Bakı Şəhəri Səbail Rayon Məhkəməsi Qərardad — İş №2(009)-2304/2025

Azərbaycan Respublikası adından QƏRARDAD Bakı şəhəri İş № 2(009)-2304/2025 23.09.2025 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Rəna Nazim qızı Qafarova, İddiaçı Cavabdeh qarşı (Bakı şəhəri Səbail rayon MKTB-nin 149 saylı MKİS müstəqil tələb irəli sürməyən üçüncü şəxs qismində cəlb edilməklə) “müqavilənin ləğv edilməsi” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı Cavabdeh qarşı (Bakı şəhəri Səbail rayon MKTB-nin 149 saylı MKİS müstəqil tələb irəli sürməyən üçüncü şəxs qismində cəlb edilməklə) “müqavilənin ləğv edilməsi” tələbinə dair iddia ərizəsi ilə məhkəməyə müraciət edərək, cavabdehin ailə üzvləri ilə birlikdə həmin yaşayış sahəsindən çıxarılmaları, onun Bakı şəhəri, Səbail rayonu, 6-cı X1 küçəsi dalan 3 ev 53 ünvanındakı yaşayış sahəsinə köçürülməyi üçün maneələrin aradan qaldırılması, kommunal xidmətlərin bərpa olunması öhdəliyinin müvafiq olaraq X2 Satışı Xidmətinin, Enerji Satış Xidmətinin və su təchizatı ilə məşğul olan su-kanal idarələrinə həvalə olunması barədə qətnamə qəbul edilməsini xahiş etmişdir. İddia ərizəsini və ona əlavə edilmiş sənədləri nəzərdən keçirib hesab edir ki, iddia ərizəsi geri qaytarılmalıdır. Belə ki, iddia tələbindən görünür ki, iddiaçı cavabdehin ailə üzvləri ilə birlikdə həmin yaşayış sahəsindən çıxarılmaları, onun Bakı şəhəri, Səbail rayonu, 6-cı X1 küçəsi dalan 3 ev 53 ünvanındakı yaşayış sahəsinə köçürülməyi üçün maneələrin aradan qaldırılması ilə yanaşı, kommunal xidmətlərin bərpa olunması öhdəliyinin müvafiq olaraq X2 Satışı Xidmətinin, Enerji Satış Xidmətinin və su təchizatı ilə məşğul olan su-kanal idarələrinə həvalə olunması tələbini də irəli sürmüşdür. Azərbaycan Respublikası Mülki-Prosessual Məcəlləsinin 149.3-cü maddəsində iddiaçının birbiri ilə bağlı olan bir neçə tələbi bir iddia ərizəsində birləşdirməyə haqlı olduğu göstərilmişdir. Azərbaycan Respublikası Mülki-Prosessual Məcəlləsinin 152.1.1 və 152.1.7-ci maddələrinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə, həmçinin bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə ərizə və ona əlavə olunmuş sənədlər geri qaytarılır. İddia ərizəsini nəzərdən keçirib hesab edir ki, iddiaçı cavabdehə qarşı kommunal xidmətlərin bərpa olunması öhdəliyinin müvafiq olaraq X2 Satışı Xidmətinin, Enerji Satış Xidmətinin və su təchizatı ilə məşğul olan su-kanal idarələrinə həvalə olunması tələbini ayrıca iddia icraatı qaydasında irəli sürə bilər. Odur ki, iddiaçı bir-biri ilə əlaqədar olmayan bir neçə tələbi birləşdirdiyindən və həmin tələblərə ayrı-ayrı icraatda müstəqil şəkildə baxılmalı olduğundan, iddia ərizəsi geri qaytarılmalı və iddiaçıya Azərbaycan Respublikası Mülki Prosessual Məcəlləsinin 152.4-cü maddəsinin tələbləri izah olunmalıdır. Göstərilənlərə əsasən, Azərbaycan Respublikası MPM-nin 149, 152, 263-264, 266-268 maddələrini rəhbər tutaraq, QƏRARA ALDİ: İddiaçı Cavabdeh qarşı (Bakı şəhəri Səbail rayon MKTB-nin 149 saylı MKİS müstəqil tələb irəli sürməyən üçüncü şəxs qismində cəlb edilməklə) “müqavilənin ləğv edilməsi” tələbinə dair iddia ərizəsi geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ vardır. Qərardaddan rəsmi qaydada verildikdən sonra 10 gün müddətində (elektron kabinet vasitəsilə MPM-nin 2 saylı əlavəsinə uyğun) Bakı şəhəri Səbail Rayon Məhkəməsinə şikayət verilə bilər. Hakim: Rəna Qafarova