Bakı Şəhəri Sabunçu Rayon Məhkəməsi Qərardad — İş №2(008)-7620/2021

Azərbaycan Respublikası adından QƏRARDAD Bakı şəhəri İş № 2(008)-7620/2021 29.09.2021 BAKI ŞƏHƏRİ SABUNÇU RAYON MƏHKƏMƏSİ Mən, Bakı Şəhəri Sabunçu Rayon Məhkəməsinin hakimi Cəfərli Nilufər Arif qızı, Ərizəçi maraqlı şəxs İsmayıllı Rayon Qeydiyyat Şöbəsi olmaqla doğum faktının müəyyən edilməsi tələbinə dair xüsusi icraat qaydasında ərizə və ona əlavə edilmiş sənədləri nəzərdən keçirərək, MÜƏYYƏN ETDİM: Ərizəçi maraqlı şəxs İsmayıllı Rayon Qeydiyyat Şöbəsi olmaqla doğum faktının müəyyən edilməsi tələbinə dair ərizə ilə məhkəməyə müraciət etmişdir. Hesab edirəm ki, ərizəçi tərəfindən verilmiş xüsusi icraat qaydasında ərizənin icraata qəbul edilməsindən imtina olunmalıdır. Azərbaycan Respublikası MPM-nin: 307.1-ci madddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. 307.2-ci maddəsinə əsasən məhkəmə aşağıdakıların müəyyən edilməsi barədə işlərə baxır: 307.2.1-ci maddəsinə əsasən şəxslərin qohumluq münasibətlərinin; 307.2.2-ci maddəsinə əsasən şəxsin öhdədə olması faktının; 307.2.3-cü maddəsinə əsasən doğumun, övladlığa götürmənin, nikahın, boşanmanın, ölümün qeyd edilmə faktının; 307.2.4-cü maddəsinə əsasən ər-arvaddan birinin vəfat etməsi nəticəsində müvafiq icra hakimiyyəti orqanında nikah qeydə alına bilməzsə, qanunla müəyyən edilmiş hallarda faktiki nikah münasibətlərində olma faktının; 307.2.5-cü maddəsinə əsasən şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının; 307.2.6-ci maddəsinə əsasən mülkiyyət hüququ üzrə daşınmaz əmlaka sahiblik, ondan istifadə etmək və onun barəsində sərəncam vermək faktının; 307.2.7-ci maddəsinə əsasən bədbəxt hadisə faktının; 307.2.8-ci maddəsinə əsasən müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının; 307.2.9-ci maddəsinə əsasən mirasın qəbul edilməsi faktının və vərəsəliyin açılma yerinin; 307.2.10-cu maddəsinə əsasən atalığın etiraf olunması faktının; 307.2.10-1-ci maddəsinə əsasən “Azərbaycan Respublikasının vətəndaşlığı haqqında” Azərbaycan Respublikası Qanununun 14-cü maddəsinin dördüncü hissəsinə uyğun olaraq şəxsin heç bir dövlətin vətəndaşlığına mənsub olmaması, habelə Azərbaycan Respublikasında daimi yaşaması faktının; 307.2.11-ci maddəsinə əsasən qanunvericilikdə müəyyən edilməsinin başqa qaydası nəzərdə tutulmamışsa, hüquqi əhəmiyyəti olan digər faktların Hesab edirəm ki, xüsusi icraat qaydasında baxılan hüquqi əhəmiyyətli faktların müəyyən edilməsinə dair işlərin siyahısı Azərbaycan Respublikasının MPM-nin 307-ci maddəsində əhatəli şəkildə göstərilmişdir. Həmçinin məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ərizəçi ərizəsi hüquqi əhəmiyyətli faktın müəyyən edilməsi üçün zəruri olan şərtləri ehtiva etmir. Belə ki, Ərizəçi İsmayıllı Rayon Qeydiyyat Şöbəsi olmaqla doğum faktının müəyyən edilməsi ilə bağlı xüsusi icraat qaydasında ərizə icraata götürülərək o zaman mümkün hesab edilib baxıla bilər ki, ərizəçi həmin faktları təsdiq edən lazımi sənədləri başqa qaydada ala bilməsin. Halbuki, vətəndaşlıq vəziyyəti aktlarının qeydiyyatı bürosunun İ-ИE seriyalı, 161225 nömrəli nikahın bağlanması haqqında şəhadətnaməsinin surətindən görünür ki, X1 1936-cı il tarixdə Lahıc qəsəbəsində doğulmuşdur. Belə olan halda Ərizəçi tərəfindən verilmiş xüsusi icraat qaydasında ərizənin icraata qəbul edilməsindən imtina olunmalıdır. Azərbaycan Respublikası MPM-nin 153.2.1-ci madddəsinə əsasən ərizəyə məhkəmə qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir. Həmin Məcəllənin 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, ərizəçinın hansı orqana müraciət etməli olmasını orada göstərir. Həmin Məcəllənin 153.4-cü maddəsinə əsasən ərizəni qəbul etməkdən imtina haqqında qərardad ərizəyə əlavə olunmuş bütün sənədlərlə birlikdə ərizəçiyə rəsmi qaydada verilməlidir. Həmin Məcəllənin 153.5-ci maddəsinə əsasən ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Həmin Məcəllənin 153.6-ci maddəsinə əsasən iddia ərizəsini qəbul etməkdən imtina barədə qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi ilk gündən verilmiş hesab edilir. Qeyd olunanlara əsasən və Azərbaycan Respublikası MPM-nin 153.2.1-ci, 153.6-cı maddələrini rəhbər tutaraq, QƏRARA ALDİM: Ərizəçi tərəfindən verilmiş xüsusi icraat qaydasında ərizənin qəbul edilməsindən imtina olunsun. Qərardaddan 10 (on) gün müddətində Bakı şəhər Sabunçu Rayon Məhkəməsinə şikayət verilə bilər. Hakim Nilufər Cəfərlı