Bakı Şəhəri Səbail Rayon Məhkəməsi Qərardad — İş №2(009)-980/2023

Azərbaycan Respublikası adından QƏRARDAD Bakı şəhəri İş № 2(009)-980/2023 12.04.2023 BAKI ŞƏHƏRİ SƏBAİL RAYON MƏHKƏMƏSİ Mən, Səbail Rayon Məhkəməsinin hakimi İlkin Şahin oğlu Rüstəmli, İddiaçı – cavabdehlər Cavabdeh1 və Cavabdeh2 qarşı «pul» tələbinə dair iddia ərizəsi üzrə mülki iş materialını nəzərdən keçirib MÜƏYYƏN ETDİM: İddiaçı – cavabdehlər Cavabdeh1 və Cavabdeh2 qarşı «pul» tələbinə dair iddia ərizəsi ilə məhkəməyə müraciət edərək, müvafiq qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi geri qaytarılmalıdır. Belə ki, iddia ərizəsində qeyd olunur ki, cavabdehlər Cavabdeh1 iddiaçıdan 2115 manat pul almış, heç bir məbləğ qaytarmamış, digər Cavabdeh2 isə 1000 manat pulunu ələ keçirmiş, indiyə qədər 100 manat ödəmiş, qalan 900 manat pulunu isə iddiaçıya qaytarmamışdır. Bundan başqa İddiaçı və Cavabdeh1 arasında bağlanmış xx.xx.2022-ci il tarixli “Birgə fəaliyyət haqqında” müqavilənin məzmununa əsasən, İddiaçı tərəfindən Cavabdeh1 fotoqraf xidmətləri üçün 2000 (iki min) manat sərmayə təqdim etmiş, tərəflərin qarşılıqlı razılığına əsasən fotoqraf xidmətinin fəaliyyəti nəticəsində əldə olunmuş gəlirin İddiaçı saxlanılmasına dair müqavilə bağlanmışdır. Qeyd olunan kateqoriya işlər üzrə iddiaçının Cavabdeh1 ilə mübahisənin məhkəməyə qədər (pretenziya) nizama salınmasına riayət edilməsi nəzərdə tutulduğu halda, iddia ərizəsinə pretenziya qaydasına riayət edilməsini təsdiq edən sənəd əlavə olunmamışdır. Azərbaycan Respublikası MPM-nin 152.1.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Azərbaycan Respublikası MPM-nin 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. Azərbaycan Respublikası MPM-nin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən, Azərbaycan Respublikası MPM-nin 152, 263-264, 266-268 maddələrini rəhbər tutaraq QƏRARA ALDİM: İddiaçı – cavabdehlər Cavabdeh1 və Cavabdeh2 qarşı «pul» tələbinə dair iddia ərizəsi geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ vardır. Qərardaddan 10 gün müddətinə Səbail Rayon Məhkəməsinə şikayət verilə bilər. Hakim: İlkin Rüstəmli