Bakı Şəhəri Suraxanı Rayon Məhkəməsi Qərardad — İş №2(010)-2774/2023

Azərbaycan Respublikası adından QƏRARDAD Bakı şəhəri İş № 2(010)-2774/2023 25.05.2023 BAKI ŞƏHƏRİ SURAXANI RAYON MƏHKƏMƏSİ Mən Bakı şəhəri Suraxanı Rayon Məhkəməsinin hakimi Məmmədov Tural Nurulla oğlu Ərizəçi İddiaçı maraqlı şəxs "xxxx" ASC olmaqla zaminliyə xitam verilməsi barədə tələbinə dair ərizəni və ərizəyə əlavə olunmuş sənədləri nəzərdən keçirərək, Müəyyən etdim: Ərizəçi İddiaçı maraqlı şəxs "xxxx" ASC olmaqla zaminliyə xitam verilməsi barədə tələblə məhkəməyə müraciət edərək, Bakı şəhəri Suraxanı Rayon Məhkəməsinin 2(0*0)- 277/20*9 saylı, 30.09.20*9-cu il tarixli qərarı ilə barəsindəki icra sənədinə xitam verilməsini xahiş etmişdir. Ərizəni və ona əlavə edilmiş sənədləri nəzərdən keçirərək hesab edirəm ki, ərizə ona əlavə edilmiş sənədlərlə birlikdə geri qaytarılmalıdır. Məhkəmə ilk öncə qeyd edir ki, hazırkı tələb zaminliyə xitam verilməsi tələbi olduğuna görə həmin tələbə xüsusi icraat qaydasında məhkəmədə baxıla bilməz. Belə ki, zaminliyə xitam tələbi özü-özlüyündə tərəflər arasında hüquqi mübahisənin olması anlamına gəlir. Mülki Prosessual Məcəllənin 306.4-cü maddəsinə görə xüsusi icraat qaydasında işlərə baxarkən məhkəməyə aid hüquq haqqında mübahisənin olduğu müəyyən edilərsə, hakim ərizənin baxılmamış saxlanılması haqqında qərardad çıxarır və maraqlı şəxslərə onların ümumi əsaslarla iddia vermək hüququnu izah edir. Məhkəmə əlavə olaraq onu da qeyd edir ki, İddiaçı tərəfindən məhkəməyə müraciət edilən zaman ərizəyə dövlət rüsumunun ödənilməsi barədə qəbz əlavə edilməmişdir. AR MPM-nin *52.*.*-ci maddəsinə əsasən iddia ərizəsinin bu Məcəllənin *49-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin *52.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin *52.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıdakılara əsasən və Azərbaycan Respublikası Mülki Prosessual Məcəlləsinin qeyd edilən maddələrini rəhbər tutaraq, Qərara aldım: Ərizəçi İddiaçı maraqlı şəxs "xxxx" ASC olmaqla zaminliyə xitam verilməsi barədə ərizəsi və ona əlavə edilmiş sənədlər ərizəçiyə geri qaytarılsın. İzah edilsin ki, göstərilən nöqsan aradan qaldırıldıqdan sonra təkrarən ümumi qaydada iddia ərizəsi ilə məhkəməyə müraciət edə bilər. Qərardaddan, qərardad rəsmi qaydada verildikdən sonra *0 gün müddətində Bakı şəhəri Suraxanı Rayon Məhkəməsinə şikayət verilə bilər. Hakim Tural Məmmədov