Bakı Şəhəri Xətai Rayon Məhkəməsi Qərardad — İş №2(011)-1762/2020

Azərbaycan Respublikası adından QƏRARDAD Bakı şəhəri İş № 2(011)-1762/2020 30.09.2020 BAKI ŞƏHƏRİ XƏTAİ RAYON MƏHKƏMƏSİ Hakim Abbasova Əminə Rauf qızının sədrliyi, İlyasova Nigar Mürşüd qızının katibliyi, İddiaçı, Cavabdeh ASC-nin nümayəndəsi X1 iştirakı ilə, İddiaçı Cavabdeh ASC-yə qarşı pul tələbinə dair mülki işə açıq məhkəmə iclasında baxaraq müəyyən etdi : İddiaçı Cavabdeh ASC-yə qarşı pul tələbi barədə iddia ərizəsi ilə məhkəməyə müraciət etmişdir. Məhkəmə işdə iştirak edən şəxslərin izahatlarını dinləyərək, ərizənin dəlillərini araşdıraraq, iş materiallarını nəzərdən keçirərək hesab edir ki, hazırki mülki iş baxılmağa ərazi aidiyyəti üzrə Bakı şəhəri Səbail Rayon Məhkəməsinə verilməlidir. Belə ki, iddia ərizəsində cavabdehin qeydiyyatda olduğu ünvan ünvan 1 olduğu göstərilsə də, “AZEMİS” Elektron Məhkəmə İnformasiya Sistemindən əldə edilmiş çıxarışdan görünür ki, Cavabdeh ASC-nin hüquqi ünvanı ünvan 2 ünvanında yerləşir, iddiaçı Məmmədli İddiaçı isə Bakı şəhəri, Yasamal rayonu, Mikayıl Müşviq küçəsi 15/17, 56 ünvanında yaşayış yeri üzrə qeydiyyatdadır. Beləliklə, məhkəmə İddiaçı mövcud iddia ərizəsini və ona əlavə edilmiş sənədləri araşdıraraq hesab edir ki, Cavabdeh ASC-nin qeydiyyat ünvanı Bakı şəhəri, Səbail rayonu inzibati ərazisində olduğundan iddiaçı hazırkı iddia ərizəsi ilə Bakı şəhəri Xətai Rayon Məhkəməsinə müraciət etməkdə haqlı deyildir. Belə ki, Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Həmin Məcəlləsinin 44.2.2-ci maddəsinə əsasən, iş həmin məhkəmədə baxıldığı zaman onun aidiyyat qaydalarının pozulması ilə icraata qəbul edildiyi aşkar olarsa, məhkəmə işi başqa məhkəmədə baxılmağa verir. Yuxarıda göstərilən normativ hüquqi aktın müddəalarına əsasən və Cavabdeh ASCnin Bakı şəhəri, Səbail rayonu inzibati ərazisində qeydiyyatda olmasını nəzərə alaraq məhkəmə hesab edir ki, mülki iş ərazi aidiyyəti üzrə Bakı şəhəri Səbail Rayon Məhkəməsinə göndərilməlidir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 35, 44-45, 263-264 və 266-268-ci maddələrini rəhbər tutaraq məhkəmə qərara aldı: İddiaçı Cavabdeh ASC-yə qarşı pul tələbinə dair iddiası üzrə mülki iş baxılması üçün Bakı şəhəri Səbail Rayon Məhkəməsinə göndərilsin. Qərardaddan 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Əminə Abbasova