Bakı Şəhəri Sabunçu Rayon Məhkəməsi Qərardad — İş №2(008)-7390/2021

Azərbaycan Respublikası adından QƏRARDAD Bakı şəhəri İş № 2(008)-7390/2021 24.09.2021 BAKI ŞƏHƏRİ SABUNÇU RAYON MƏHKƏMƏSİ Mən, Bakı Şəhəri Sabunçu Rayon Məhkəməsinin hakimi Əsədova Tahirə Əlif qızı, ərizəçilər Ərizəçi və X1 övladlığa götürülmə tələbinə dair ərizəsini nəzərdən keçirərək, MÜƏYYƏN ETDİM: Ərizəçilər Ərizəçi və X2 maraqlı şəxslər Sabunçu rayon İH-nin Qəyyumluq Şöbəsi və Sabunçu rayon Qeydiyyat şöbəsi göstərilməklə 03.10.2016-cı il tarixdə doğulmuş Eyvazova Zərifənin oların övladı kimi tanınması və onun soyadının daşıması və dlğum haqqında şəhadətnaməsinin ata hissəsində X2 və ana hissəsində Ərizəçi kimi tanınması barədə qətnamə çıxarılmasını xahiş etmişdir. İddia ərizəsini nəzərdən keçirib hesab edirəm ki, ərizə geri qaytarılmalıdır. Belə ki, Azərbaycan Respublikası MPM-nin 347.1.7-ci maddəsinin mənası görə əsasən övladlığa götürmə barədə ərizəyə AR Əmək və Əhalinin Sosial Müdafiəsi Nazirliyinin övladlığa götürmənin övladlığa götürülən uşağın mənafeyinə uyğunluğu barədə rəyi əlavə edilməlidir. Belə bir rəy ərizəyə əlavə edilməmişdir. Həmin Məcəllənin: 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. 152.3-ci maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. 263.1-ci maddəsinə əsasən iş mahiyyəti üzrə həll edilmədikdə, məhkəmə aktları qərardad formasında çıxarılır. 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Bundan başqa, məhkəmə qeyd etməyi zəruri hesab edir ki, X2 əvvəllər də eyni məzmunlu ərizə ilə müraciət etmişdir. Məhkəmənin 2-4257/21 №-li iş üzrə qəbul etdiyi 19.05.2021-ci il tarixli qərardadla eyni əsaslarla ərizə geri qaytarılmışdır. X2 qeyd olunan nöqsanı aradan qaldırmadan yenidən məhkəməyə müraciət etmişdir. Beləliklə hesab edirəm ki, iddia ərizəsi MPM-in 352 və149-cu maddələrinə riayət edilməməklə verildiyinə görə geri qaytarılmalıdır. Qeyd olunanlara əsasən və Azərbaycan Respublikası MPM-nin 152, 263, və 268cu maddələrini rəhbər tutaraq, QƏRARA ALDİM: İddiaçı X1 03.10.2016-cı il tarixdə doğulmuş Eyvazova Zərifənin onun övladı kimi tanınması və onun soyadının verilməsi barədə ərizəsi geri qaytarılsın. Qərardaddan rəsmi qaydada verildiyi gündən 10 (on) gün müddətinə Bakı şəhəri Sabunçu Rayon Məhkəməsinə şikayət verilə bilər. Hakim Tahirə Əsədova