Bakı Şəhəri Xətai Rayon Məhkəməsi Qətnamə — İş №2(011)-1954/2021

Azərbaycan Respublikası adından QƏTNAMƏ Bakı şəhəri İş № 2(011)-1954/2021 10.03.2021 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlunun sədrliyi, Bəndəliyev Zaur Taleh oğlunun katibliyi ilə İddiaçı Bakı şəhər İcra Hakimiyyəti Mənzil-Kommunal Təsərrüfatı Departamentinin cavabdehlər Cavabdeh1 İstehsalat Birliyi "xxxx" Zavoduna, Azərbaycan Respublikasının Müdafiə Sənayesi Nazirliyi "xxxx" Məhdud Məsuliyyətli Cəmiyyətinə qarşı X3 və 1 saylı Xüsusi Təyinatlı Mənzil-Kommunal Təsərrüfatı Birliyinin üçüncü şəxs qismində cəlb olunduqları “yataqxanada yaşayış sahəsi ilə bağlı orderin verilməsi barədə birgə qərarın (protokolun) etibarsız hesab ediməsi, qərara (protokola) əsasən verilmiş orderin etibarsız edilməsi və yaşayış sahəsinə istifadə hüququnun itirilməsi” barədə iddia tələbi üzrə mülki işə məhkəmənin inzibati binasında açıq məhkəmə iclasında baxaraq məhkəmə MÜƏYYƏN ETDİ: İddiaçı Bakı Şəhər İcra Hakimiyyəti Mənzil-Kommunal Təsərrüfatı Departamenti iddia ərizəsi ilə məhkəməyə müraciət edərək, cavabdeh Azərbaycan Respublikasının Müdafiə Sənayesi Nazirliyi "xxxx" Məhdud Məsuliyyətli Cəmiyyəti tərəfindən Bakı şəhəri, Xətai rayonu, Cavanşir küçəsi, 4 ünvanında yerləşən yataqxana binasının 5 saylı mənzilinə dair X3 adına yazılan 02.08.2009-cu il tarixli, 6 saylı orderin verilməsinə əsas olmuş 110 saylı rəsmiləşdirilmiş 08.06.2009-cu il tarixli 41 saylı birgə qərarının (protokolun), Bakı şəhəri, Xətai rayonu, Cavanşir küçəsi, 4 ünvanındakı yataqxana binasının 1-ci mərtəbəsində yerləşən yaşayış sahəsi 18,0 kv.metr olan 5 saylı mənzilə Müdafiə Sənayesi Nazirliyi "xxxx" Məhdud Məsuliyyətli Cəmiyyəti tərəfindən X3 adına yazılan 02.08.2009-cu il tarixli, 6 saylı oredrinin etibarsız hesab edilməsi və X3 yaşayış sahəsinə istifadə hüququnun itirilməsi haqqında qətnamə çıxarılmasını məhkəmədən xahiş etmişdir. İddia tələbi onunla əsaslanmışdır ki, Azərbaycan Respublikası Nazirlər Kabinetinin 03.06.2013-cü il tarixli, 131s nömrəli sərəncamına əsasən Bakı Şəhər İcra Hakimiyyətinin 26.07.2013-cü il tarixli, 294 saylı sərəncamı ilə Azərbaycan Respublikası Müdafıə Sənayesi Nazirliyinin "xxxx" MMC-nin balansında olan sosial-mədəni və məişət-kommunal təyinatlı obyektlər, o cümlədən Xətai rayonu, Cavanşir küçəsi, 4 saylı ünvanda yerləşən yataqxana binası onların balansına qəbul edilmişdir. Göstərilən bina balansa qəbul edilərkən məcburi köçkünlərin məskunlaşdığı yaşayış sahələrinə ayrı-ayrı şəxsərin adına orderlərin verilməsinə dair heç bir sənəd təhvil verilməmişdir. Xətai rayonu, Cavanşir küçəsi, 4 saylı ünvanda yerləşən yataqxana binası 1968-ci ilda inşa edilmiş, daş karkas konstruksiyadan, beş mərtəbədən, iki girişdən ibarətdir. Azərbaycan Respublikası Prezidentinin "Məcburi köçkünlərin mənzil-məişət şəraitinin yaxşılaşdınlmasına dair əlavə tədbirlər haqqında" 21.02.2011-ci il tarixli, 1346 nömrəli sərəncamı ilə təsdiq edilmiş müvafıq X2 nəzərdə tutulmuş tədbirlər çərçivəsində qeyd edilən yataqxanada müvəqqəti məskunlaşmış 63 məcburi köçkiin ailəsindən 57 ailə yeni mənzillərə köçürülmüş, 6 ailə isə müxtəlif səbəblərdən köçmədiklərinə görə faktiki olaraq həmin ünvanda yaşayırlar. Cavabdeh S.M.Rəhimli Departamentə müraciət edərək 4 saylı yataqxana binasının 5 saylı otağına adına kirayə müqaviləsi bağlanmasını xahiş etmişdir. Aparılan araşdırmalar zamanı müəyyən edilmişdir ki, Bakı şəhəri, Xətai rayonu, Cavanşir küçəsi 4 saylı yataqxana binasının 5 saylı otağında 1993-cü ildən Cəbrayıl rayonundan məcburi köçkün kimi X6 1 nəfər özü məskunlaşmış, həmin məcburi köçkün Azərbaycan Respublikası Qaçqınların və X5 üzrə Dövlət Komitəsinin müvafiq qurumları tərəfindən 2018-ci ilin iyul ayında məcburi köçkünlər üçün salınmış şəhərciyə köçürülmüşlər. Bundan istifadə edən cavabdeh 5 saylı otağı əldə etmək məqsədilə qapısını bağlamışdır. Qanunsuz hərəkətini onunla əsaslandırmışdır ki, məcburi köçkün ailəsi yaşadığı halda guya "xxxx" MMC-nin müvəqqəti yaşamaq üçün adına yazılmış 02.08.2009-cu il tarixli, 6 saylı yataqxana orderi ilə faktiki olaraq boş olmayan 5 saylı mənzil ona verilmişdir, göründüyü kimi qeyd edilən protokol və order mənzil qanunvericiliyinin tələbləri kobud şəkildə pozulmaqla əldə edilmişdir, departament tərəfındən 11.02.2019-cu il tarixli, 48 saylı məktubla "Üfüq" İB, "xxxx" zavodu MMC-yə müraciət edilərək məcburi köçkünlərin məskunlaşdığı yaşayış sahələrinə orderlərin verilməsinə əsas olan sənədlərin təqdim olunması xahiş edilmişdir. "Üfüq" İB, "Radioquraşdırma zavodu” MMC bildirilmişdir ki, 4 saylı yataqxana binası 01.01.2007-ci il tarixdən Müdafiə Sənayesi Nazirliyinin "xxxx" MMC-nin balansına verildiyindən həmin dövrdən məcburi köçkünlər məskunlaşdığı otaqlara müəssisə ilə əmək münasibətlərində olan işçilərinin heç birinə order verilməmişdir, əvvəlki dövrlərdə yataqxanada məskunlaşmaq üçün verilmiş orderlərlə bağlı məlumatın verilməsi mümkün olmamışdır, göründüyü kimi, Müdafiə Sənayesi Nazirliyinin "xxxx" MMC-nin adı göstərilməklə X3 adına yazılmış order mənzil qanunvericiliyinin tələblərinə zidd olduğundan ləğv edilməlidir. Məhkəmə iclasının vaxtı və yeri barədə lazımi qaydada xəbərdar olunmuş tərəflər məhkəmə iclasında iştirak etməmiş və iştirak etməmələrinin səbəbi barədə məhkəməyə məlumat daxil olmamışdır. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən, cavabdehin, o cümlədən, iddiaçının iştirakı olmadan işə baxılmasını mümkün hesab etmişdir. Mübahisə predmeti barədə müstəqil tələb irəli sürməyən üçüncü şəxs X7 və 1 saylı Xüsusi Təyinatlı Mənzil-Kommunal Təsərrüfatı Birliyi məhkəmə iclasının vaxtı və yeri barəsində lazımi qaydada xəbərdar edilməklə məhkəmə iclasına çağırılmış, lakin onlar, məhkəmə iclasına gəlməmiş və gəlməməsinin səbəbləri barəsində məhkəməyə məlumat verməmişdir Məhkəmə işə üçüncü şəxsin iştirakı olmadan baxılmasını mümkün hesab etmişdir. Bununla belə X7 etiraz ərizəsi ilə məhkəməyə müraciət edərək iş üzrə icraata xitam verilməsini məhkəmədən xahiş etmişdir. S.M.Rəhimli etirazını onunla əsaslandırmışdır ki, iddiaçı əvvəllər də Xətai rayon Məhkəməsinə eyni tələblə iddia qaldırmış və iddia tələbi rədd edilmişdir. Həmin tələbin rədd edilməsi barədə Azərbaycan Respublikası Ali Məhkəməsi Mülki Kollegiyasının 2(102)-4192/2020 saylı 13.08.2020-ci il tarixli qanuni qüvvəyə minmiş qətnaməsi vardır. Məhkəmə işin materiallarını araşdıraraq hesab edir ki, iddia ərizəsi aşağıda göstərilənlərə əsasən təmin edilməməlidir. Belə ki, iş materiallarına əlavə edilmiş Azərbaycan Respublikası Müdafiə Sənayesi Nazirliyi Sosial Xidmətlər idarəsinin Bakı şəhəri, Xətai rayonunda yerləşən 4 nömrəli Mənzil İstismar Sahəsinin balansında olan mənzil fondunun (yataqxanaların) əmlakı ilə birlikdə Departamentin 1 saylı Xüsusi Təyinatlı Mənzil-Kommunal Təsərrüfatı Birliyinin balansına qəbul edilməsi barədə 07.01.2014-cü il tarixli Təhvil-Qəbul Aktının surətindən görünür ki, Azərbaycan Respublikası Nazirlər Kabinetinin 03.06.2013-cü il tarixli, 131 saylı sərəncamına, Bakı şəhər İcra Hakimiyyəti Başçısının 26.07.2013-cü il tarixli, 294 saylı sərəncamına, Departamentinin 18.12.2013-cü il tarixli, 122 saylı sərəncamına, 1 saylı Xüsusi Təyinatlı Mənzil-Kommunal Təsərrüfatı Birliyinin 25.12.2013-cü il tarlxli, 16 saylı əmrinə, Azərbaycan Respublikası Müdafiə Sənayesi Nazirliyinin 07.06.2013-cü il tarixli, 01-1/984 saylı məktubuna və Müdafiə Sənayesi Nazirliyi Sosial Xidmətlər idarəsinin 12.06.2013-cü il tarixli, 15 saylı əmrinə əsasən Azərbaycan Respublikası Müdafıə Sənayesi Nazirliyinin "xxxx" MMC-nin balansında olan sosial-mədəni və məişət-kommunal təyinatlı obyektlər, o cümlədən ünvan 1 ünvanda yerləşən yataqxana binası Departamentin 1 saylı Xüsusi Təyinatlı Mənzil-Kommunal Təsərrüfatı Birliyinin balansına qəbul edilmişdir. İş materiallarında olan Bakı "xxxx" İB-nin HİK-nin X1 Şurasının və MMK-nin birgə növbəti İclasının 09.11.2004-cü il tarixli, 41 saylı protokolundan çıxarışın surətindən görünür ki, Birlikdə uzun illər işləyən və yataqxana növbəsində olan fəhlə və qulluqçulara, növbə əsasında mənzil verilə bilinməməsi nəzərə alınaraq birliyə məxsus yataqxanalarda, o cümlədən ünvan 2 ünvanında yerləşən yataqxanada məcburi qaçqın ailələri tərəfindən zəbt olunmuş mənzillər təklif olunması və razılığa əsasən sənədləşdirilməsi qərara alınmışdır. İş materiallarında olan Azərbaycan Respublikası Müdafıə Sənayesi Nazirliyi "Üfüq" İstehsalat Birliyi "Radioquraşdırma” Zavodunun məlumatından görünür ki, X7 01.12.208-ci il tarixdən 18.01.2019-cu il tarixinədək "xxxx" zavodunda işləmişdir, mənzil verilməsi haqqında növbəlik siyahısında 262-ci adam olaraq növbəyə alınmışdır. İş materiallarında olan Bakı Apelyasiya Məhkəməsinin Mülki Kollegiyasının 2(103)- 13587/2019 saylı 06.12.2019 tarixli qətnaməsindən görünür ki, Bakı Şəhər İcra Hakimiyyəti Mənzil-Kommunal Təsərrüfatı Departamentinin şikayəti təmin edilməmiş, Bakı şəhəri Xətai rayon Məhkəməsinin 26.08.2019-cu il tarixli qətnaməsi dəyişdirilmədən saxlanılmışdır. İş materiallarında olan Azərbaycan Respublikası Ali Məhkəməsi Mülki Kollegiyasının 2(102)-4192/2020 saylı 28.07.2020 tarixli qərarından görünür ki, Bakı Şəhər İcra Hakimiyyəti Mənzil-Kommunal Təsərrüfatı Departamentinin kassasiya şikayəti təmin edilməmiş, Bakı Apelyasiya Məhkəməsinin Mülki Kollegiyasının 06.12.2019-cu il tarixli qətnaməsi dəyişdirilmədən saxlanılmışdır. İş materiallarında olan 02.08.2009-cu il tarixli, 6 nömrəli orderin surətindən görünür ki, ünvan 2 ünvanında yerləşən yataqxananın 1-ci giriş 1-ci mərtəbəsindəki yaşayış sahəsi 18 kv.m olan 1 otaqlı 5 saylı mənzilə dair X4 order verilmişdir. İş materiallarında olan Departamentin 1 saylı Xüsusi Təyinatlı Mənzil-Kommunal Təsərrüfatı Birliyinin 14.05.2019-cu il tarixli, 68/1-ç nömrəli məktubundan görünür ki, ünvan 2 ünvanında yerləşən yataqxananın 5 saylı mənzilində 1993-cü ildən Cəbrayıl rayonundan məcburi köçkün kimi X6 1 nəfər özü məskunlaşmış, o, Azərbaycan Respublikası Qaçqınların və X5 üzrə Dövlət Komitəsinin müvafiq qurumları tərəfindən 2018-ci ilin iyul ayında məcburi köçkünlər üçün salınmış şəhərciyə köçürülmüşlər. Həmin otaq X7 tərəfindən zəbt edilmişdir. İş materiallarına əlavə olunmuş Departamentin 11.02.2019-cu il tarixli, 48 saylı məktubunun surətindən görünür ki, "Üfüq" İB "xxxx" zavodu MMC-yə müraciət edilərək məcburi köçkünlərin məskunlaşdığı yaşayış sahələrinə orderlərin verilməsinə əsas olan sənədlərin təqdim olunması xahiş edilmişdir. İş materiallarına əlavə olunmuş "Üfüq" İB "xxxx" zavodu MMC-nin 04.03.2019-cu il tarixli, 02/47 məktubunun surətindən görünür ki, ünvan 1 yataqxana binası 01.01.2007-ci il tarixdən Müdafiə Sənayesi Nazirliyinin "xxxx" MMC-nin balansına verildiyindən həmin dövrdən məcburi köçkünlər məskunlaşdığı otaqlara müəssisə ilə əmək münasibətlərində olan işçilərinin heç birinə order verilməmişdir. Əvvəlki dövrlərdə yataqxanada məskunlaşmaq üçün verilmiş protokollarla bağlı məlumatın verilməsi mümkün olmamışdır. İş materiallarında olan Bakı şəhəri Xətai Rayon Məhkəməsinin 26.08.2019-cu il tarixli, 2(011)-5857/2019 saylı qətnaməsindən görünür ki, iddiaçı Bakı Şəhər İcra Hakimiyyəti Mənzil-Kommunal Təsərrüfatı Departamentinin cavabdeh X4 və mübahisə predmeti barəsində müstəqil tələb irəli sürməyən üçüncü şəxslər Azərbaycan Respublikası Müdafiə Sənayesi Nazirliyi Sosial Xidmətlər İdarəsinə, Cavabdeh1 İstehsalat Birliyi "xxxx" Zavodu MMC-yə və Bakı şəhəri Xətai rayon Polis İdarəsinə qarşı – ünvan 1 yataqxana binasının 5 saylı mənzilinə dair cavabdehin qanunsuz olaraq əldə etdiyi 02.08.2009-cu il tarixli, 6 saylı orderin etibarsız hesab edilməsi və onun yaşayış sahəsinə hüququnun itirilməsi barəsində iddiası rədd edimişdir. Məhkəmə tərəfindən iş materialları əsasında müəyyən olunmuşdur ki, X3 adına Bakı şəhəri, Xətai rayonu, Cavanşir küçəsi, 4 ünvanında yerləşən yataqxana binasının 5 saylı mənzilinə dair "Üfüq" İstehsalat Birliyi "Radioquraşdırma” Zavodu tərəfindən 02.08.2009-cu il tarixli, 6 saylı order verilmişdir, həmin order cavabdeh tərəfindən 41 saylı protokolla rəsmiləşdirilmiş, 09.11.2004-cü il tarixli birgə qərar verilmişdir, mübahisəli mənzil 4 saylı yataqxana binasındadır, 07.01.2014-cü il tarixdə həmin bina iddiaçının balansına keçmişdir, qanuni qüvvəsini almış məhkəmə qətnaməsi ilə Bakı Şəhər İcra Hakimiyyəti Mənzil-Kommunal Təsərrüfatı Departamentinin X4 və mübahisə predmeti barəsində müstəqil tələb irəli sürməyən üçüncü şəxslər Azərbaycan Respublikası Müdafiə Sənayesi Nazirliyi Sosial Xidmətlər İdarəsinə, Cavabdeh1 İstehsalat Birliyi "xxxx" Zavodu MMC-yə və Bakı şəhəri Xətai rayon Polis İdarəsinə qarşı – “ünvan 1 yataqxana binasının 5 saylı mənzilinə dair cavabdehin qanunsuz olaraq əldə etdiyi 02.08.2009-cu il tarixli, 6 saylı orderin etibarsız hesab edilməsi və onun yaşayış sahəsinə hüququnun itirilməsi” barəsində iddiası rədd edimişdir, hazırki iddia tələbi cavabdeh tərəfindən verilmiş order və orderin verilməsinə əsas olan sənədlərin etibarsızlığı, o cümlədən üçüncü şəxs S.Rəhimlinin həmin mənzildən istifadə hüququna xitam verilməsi barədədir. Məhkəmə hesab edir ki, Azərbaycan Respublikasının Mülki-Prosessual Məcəlləsinin 217.2-ci maddəsinə əsasən, tərəflər arasındakı mübahisənin həlli həmin zaman qüvvədə olan maddi hüquq normalarına, işin baxılması zamanı qüvvədə olan prosessual hüquq normalarına uyğun çıxarılmalıdır. Hazırkı iş üzrə mübahisə edilən order 02.08.2009-cu il tarixdə verilmişdir. Odur ki, hazırkı mübahisəyə 01 oktyabr 2009-cu il tarixədək qüvvədə olmuş Azərbaycan Respublikası Mənzil Məcəlləsinin müddəaları tətbiq edilməlidir. 01 oktyabr 2009-cu il tarixədək qüvvədə olmuş Azərbaycan Respublikası Mənzil Məcəlləsinin 49-cu maddəsinin 1-ci abzasının tələbinə əsasən, mənzil şəraitini yaxşılaşdırmağa ehtiyacları haqqında vətəndaşların həqiqi vəziyyətə uyğun gəlməyən məlumat təqdim etdikləri, orderdə göstərilmiş yaşayış sahəsi üçün başqa vətəndaşların və ya təşkilatların hüquqlarının pozulduğu, yaşayış sahəsi verilməsi məsələsinin həllində vəzifəli şəxslərin hüquqa uyğun olmayan hərəkətlər etdikləri hallarda, habelə yaşayış sahəsi verilməsi qaydasının və şərtlərinin pozulduğu başqa hallarda yaşayış sahəsi orderi məhkəmə qaydasında etibarsız hesab oluna bilər. Həmin Məcəllənin 49-cu maddəsinin 2-ci abzasına əsasən, orderi etibarsız hesab etmək haqqında tələb orderin verildiyi gündən etibarən üç il ərzində irəli sürülə bilər. Maddənin məzmunundan göründüyü kimi ifadə olunmuş müddət iddia müddəti deyil, kəsici müddətdir. Yəni həmin müddət keçdikdən sonra maraqlı şəxs mübahisələndirmək hüququnu itirir. İddia müddətindən fərqli olaraq həmin müddət bərpa olunmur, dayandırılmır və kəsilmir. Bərpa olunmaq, kəsilmə və dayandırılmaq kimi xüsusiyyətlər iddia müddəti üçün xarakterikdir. Yalnız qanunla müəyyən edilmiş halda həmin müddət uzadıla bilər. Eyni zamanda həmin müddətin tətbiq edilməsi üçün mübahisə tərəfinin iddia müddətinin tətbiqi barədə ərizə verməsi tələb olunmur. Kəsici müddətin tətbiq edilməsi isə məhkəmənin səlahiyyətinə aiddir. Göründüyü kimi, mübahisəli mənzilə order 02.08.2009-cu il tarixdə verilmişdir. Mübahisəli otağın yerləşdiyi ünvandakı yataqxana iddiaçı Bakı şəhər İcra Hakimiyyəti Mənzil-Kommunal Təsərrüfatı Departamentinin balansına verilmişdir. Lakin iş üzrə iddia tələbi məhkəməyə orderin özündə göstərilən onun verilməsi tarixindən təxminən 11 il, iddiaçının mübahisəli otaqların yerləşdiyi yataqxananı öz balansına qəbul etdiyi tarixdən 7 ildən artıq müddət keçdikdən sonra verilmişdir. Bununla da orderin etibarsızlığı ilə bağlı müəyyən edilmiş müddət ötürülmüşdür. Məhkəmə, iddia tələbinin “X3 yaşayış sahəsinə istifadə hüququnun itirilməsi” hissəsinə münasibətdə qeyd edir ki, həmin mülki iş üzrə iddia tələbinin müvafiq hissəsi cavabdeh kimi göstərilmiş şəxslərə qarşı yönəlməməklə, birbaşa üçüncü şəxs kimi işə cəlb edilmiş X4 yönəlməli olan tələbdir, hazırkı iş üzrə isə cavabdeh qismində Cavabdeh1 İstehsalat Birliyi, "xxxx" Zavodu qeyd edilmişdir, iddiaçı Üfüq” İstehsalat Birliyi "xxxx" Zavoduna qarşı mübahisəli mənzildən istifadə hüququna xitam verilməsi tələbi ilə məhkəməyə müraciət etməkdə haqlı olmamışdır, odur ki, iddia tələbi həmin hissədə də rədd edilməlidir. Beləliklə, toplanmış sübutlara məcmu halında qiymət verərək məhkəmə hesab edir ki, iddiaçı Bakı şəhər İcra Hakimiyyəti Mənzil-Kommunal Təsərrüfatı Departamentinin Cavabdeh1 İstehsalat Birliyi "xxxx" Zavoduna, Azərbaycan Respublikasının Müdafiə Sənayesi Nazirliyi "xxxx" Məhdud Məsuliyyətli Cəmiyyətinə qarşı X3 və 1 saylı Xüsusi Təyinatlı Mənzil-Kommunal Təsərrüfatı Birliyinin üçüncü şəxs qismində cəlb olunduqları “yataqxanada yaşayış sahəsi ilə bağlı orderin verilməsi barədə birgə qərarın (protokolun) etibarsız hesab ediməsi, qərara (protokola) əsasən verilmiş orderin etibarsız edilməsi və yaşayış sahəsinə istifadə hüququnun itirilməsi” barədə iddia tələbi rədd edilməlidir. Məhkəmə mülki-prosessual qanunvericiliyin tələblərinə uyğun olaraq məhkəmə xərclərinin bölüşdürülməsi məsələsini də qətnaməsində əks etdirməlidir. Azərbaycan Respublikası Mülki Prosessual Məcəlləsinin 50.1-ci maddəsinə əsasən, Prosesdə tərəflər iddiaçı və cavabdeh hesab edilirlər. Fiziki və hüquqi şəxslər, vəzifəli şəxslər, dövlət orqanları və başqa orqanlar iddiaçı və ya cavabdeh qismində çıxış edə bilərlər. Həmin Məcəllənin 50.2-ci maddəsinə əsasən, özünün və ya başqasının mənafeyi naminə iddia qaldırmış fiziki və hüquqi şəxslər, habelə dövlət idarə və təşkilatlarının və ya təsisçisi dövlət və ya dövlət idarəsi, yaxud təşkilatı olan hüquqi şəxslərin müvafiq müraciəti olduğu hallarda dövlət mənafeyinin müdafiəsi üçün iddia qaldırmış prokuror iddiaçılar hesab edilirlər. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İş materiallarında olan qəbzdən görünür ki, iddiaçı 10 manat dövlət rüsumu ödəmişdir. Məhkəmə dövlət rüsumunun tutulması hissəsinə qiymət verərək hesab edir ki, iddia tələbi rədd edildiyindən, iddiaçı Bakı şəhər İcra Hakimiyyəti Mənzil-Kommunal Təsərrüfatı Departamentinin ödədiyi 10 manat dövlət rüsumu onun özünə aid edilməlidir. Məhkəmə iş üzrə sübutlara Mülki-Prosessual Məcəllənin 88-ci maddəsinin tələblərinə uyğun olaraq obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət vermiş, iddia ərizəsində qoyulmuş tələblər üzrə nəticəyə gələrkən isə Mülki-Prosessual Məcəllənin 217.4-cü maddəsində təsbit edilmiş bilavasitəlilik prinsipinə uyğun olaraq yalnız məhkəmə iclasında tədqiq olunmuş sübutlara əsaslanmışdır. “Məhkəmə qətnaməsi haqqında” Azərbaycan Respublikası Ali Məhkəməsininin Plenumunun 24 .11.2005-ci il tarixli Qərarında formalaşdırdığı hüquqi mövqeyə görə, qətnamənin əsaslandırıcı hissəsində məhkəmənin mübahisə edilən hüquq münasibəti barədə gəldiyi nəticə üçün əsas götürdüyü maddi hüquq normaları, istinad etdiyi qanunun və ya digər normativ aktın adı, maddəsi, abzası, bəndi, zəruri hallarda Konstitusiya Məhkəməsinin və Ali Məhkəmə Plenumunun ayrı-ayrı məsələlər barədə qərarları da göstərilməlidir. Şərh olunanlara əsaslanaraq və Azərbaycan Respublikasının Mülki-Prosessual Məcəllənin -nin 216-220-ci maddələrini rəhbər tutaraq məhkəmə QƏT ETDİ: Bakı Şəhər İcra Hakimiyyəti Mənzil-Kommunal Təsərrüfatı Departamentinin “cavabdeh "Üfüq" İstehsalat Birliyi "Radioquraşdırma” Zavodu tərəfindən Bakı şəhəri, Xətai rayonu, Cavanşir küçəsi, 4 ünvanında yerləşən yataqxana binasının 5 saylı mənzilinə dair X3 adına yazılan 02.08.2009-cu il tarixli, 6 saylı orderin verilməsinə əsas olmuş 02.08.2009-cu il tarixli, 6 saylı orderin verilməsinə əsas olmuş 110 saylı rəsmiləşdirilmiş 08.06.2009-cu il tarixli 41 saylı birgə qərarının (protokolun), Bakı şəhəri, Xətai rayonu, Cavanşir küçəsi, 4 ünvanındakı yataqxana binasının 1-ci mərtəbəsində yerləşən yaşayış sahəsi 18,0 kv.metr olan 5 saylı mənzilə Müdafiə Sənayesi Nazirliyi "xxxx" Məhdud Məsuliyyətli Cəmiyyəti tərəfindən X3 adına yazılan 02.08.2009-cu il tarixli, 6 saylı oredrinin etibarsız hesab edilməsi və X3 yaşayış sahəsinə istifadə hüququnun itirilməsi barədə” iddia tələbi rədd edilsin. Ödənilmiş dövlət rüsumu iddiaçıya aid edilsin. Qətnamədən, onun rəsmi qaydada verildiyi gündən 01 (bir) ay müddətində Bakı şəhəri Xətai Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Sədrlik edən: Şəhriyar Əliyev