Bakı Şəhəri Sabunçu Rayon Məhkəməsi Qərardad — İş №2(008)-8214/2022

Azərbaycan Respublikası adından QƏRARDAD Bakı şəhəri İş № 2(008)-8214/2022 14.12.2022 BAKI ŞƏHƏRİ SABUNÇU RAYON MƏHKƏMƏSİ Mən, Bakı şəhəri Sabunçu Rayon Məhkəməsinin hakimi Cəfərli Nilufər Arif qızı, İddiaçı cavabdeh «X1 Kredit Təşkilatı» MMC-yə qarşı «qanunsuz artıq faiz hesablanması, evinin əlindən alınması ilə bağlı olan saxtakarlıqları araşdırılması» tələbinə dair iddia ərizəsinə və ona əlavə edilmiş sənədlərə baxaraq, MÜƏYYƏN ETDİM: İddiaçı cavabdeh «X1 Kredit Təşkilatı» MMC-yə qarşı «qanunsuz artıq faiz hesablanması, evinin əlindən alınması ilə bağlı olan saxtakarlıqları araşdırılması» tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası MPM-in 35.2-ci maddəsinə əsasən iddia hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Cavabdeh «X1 Kredit Təşkilatı» MMC-nin hüququ ünvanın harada olmasını təsdiq edən sənəd iş matriallarına əlavə edilməmiş və eyni zamanda məhkəmənin elektron məhkəmmə sisteminə edilmiş sorğusunda bu məlumatlar əldə edilə bilməmişdir. Belə olan halda məhkəmə hesab edir ki, iddiaçı cavabdehin hüququ ünvanına dair məlumatları məhkəməyə təqdim etmədiyindən, mülki işin adiyyat qaydalarını müəyyən etmək mümükün olmadığından iddia ərizəsi geri qaytarılmalıdır. Azərbaycan Respublikası MPM-in 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Azərbaycan Respublikası MPM-in 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qeyd olunanlara əsasən və Azərbaycan Respublikası MPM-in 152, 263-264, 268-ci maddəsini rəhbər tutaraq, QƏRARA ALDİM: İddiaçı cavabdeh «X1 Kredit Təşkilatı» MMC-yə qarşı «qanunsuz artıq faiz hesablanması, evinin əlindən alınması ilə bağlı olan saxtakarlıqları araşdırılması» tələbinə dair iddia ərizəsi və ona əlavə edilmiş sənədlər icraata qəbul edilmədən geri qaytarılsın. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə aidiyyəti məhkəməyə müraciət etməyə mane olmur. Qərardaddan rəsmi qaydada verildiyi gündən 10 gün müddətində Bakı şəhəri Sabunçu Rayon Məhkəməsinə şikayət verilə bilər. Hakim Nilufər Cəfərli