Bakı Şəhəri Suraxanı Rayon Məhkəməsi Qərardad — İş №2(010)-4726/2024

Azərbaycan Respublikası adından QƏRARDAD Bakı şəhəri İş № 2(010)-4726/2024 11.12.2024 BAKI ŞƏHƏRİ SURAXANI RAYON MƏHKƏMƏSİ Hakim Məmmədov Tural Nurulla oğlunun sədrliyi, X1 iclas katibliyi ilə İddiaçı Cavabdeh MMC-yə qarşı müstəqil tələb irəli sürməyən üçüncü şəxslər AR ƏƏSMN yanında X2 Xidməti və X2 Xidmətinin Bakı şəhər İdarəsi olmaqla əmək müqaviləsinin qüvvədən düşməsi və əmək müqaviləsinin bağlanmasına dair bildirişin qüvvədən salınması tələbinə dair iddia ərizəsi üzrə mülki işə məhkəmənin inzibati binasında, açıq məhkəmə iclasında baxaraq, məhkəmə M ü ə y y ə n e t d i: İddiaçı Cavabdeh MMC-yə qarşı müstəqil tələb irəli sürməyən üçüncü şəxslər AR ƏƏSMN yanında X2 Xidməti və X2 Xidmətinin Bakı şəhər İdarəsi olmaqla əmək müqaviləsinin qüvvədən düşməsi və əmək müqaviləsinin bağlanmasına dair bildirişin qüvvədən salınması tələbinə dair iddia ərizəsi ilə məhkəməyə müraciət edərək, Cavabdeh MMC ilə İddiaçı arasında bağlanmış xx.xx.2020-ci il tarixli əmək müqaviləsini qüvvədən düşmüş hesab etməklə, əmək müqaviləsinin bağlanmasına dair bildirişin qüvvədən salınması ilə bağlı əmək müqaviləsi bildirişinin “əmək və məşğulluq” alt sisteminə daxil edilməsi vəzifəsinin X2 xidmətinə həvalə edilməsi barədə qətnamə qəbul edilməsini xahiş etmişdir. Tərəflərə məhkəmə iclasının yeri və vaxtı barədə lazımı qaydada məlumat verilməsinə baxmayaraq, məhkəmənin iclasına gəlməmiş və bunun səbəbləri barədə məlumat verməmişlər. Azərbaycan Respublikası MPM-nin 259.0.6-cı maddəsinin tələbinə görə, işə onların iştirakı olmadan baxmağı xahiş etməmiş tərəflər məhkəməyə gəlmədikdə, məhkəmə ərizəni baxılmamış saxlayır. Həmin Məcəllənin 260.1-ci maddəsinin tələbinə görə, iddianın baxılmamış saxlanması haqqında məhkəmə qərardad çıxarır. Həmin Məcəllənin 260.4-cü maddəsinin tələbinə görə isə, iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət edə bilər. Həmin Məcəllənin 263.1-ci maddəsinin tələbinə görə, iş mahiyyəti üzrə həll edilmədikdə məhkəmə aktları qərardad formasında çıxarılır. Belə olan halda məhkəmə hesab edir ki, iddia ərizəsi baxılmamış saxlanılmalıdır. Göstərilənlərə əsasən və Azərbaycan Respublikası MPM-nın sadalanan maddələrini rəhbər tutaraq, məhkəmə Qərara aldı: İddiaçı Cavabdeh MMC-yə qarşı müstəqil tələb irəli sürməyən üçüncü şəxslər AR ƏƏSMN yanında X2 Xidməti və X2 Xidmətinin Bakı şəhər İdarəsi olmaqla əmək müqaviləsinin qüvvədən düşməsi və əmək müqaviləsinin bağlanmasına dair bildirişin qüvvədən salınması tələbinə dair iddia ərizəsi baxılmamış saxlanılsın. İzah olunsun ki, iddianın baxılmamış saxlanılması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət edə bilər. Qərardaddan, onun surəti rəsmi qaydada verildikdən sonra 10 (on) gün müddətində Suraxanı Rayon Məhkəməsinə şikayət verilə bilər. Hakim Tural Məmmədov