ci bəndinə əsasən “Əhalinin sağlamlığının qorunması” haqqında Azərbaycan Respublikası Qanunun 39-cu və 41-ci maddələrində və Azərbaycan Respublikası Səhiyyə Nazirliyinin Kollegiyasının 31 yanvar 2018-ci il tarixli 05 saylı qərarı ilə təsdiq edilmiş “İnsanın ölüm anının müəyyən edilməsi, reanimasiya tədbirlərinin dayandırılması meyarları və qaydası”nda insanın ölüm anının və səbəblərinin müəyyən edilməsi qaydası təsbit olunmuşdur. Həmin “Qayda”nın 4-cü bəndində “ölüm haqqında tibbi şəhadətnamə”nin verilməsi qaydası dəqiq müəyyən edilmişdir. “Ölüm haqqında tibbi şəhadətnamə’' mülkiyyət formasından asılı olmayaraq ambulator-poliklinik (stomatoloji istisna olmaqla), stasionar və sanator-kurort xidməti göstərən bütün tibb müəssisələri, həmçinin patoloji-anatomik müayinə aparan dövlət tibb müəssisələri tərəfindən verilir. Həmin Qaydaların 5.3-cü bəndinə əsasən şəhadətnamənin verilməsi ilə bağlı bütün mübahisəli hallar məhkəmə qaydasında həll olunur. Nəzərə alınmalıdır ki, “Ölüm haqqında tibbi şəhadətnamə”nin verilməsindən əsassız imtina edildikdə, həmin şəhadətnaməni verməli olan tibb müəssisələrinə qarşı inzibati icraat qaydasında iddia qaldırıla bilər. Həmin Qanunun 9.2-ci bəndinə əsasən şəxsin müəyyən vaxtda və müəyyən şəraitdə vəfat etməsi faktının müəyyən edilməsi haqqında ərizəyə “Ölüm haqqında tibbi şəhadətnamə”nin alınması üçün müraciət edilməsi və həmin şəhadətnamənin hansı səbəblərdən alınmaması barədə sübutlar əlavə edilməli, belə sübutlar əlavə edilmədikdə isə, Azərbaycan Respublikası MPM-nin 310-cu maddəsinə əməl edilmədiyinə görə ərizə və ona əlavə edilmiş sənədlər Azərbaycan Respublikası MPM-nin 152.1.1-ci maddəsinin tələbinə əsasən geri qaytarılmalı, məhkəmə baxışı mərhələsində olduqda isə həmin Məcəllənin 259.0.12-ci maddəsinin tələbinə əsasən ərizə baxılmamış saxlanılmalıdır. Məhkəmə hesab edir ki, həmin faktın müəyyən edilməsinin qanunvericilikdə başqa qaydası nəzərdə tutulmamışdır, ərizəçi qeyd olunan faktı təsdiq edən lazımi sənədi başqa qaydada ala bilməz, bu faktın təsdiq edilməsi ölüm haqqında şəhadətnamənin alınması ilə əlaqədar, eyni zamanda adıçəkilən fakt daşınmaz əmlaka dair sənədlərin bərpa edilməsi üçün tələb olunur. Qeyd olunanlara əsasən məhkəmə ərizənin təmin edilməsini əsaslı hesab edir. Azərbaycan Respublikası Mülki Prosessual Məcəlləsinin 360-cı maddəsinə əsasən apellyasiya şikayəti məhkəmə qətnaməsi rəsmi qaydada verildiyi gündən 1 ay müddətində verilə bilər. Qeyd olunanlara əsasən və Azərbaycan Respublikası Mülki Prosessual Məcəlləsinin 216-220, 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. X3 xx.xx.2025-ci il tarixdə Bakı şəhərində ölməsi ölməsi faktı müəyyən edilsin. Hazırki qətnamə ölüm haqqında şəhadətnamənin verilməsi üçün əsasdır. Qətnamədən rəsmi qaydada verildiyi gündən 1 (bir) ay müddətində Sabunçu rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. X10