Bakı Şəhəri Suraxanı Rayon Məhkəməsi Qərardad — İş №2(010)-4335/2025

Azərbaycan Respublikası adından QƏRARDAD Bakı şəhəri İş № 2(010)-4335/2025 04.08.2025 BAKI ŞƏHƏRİ SURAXANI RAYON MƏHKƏMƏSİ Mən, Bakı şəhəri Suraxanı Rayon Məhkəməsinin hakimi Məmmədov Tural Nurulla oğlu, İddiaçı Cavabdeh qarşı “zaminin reqres tələbi” tələbinə dair iddia ərizəsini və ərizəyə əlavə olunmuş sənədləri nəzərdən keçirərək, Müəyyən etdim: İddiaçı Cavabdeh qarşı “zaminin reqres tələbi” tələbinə dair iddia ərizəsi ilə məhkəməyə müraciət edərək, cavabdehdən iddiaçının xeyrinə zamin olaraq ödənilmiş 4873.24 manat məbləğində vəsaitin, həmin vəsaitə hesablanan 245 manat və iş üzrə ödənilmiş dövlət rüsumunun tutulmasını xahiş etmişdir. İddia ərizəsi və ona əlavə edilmiş sənədləri nəzərdən keçirib hesab edirəm ki, həmin sənədlər geri qaytarılmalıdır. Belə ki, Azərbaycan Respublikası MPM-nin 35.1-ci maddəsinin tələbinə görə iddia cavabdehin rəsmi qeydə alındığı yerin məhkəməsinə verilir. İddiaçı hazırki iddia ərizəsinə Cavabdeh qeydiyyat ünvanının Bakı şəhəri Suraxanı rayonu olmasını təsdiq edən sübut əlavə etməmişdir. Eyni zamanda, Elektron Məhkəmə İnformasiya Sistemində də cavabdehin qeydiyyat ünvanı barədə məlumatın əldə edilməsi mümkün olmamışdır. Azərbaycan Respublikası Mülki Prosessual Məcəlləsinin 152.1.3-cü maddəsinə əsasən, əgər iş ərazi aidiyyəti üzrə həmin məhkəmədə baxılmalı deyildirsə, hakim ərizəni və ona əlavə olunmuş sənədləri geri qaytarır. Hesab edirəm ki, cavabdehin qeydiyyat ünvanının Bakı şəhəri Suraxanı rayonu olması müəyyən edilmədiyindən ərizəyə hazırki vəziyyətdə Bakı şəhəri Suraxanı Rayon Məhkəməsində baxılması mümkün hesab edilə bilməz. Məhkəmə, eyni zamanda qeyd edir ki, iddiaçı cavabdehin qeydiyyat ünvanı barədə sübutu əlavə etməklə, yenidən məhkəməyə müraciət edə bilər. AR MPM-nin 151.1-ci maddəsinə əsasən, iddia ərizəsi həmin Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən və Azərbaycan Respublikası MPM-nin qeyd edilən maddələrini rəhbər tutaraq, Qərara aldım: İddiaçı Cavabdeh qarşı “zaminin reqres tələbi” tələbinə dair iddia ərizəsi və ona əlavə olunmuş sənədlər iddiaçıya geri qaytarılsın. İzah olunsun ki, qərardadda göstərilən nöqsanlar aradan qaldırıldıqdan sonra ümumi qaydada müvafiq məhkəməyə müraciət etmək olar. Qərardaddan, onun surəti rəsmi qaydada təqdim edildiyi gündən 10 (on) gün müddətində Bakı şəhəri Suraxanı Rayon Məhkəməsinə şikayət verilə bilər. Hakim Tural Məmmədov