Bakı Şəhəri Suraxanı Rayon Məhkəməsi Qərardad — İş №2(010)-2718/2023

Azərbaycan Respublikası adından QƏRARDAD Bakı şəhəri İş № 2(010)-2718/2023 23.05.2023 BAKI ŞƏHƏRİ SURAXANI RAYON MƏHKƏMƏSİ Mən Bakı şəhəri Suraxanı Rayon Məhkəməsinin hakimi Məmmədov Tural Nurulla oğlu, İddiaçı cavabdeh X1 qarşı mənzilə köçürmə və istifadə hüququnun tanınması tələbinə dair iddia ərizəsini və ərizəyə əlavə olunmuş sənədləri nəzərdən keçirərək, Müəyyən etdim: İddiaçı cavabdeh X1 qarşı mənzilə köçürmə və istifadə hüququnun tanınması tələbinə dair ərizə ilə məhkəməyə müraciət edərək, özünün və cavbadehlə birgə nikahdan olan 10 may 2009-cu il təvəllüdlü övladı X2 cavabdehlə birgə nikah dövründə inşa etdiyi fərdi yaşayış evinə köçürülməsi və həmin mənzilə istifadə hüququnun tanınması barədə qətnamə qəbul edilməsini xahiş etmişdir. İddia ərizəsi və ona əlavə edilmiş sənədləri nəzərdən keçirib hesab edirəm ki, həmin sənədlər geri qaytarılmalıdır. AR MPM-nin 39.1-ci maddəsinə görə, daşınmaz əşyaya mülkiyyət hüququnun tanınması, daşınmaz əşyanın başqasının qeyri-qanuni sahibliyindən götürülməsi, mülkiyyət hüququndan məhrum etmə ilə əlaqədar olmayan mülkiyyətçinin və yaxud başqa qanuni sahibin hüquqlarının pozulmasını aradan qaldırmaq haqqında iddialar daşınmaz əşyanın olduğu yerə görə verilir. Məhkəmə ilk öncə qeyd edir ki, hazırki tələbin əsasını Suraxanı rayonu ərazisində yerləşən fərdi yaşayış evinə köçürülmə təşkil edir. AR MPM-nin 39-cu maddəsinin görünür ki, mülkiyyətçinin və yaxud başqa qanuni sahibin hüquqlarının pozulmasını aradan qaldırmaq haqqında iddialar daşınmaz əşyanın olduğu yerə görə verilir. Məhkəmə qeyd edir ki, hazırki tələb müstəsna aiddiyyata aid edilə bilməz. Belə ki, maddənin məzmunundan göründüyü kimi müstəsna aiddiyat məhz mülkiyyətçinin və yaxud başqa qanuni sahibin hüquqlarının pozulmasını aradan qaldırmaq haqqında iddialara münasibətdə tətbiq olunur. Hazırki iddia ərizəsindən isə görünür ki, iddiaçının ərizədə qeyd etdiyi Bakı şəhəri, Suraxanı rayonu, Binə qəsəbəsi, Hövsan Südçülük sovxozu, yeni yaşayış massivində yerləşən fərdi yaşayış evi dövlət qeydiyyatına alınmamış, yəni həmin fərdi yaşayış evinə dair mülkiyyət sənədi verilməmiş və nikahda olduğu dövrdə özbaşına olaraq inşa edilmişdir. İddia ərizəsindən görünür ki, həm iddiaçı həm də cavabdehin qeydiyyat ünvanı ünvan 1-ci maddəsinin tələbinə görə iddia cavabdehin rəsmi qeydə alındığı yerin məhkəməsinə verilir. Hazırkı iş üzrə cavabdehin qeydiyyat ünvanı Suraxanı rayonu olmadığına görə iddia tələbinə Suraxanı Rayon Məhkəməsində baxıla bilməz. Azərbaycan Respublikası Mülki Prosessual Məcəlləsinin 152.1.3-cü maddəsinə əsasən, əgər iş ərazi aidiyyəti üzrə həmin məhkəmədə baxılmalı deyildirsə, hakim ərizəni və ona əlavə olunmuş sənədləri geri qaytarır. Həmin məcəllənin MPM-nin 151.1-ci maddəsinə əsasən, iddia ərizəsi həmin Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən və Azərbaycan Respublikası MPM-nin qeyd edilən maddələrini rəhbər tutaraq, Qərara aldım: İddiaçı cavabdeh X1 qarşı mənzilə köçürmə və istifadə hüququnun tanınması tələbinə dair iddia ərizəsi və ona əlavə olunmuş sənədlər geri qaytarılsın. İş üzrə ödənilmiş 100 manat dövlət rüsumu iddiaçıya geri qaytarılsın. İzah olunsun ki, qərardadda göstərilən nöqsanlar aradan qaldırıldıqdan sonra ümumi qaydada təkrar məhkəməyə müraciət etmək olar. Qərardaddan 10 (on) gün müddətində Bakı şəhəri Suraxanı Rayon Məhkəməsinə şikayət verilə bilər. Hakim Tural Məmmədov