Bakı Şəhəri Suraxanı Rayon Məhkəməsi Qərardad — İş №2(010)-5030/2024

Azərbaycan Respublikası adından QƏRARDAD Bakı şəhəri İş № 2(010)-5030/2024 09.10.2024 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Talıbova Leyla Oruc qızı Ərizəçi İddiaçı maraqlı şəxs Bakı şəhər İcra Hakimiyyətinin Mənzil-Kommunal Təsərrüfatı Departamentinə qarşı “torpaq sahəsinə istifadə hüququnun tanınması” tələbinə dair ərizəsinə baxaraq, MÜƏYYƏNETDİM: Ərizəçi İddiaçı maraqlı şəxs Bakı şəhər İcra Hakimiyyətinin Mənzil-Kommunal Təsərrüfatı Departamentinə qarşı “torpaq sahəsinə istifadə hüququnun tanınması” barədə qətnamə qəbul edilməsini xahiş etmişdir. Aşağıdakı əsaslara görə ərizə geri qaytarılmalıdır. Belə ki, hazırkı ərizədən müəyyən edildiyi kimi, ərizəçi İddiaçı “torpaq sahəsinə istifadə hüququnun tanınması” barədə qətnamə qəbul edilməsini xahiş etmişdir. Hazırda iddiaçının məhkəməyə təqdim etdiyi ərizəyə əsasən işə məhkəmədə iddia icraatı qaydasında baxılmasına imkan vermir. Ərizəçinin diqqətinə çatdırıram ki, hazırkı məqamda isə ərizənin forma və məzmununa riayət olunmamış, ərizəçi tərəfindən qeyri-dəqiq məzmunlu ərizə ilə məhkəməyə müraciət etmiş, ərizə xüsusi icraat qaydasında tərtib olunsa da, mülki iş materialları iddia icraatı qaydasında verilmişdir. Yəni, ərizədə cavabdehə qarşı yönələn tələb dəqiq göstərilməmiş və iddia tələbinin yönəldiyi cavabdehi müəyyən etmək qeyrimümkündür. Bundan əlavə hazırkı iddia qiymətləndirilməyən iddiadır və tələb olunan məbləğə münasibətdə isə dövlət rüsumu ödənilməlidir. Belə ki, “X*” Azərbaycan Respublikası Qanunun *.*-ci maddəsinə əsasən dövlət rüsumu-dövlət orqanları və müvafiq icra hakimiyyəti orqanının yaratdığı qurumlar tərəfindən hakimiyyət səlahiyyətlərinin icrası zamanı göstərilən və hüquqi nəticələrin yaranmasına səbəb olan xidmətlərə və hüquqi hərəkətlərə görə (sənədlərin tərtibi, qeydiyyatı, razılıqların verilməsi və s.) ödənilən haqdır (ödənişdir). 0*.*0.202*-ci il tarixdə qüvvəyə minmiş “X*” Azərbaycan Respublikası Qanunun 8.2.ci maddəsinə əsasən qiymətləndirilməyən iddia ərizəsinin, məhkəmə əmri haqqında ərizənin, xüsusi icraat qaydasında baxılan iş üzrə ərizənin verilməsinə görə *00 manat dövlət rüsumu kimi ödənilməlidir. Beləliklə hesab edirəm ki, iddia ərizəsinin bu Məcəllənin *49-cu maddəsi ilə müəyyən olunmuş forma və məzmununa riayət olunmadan mülki işin icraata qəbul edilməsi qeyri-mümkündür. Azərbaycan Respublikası Mülki Prosessual Məcəlləsinin *52.*.*-ci maddəsinə əsasən iddia ərizəsinin bu Məcəllənin *49-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin *50.*.*-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Azərbaycan Respublikası Mülki Prosessual Məcəlləsinin *49.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Beləliklə ərizədən müəyyən edildiyi kimi ərizə məhkəməyə təqdim edilərkən qanunun qeyd edilən müddəalarına riayət edilməmiş və yuxarıda göstərilən nöqsanlarla ərizə məhkəməyə təqdim edilmişdir. Odur ki, iddia ərizəsi MPM-nin yuxarıda göstərilən tələblərini pozmaqla tərtib edilərək məhkəməyə təqdim edildiyi üçün geri qaytarılmalıdır. Şərh olunanlara əsaslanaraq və Azərbaycan Respublikasının Mülki Prosessual Məcəlləsinin 263-264, 267 və 268-ci maddələrini rəhbər tutaraq, QƏRARAALDİM: Ərizəçi İddiaçı maraqlı şəxs Bakı şəhər İcra Hakimiyyətinin Mənzil- Kommunal Təsərrüfatı Departamentinə qarşı “torpaq sahəsinə istifadə hüququnun tanınması” tələbinə dair ərizəsi geri qaytarılsın. Ərizəçiyə hazırkı iddia ərizəsi ilə bağlı nöqsanlar aradan qaldırıldıqdan sonra məhkəməyə ikinci dəfə müraciət etmək hüququnun olması izah olunsun. Qərardaddan, qərardad tərəfə rəsmi qaydada verildikdən sonra *0 gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Suraxanı Rayon Məhkəməsinə şikayət verilə bilər. Hakim Leyla Talıbova