Bakı Şəhəri Sabunçu Rayon Məhkəməsi Qərardad — İş №2(008)-5395/2025

Azərbaycan Respublikası adından QƏRARDAD Bakı şəhəri İş № 2(008)-5395/2025 21.07.2025 BAKI ŞƏHƏRİ SABUNÇU RAYON MƏHKƏMƏSİ Mən, Bakı Şəhəri Sabunçu Rayon Məhkəməsinin hakimi Babaşov Fuad Bəhruz oğlu, Ərizəçi maraqlı şəxs Bakı Asan 5 Qeydiyyat Şöbəsinə qarşı “ölüm faktının müəyyən edilməsi” tələbinə dair ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: Ərizəçi maraqlı şəxs Bakı Asan 5 Qeydiyyat Şöbəsinə qarşı ərizə ilə məhkəməyə müraciət edərək, xx.xx.1943-cü il təvəllüdlü X1 20 dekabr 2024-cü il tarixdə (ölüm faktının) ölmüş elan edilməsi barədə qətnamə qəbul edilməsini xahiş etmişdir. Ərizəsini və ona əlavə olunmuş sənədləri nəzərdən keçirib hesab edirəm ki, iddia ərizəsi geri qaytarılmalıdır. Belə ki, «Elektron məhkəmə» informasiya sistemindən çıxarışdan və ərizəyə əlavə edilmiş materiallardan müəyyən olunur ki, iddiaçı Ərizəçi qeydiyyatda olduğu ünvan Füzuli rayonu, Mirzəcamallı Ərazi Dairəsi, Ələsgərli kəndidir. Hazırki iddia tələbi isə Hüquqi əhəmiyyəti olan faktların müəyyən edilməsi ilə bağlı iş hesab edildiyindən, işə aidiyyatı üzrə ərizəçinin olduğu yer üzrə məhkəmədə baxılmalıdır. Lakin, 2(008)-5086/2025 saylı mülki iş üzrə qəbul edilmiş xx.xx.2025-ci il tarixli qərardadla işin ərazi aidiyyatının Bakı şəhər Sabunçu rayon Məhkəməsi olmaması qeyd edilsə də lakin ərizəçi eyni ərizəni təkrarən eyni məhkəməyə təqdim etmişdir. Eyni zamanda ərizə ərizəçi tərəfindən imzalansa da, qanunvericiliyin tələblərinə riayət edilməmiş, kserosurət imza ilə, yəni hüquqi cəhətdən imzalanmadan məhkəməyə təqdim edilmişdir. Həmçinin Azərbaycan Respublikası Mülki Prosessual Məcəlləsinin 108.1.1-ci maddəsinə əsasən iddia ərizəsi verildikdə dövlət rüsumu ödənilir. Lakin ərizəçi tərəfindən qüvvədə olan qanunvericilik üzrə müəyyən edilmiş qaydada və məbləğdə dövlət rüsumunun ödənilməsini təsdiq edən sənəd ərizəyə əlavə edilməmişdir. "Elektron məhkəmə" informasiya sistemindən əldə olunmuş məlumata əsasən müəyyən olunur ki, iddia ərizəsinə əlavə olunmuş xx.xx.2025-ci il tarixli, ********** nömrəli qəbz üzrə ödənilmiş dövlət rüsumu 2(008)-5086/2025 saylı mülki iş üzrə istifadə olunmuş və həmin mülki iş üzrə qəbul edilmiş xx.xx.2025-ci il tarixli qərardadla rüsumun Ərizəçi qaytarılması qərara alınmışdır. Azərbaycan Respublikası MPM-nin 31.1-ci maddəsinə əsasən aidiyyat qaydalarının pozulmasına yol verilmir; 37-ci maddəsinə əsasən Tikintiyə, qurğuya, torpaq sahəsinə sahiblik faktının müəyyən edilməsinə dair həmin tikintinin, qurğunun, torpaq sahəsinin olduğu yerdə baxılan işlər istisna olmaqla, hüquqi əhəmiyyəti olan faktların müəyyən edilməsi barədə işlərə ərizəçinin olduğu yerdə baxılır; 152.1.2-ci maddəsinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır. 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. 152.2. İddia ərizəsinin qaytarılması haqqında hakim qərardad çıxarır; 152.3. İddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. 152.4. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə hesab edirəm ki, hazırda ərizə qanunla müəyyən olunmuş qaydada ərazi aidiyyəti üzrə və forma-məzmun cəhətdən düzgün verilmədiyindən ərizə ona əlavə olunmuş sənədlərlə birlikdə ərizəçiyə geri qaytarılmalıdır. Azərbaycan Respublikası MPM-nin 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Qeyd olunanlara əsasən və Azərbaycan Respublikası Mülki Prosessual Məcəlləsinin 152, 263-264, 267-268-ci maddələrini rəhbər tutaraq, QƏRARA ALDİM: Ərizəçi maraqlı şəxs Bakı Asan 5 Qeydiyyat Şöbəsinə qarşı “ölüm faktının müəyyən edilməsi” tələbinə dair ərizəsi və ona əlavə edilmiş sənədlər icraata qəbul edilmədən ərizəçiyə geri qaytarılsın. Qərardaddan onun rəsmi qaydada təqdim olunduğu gündən 10 gün müddətində Bakı Şəhəri Sabunçu Rayon Məhkəməsinə ("Elektron məhkəmə" informasiya sistemində yaradılan elektron kabinet vasitəsilə) şikayət verilə bilər. Hakim Fuad Babaşov.