Bakı Şəhəri Sabunçu Rayon Məhkəməsi Qərardad — İş №2(008)-9097/2021

Azərbaycan Respublikası adından QƏRARDAD Bakı şəhəri İş № 2(008)-9097/2021 10.12.2021 BAKI ŞƏHƏRİ SABUNÇU RAYON MƏHKƏMƏSİ Mən, Bakı şəhəri Sabunçu Rayon Məhkəməsinin hakimi Mahmudova Həqiqət Sahib qızı, iddiaçılar İddiaçı1 və İddiaçı2 Cavabdeh qarşı “mülkiyyətçilərin hüquqlarına və mənafelərinə xələl gətirən hüquqpozmaların aradan qaldırılması və qanunsuz tikilmiş binaların sökülməsi” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçılar İddiaçı1 və İddiaçı2 Cavabdeh qarşı “mülkiyyətçilərin hüquqlarına və mənafelərinə xələl gətirən hüquqpozmaların aradan qaldırılması və qanunsuz tikilmiş binaların sökülməsi” tələbinə dair iddia ərizəsi ilə məhkəməyə müraciət edərək, cavabdehin mülkiyyətçilərin hüquqlarına və qorunan mənafelərinə xələl gətirən yuxarıda qeyd olunan hüquqpozmaların aradan qaldırılması və qanunsuz tikilmiş binaların öz vəsaiti hesabına sökülməsi barədə qətnamə qəbul edilməsini xahiş etmişlər. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi məhkəmənin icraatına qəbul edilmədən iddiaçıya geri qaytarılmalıdır. Belə ki, Azərbaycan Respublikası Mülki-Prosessual Məcəlləsinin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 149.2, 149.2.3-cü maddəsinə əsasən, iddia ərizəsində iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Hazırkı iddia ərizəsində iddiaçların tələbləri göstərilsə də, həmin tələblər qeyridəqiqdir. Belə ki, iddiaçılar iddia tələbində mülkiyyətçilərin hüquqlarına və qorunan mənafelərinə xələl gətirən yuxarıda qeyd olunan hüquqpozmaların aradan qaldırılmasını xahiş etsələr də, həmin hüquqpozmaların konkret olaraq nədə ifadə olunduğunu göstərməmişlər. Bundan başqa, cavabdehin qanunsuz tikilmiş binaların öz vəsaiti hesabına sökülməsi barədə də iddia tələbində hansı binaların nəzərdə tutulduğu müəyyən deyil. Azərbaycan Respublikası Mülki-Prosessual Məcəlləsinin 152.1-ci və 152.1.1-ci maddələrinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qeyd olunanları nəzərə alaraq və Azərbaycan Respublikası Mülki-Prosessual Məcəlləsinin 152, 263-264-cü və 267-268-ci maddələrinin tələblərini rəhbər tutaraq, QƏRARA ALDİM: İddiaçılar İddiaçı1 və İddiaçı2 Cavabdeh qarşı “mülkiyyətçilərin hüquqlarına və mənafelərinə xələl gətirən hüquqpozmaların aradan qaldırılması və qanunsuz tikilmiş binaların sökülməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçılara izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan, rəsmi qaydada alındığı gündən 10 (on) gün müddətində Bakı şəhəri Sabunçu Rayon Məhkəməsinə şikayət verilə bilər. Hakim: Həqiqət Mahmudova