Bakı Şəhəri Səbail Rayon Məhkəməsi Qərardad — İş №2(009)-1360/2025

Azərbaycan Respublikası adından QƏRARDAD Bakı şəhəri İş № 2(009)-1360/2025 23.05.2025 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Rəna Nazim qızı Qafarova, İddiaçı cavabdeh X2 qarşı (Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidməti üçüncü şəxs qismində cəlb edilməklə) “əmək müqaviləsi bildirişinin ləğv edilməsi” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı cavabdeh X2 qarşı (Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidməti üçüncü şəxs qismində cəlb edilməklə) “əmək müqaviləsi bildirişinin ləğv edilməsi” tələbinə dair iddia ərizəsi ilə məhkəməyə müraciət edərək, müvafiq qətnamə çıxarılmasını xahiş etmişdir. Ərizəni və ona əlavə edilmiş sənədləri nəzərdən keçirərək hesab edir ki, ərizə aidiyyət qaydalarına uyğun olmayan formada verildiyi üçün geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Hüquqi şəxsə iddia hüquqi şəxsin ünvanının olduğu yerə görə verilir. (MPM 35.2) Azərbaycan Respublikası Mülki Prosessual Məcəlləsinin 40.1-ci maddəsinə əsasən ərazi aidiyyəti qaydalarının pozulmasına yol verilmir. Məhkəmə mübahisənin ərazi aidiyyəti ilə əlaqədar məsələləri ərizənin məhkəmənin icraatına qəbul edilməsi zamanı yoxlamalıdır. Ərazi aidiyyəti ilə bağlı məsələlərə məhkəmə tərəfindən onun öz təşəbbüsü və ya işdə iştirak edən şəxslərin əsaslandırılmış vəsatəti ilə baxılır. (MPM 45.1) Belə ki, iddia ərizəsində Cavabdeh X3 göstərilsə də, onun qanuni təmsilçisi olduğu hüquqi şəxsin adı "xxxx" MMC qeyd olunmuşdur. İddianın predmetini isə “əmək müqaviləsi bildirişinin ləğv edilməsi” təşkil edir. Vergi ödəyicilərinin məlumatları barədə elektron çıxarışda cavabdeh "xxxx" MMC-nin hüquqi ünvanı ünvan 1nvan isə Bakı şəhəri Nəsimi rayonunun inzibati ərazisinə aiddir. Odur ki, hazırkı iddia ilə cavabdeh kimi X1 qanuni təmsilçisi olduğu hüquqi şəxsin "xxxx" MMC göstərilməklə hüquqi ünvanının olduğu yer üzrə Bakı şəhəri Nəsimi Rayon Məhkəməsinə müraciət edilməlidir. Bundan başqa qeyd edir ki, iddia ərizəsinin və X4 Xidmətinin məktubunun məzmununda işəgötürən kimi “X6” MMC-dən bəhs edilmiş və mediasiya təşkilatının arayışında da təklif göndərilmiş hüquqi şəxsin adı “X6” MMC göstərilmişdir, lakin iddiaçının təqdim etdiyi dövlət reyestrindən çıxarışda cavabdeh X1 qanuni təmsilçisi olduğu hüquqi şəxsin adı "xxxx" MMC qeyd olunmuşdur. Bununla da ziddiyyət yaranmışdır. Azərbaycan Respublikası MPM-in 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. (MPM 152.4.) Beləliklə, İddiaçı cavabdeh X2 qarşı (Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidməti üçüncü şəxs qismində cəlb edilməklə) “əmək müqaviləsi bildirişinin ləğv edilməsi” tələbinə dair iddia ərizəsi və ona əlavə edilmiş sənədlər iddiaçıya geri qaytarılmalı və ona qərardadda göstərilən nöqsanlar aradan qaldırıldıqdan sonra ümumi qaydada cavabdeh hüquqi şəxsin hüquqi ünvanının olduğu yer üzrə müvafiq rayon məhkəməsinə müraciət etmək hüququ izah edilməlidir. Şərh olunanlara əsasən və Azərbaycan Respublikası MPM-nin 152, 263-264, 266-268-ci maddələrini rəhbər tutaraq, QƏRARA ALDİ: İddiaçı cavabdeh X2 qarşı (Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidməti üçüncü şəxs qismində cəlb edilməklə) “əmək müqaviləsi bildirişinin ləğv edilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada cavabdeh hüquqi şəxsin hüquqi ünvanının olduğu yer üzrə rayon məhkəməsinə müraciət edə bilər. Qərardaddan rəsmi qaydada verildikdən sonra 10 (on) gün müddətində elektron kabinet vasitəsilə MPM-nin 2 saylı əlavəsinə uyğun olaraq Bakı şəhəri Səbail Rayon Məhkəməsinə şikayət verilə bilər. Hakim: Rəna Qafarova