Bakı Şəhəri Sabunçu Rayon Məhkəməsi Qərardad — İş №2(008)-5035/2024

Azərbaycan Respublikası adından QƏRARDAD Bakı şəhəri İş № 2(008)-5035/2024 05.07.2024 BAKI ŞƏHƏRİ SABUNÇU RAYON MƏHKƏMƏSİ Mən, Bakı Şəhəri Sabunçu Rayon Məhkəməsinin hakimi Əsədova Tahirə Əlif qızı, İddiaçı Cavabdeh qarşı mənzilə köçürülmə,istifadə hüququnun tanınması tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı Cavabdeh qarşı iddia ərizəsi ilə məhkəməyə müraciət edərək İddiaçı Sabunçu Rayonu Zabrat X1 küçəsi ünvanında yerləşən 15\1 saylı fərdi yaşayış evinə köçməsi və həmin mənzildən istifadə hüququnun tanınması barədə qətnamə qəbul edilməsini xahiş etmişdir. Ərizəni və ona əlavə olunmuş sənədləri nəzərdən keçirib hesab edirəm ki, ərizə icraata qəbul edilmədən geri qaytarılmalıdır. Belə ki, ərizəçi tərəfindən ərizənin verilməsi üçün dövlət rüsumu qanunla müəyyən edilmiş məbləğdə ödənilməmişdir. Ərizəçi mediasiyaya müraciət etmiş və mediasiya prosesinə çəkilən xərc məbləğində dövlət rüsumunu az ödəmişdir. Lakin hesab edirəm ki, iddia ərizəsində nəzərdə tutulmuş münasibətlər Ailə Məcəlləsi ilə tənzimlənmədiyindən mediasiya prosesinin aparılması zəruri deyildir. Ailə Məcəlləsində valideyn-uşaq arasındakı mənzilə köçürülmə,istifadə hüququ ilə bağlı məsələlər əks olunmamışdır. Bu halda hazırki iddia tələbi üzrə dövlət rüsumunun tam şəkildə ödənilməsi məhkəmə tərəfindən məqsədəmüvafiq hesab olunur. Azərbaycan Respublikası Mülki Prosessual Məcəlləsinin: 108.1.1-ci maddəsinə əsasən iddia ərizəsi verildikdə dövlət rüsumu ödənilir; 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. 263.1-ci maddəsinə əsasən iş mahiyyəti üzrə həll edilmədikdə, məhkəmə aktları qərardad formasında çıxarılır. Beləliklə hesab edirəm ki, ərizə Azərbaycan Respublikası MPM-in 108.1.1-ci maddəsinə riayət edilməməklə verildiyinə görə geri qaytarılmalıdır. Azərbaycan Respublikası Mülki Prosessual Məcəlləsinin 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Qeyd olunanlara əsasən və Azərbaycan Respublikası Mülki Prosessual Məcəlləsinin 108, 152, 263-264, 267-268-ci maddələrini rəhbər tutaraq, QƏRARA ALDİM: İddia ərizəsi icraata qəbul edilmədən geri qaytarılsın. Şikayət qərardad tərəflərə rəsmi qaydada təqdim edildikdən sonra 10 gün müddətində verilə bilər. Hakim Tahirə Əsədova