Bakı Şəhəri Xətai Rayon Məhkəməsi Qətnamə — İş №2(011)-2124/2022

Azərbaycan Respublikası adından QƏTNAMƏ Bakı şəhəri İş № 2(011)-2124/2022 31.05.2022 BAKI ŞƏHƏRİ XƏTAİ RAYON MƏHKƏMƏSİ Hakim Abbasova Əminə Rauf qızının sədrliyi, Bayramova Nərmin Nizami qızının katibliyi İddiaçı nümayəndəsi və vəkili X2 iştirakı ilə, İddiaçı Cavabdeh qarşı “mənzildən çıxarılma tələbi” barəsində iddiasına dair mülki işə açıq məhkəmə iclasında baxaraq müəyyən etdi: İddiaçı oğlu Cavabdeh qarşı iddia ərizəsi ilə məhkəməyə müraciət edərək, AR DƏDRX-in RX seriyalı ******* nömrəli çıxarışına əsasən, Bakı şəhəri, Xətai rayonu, ünvan 1 ünvanında yerləşən ümumi sahəsi 43,2 kv/m, yaşayış sahəsi 28 kv/m və yardımçı ahəsi 15,2 kv/m olan, 2 otaqlı mənzildən Cavabdeh çıxarılması və həmin mənzilin iddiaçıya təhvil verilməsinə dair qətnamə çıxarılmasını xahiş etmişdir. İddia tələbi onunla əsaslandırılmışdır ki, Bakı şəhəri, Xətai rayonu, ünvan 2 ünvanında yerləşən ümumi sahəsi 43,2 kv/m, yaşayış sahəsi 28 kv/m və yardımçı sahəsi 15,2 kv/m olan 2 otaqlı mənzil iddiaçıya məxsusdur. Belə ki, həmin yaşayış evini iddiaçı 23 avqust 2013-cü il tarixdə X3 notarial qaydada təsdiq olunmuş alqı-satqı yolu ilə almışdır. Bunun əsasında iddiaçıya AR ƏMDK yanında DƏDRX tərəfindən, mülkiyyətini təsdiq edən sənəd kimi RX serialı ******* nömrəli çıxarış verilmişdir. İddiaçı qeyd olunan ünvanda yerləşən mənzilə baxmağa gedəndə həmin mənzilin tanımadığı şəxslər tərəfindən təyinatı dəyişdirilərək, "kafe" kimi fəaliyyət göstərdiyi məlum olmuşdur. Həmin şəxslərdən soruşduqda məlum olmuşdur mənzili onlara Möhsün adlı şəxs icarə vermişdir. Həmin şəxslə əlaqə saxladıqda o iddiaçıya bildirmişdir ki, "Sənin mənzilin orada deyil, qeyd olunan mənzil mənə məxsusdur sənədləri də var." Lakin iddiaçıya heç bir sənəd təqdim olunmamışdır. İddiaçı qeyd edir ki, araşdırılma zamanı izahatı alınmış Cavabdeh bildirmişdir ki, qeyd olunan mənzil və onun ətrafında olan bir neçə mənzil 2005-ci il tarixdə Rusiya Federasiyasında yaşayan əmisi tərəfindən alınmışdır. Həmçinin bildirmişdir ki, Hüseynov Eldənizin, yəni iddiaçının iddia etdiyi mənzil ona məxsusdur və o heç kimin mənzilini zəpt etməmişdir. Göründüyü kimi cavabdeh gah bildirir ki, mübahisəli mənzil onun əmisinə məxsusdur. Gah da bildirir ki, həmin mənzil ona məxsusdur. Bu barədə heç bir sənəd də təqdim edə bilmir. Cavabdeh qanunsuz olaraq iddiaçıya məxsus mənzili zəpt edərək, mənzilin konstruksiyasını dəyişmiş və qeyri-yaşayış sahəsi kimi icarəyə verərək qanunsuz gəlir əldə edir. Həmçinin iddiaçıya məxsus mənzil təyinatı üzrə istiifadə olunmadığından hər an təhlükə mənbəyidir. İddiaçı hesab edir ki, mülkiyyətində olan, Bakı şəhəri, Xətai rayonu, ünvan 2 ünvanında yerləşən ümumi sahəsi 43,2 kv.m, yaşayış sahəsi 28 kv/m və yardımçı sahəsi 15,2 kv.m olan 2 otaqlı mənzildən Cavabdeh çıxarılmalı və həmin mənzil iddiaçıya təhvil verilməlidir. İddiaçının nümayəndəsi və vəkili Cavabdeh məhkəmə iclasında iddianı müdafiə edərək, iddianın təmin edilməsini xahiş etdi. Cavabdeh məhkəmə iclasının vaxtı və yeri barəsində lazımi qaydada xəbərdar edilməklə məhkəmə iclasına çağırılmış, lakin məhkəmə iclasına gəlməmiş və gəlməməsinin səbəbləri barəsində məhkəməyə məlumat verməmişdir. Azərbaycan Respublikası Mülki Prosessual Məcəlləsinin 185.5-ci maddəsinə əsasən, Məhkəmə işə cavabdehin iştirakı olmadan baxılmasını mümkün hesab etmişdir. Məhkəmə işdə iştirak edən şəxslərin izahatlarını dinləyərək, işin materiallarını araşdıraraq hesab edir ki, iddia əsaslıdır ona görə də iddia təmin edilməlidir. İş materiallarında olan AN-İ № ******* saylı, xx.xx.2013-cü il tarixli daşınmaz əmlakın alqı-satqı müqaviləsindən görünür ki, X5 190.000 manat qiymətinə Bakı şəhəri, Xətai rayonu, ünvan 2 ünvanında yerləşən ümumi sahəsi 43,2 kv.m, yaşayış sahəsi 28 kv/m, 2 otaqlı mənzili Əli-zadə X1. Müqavilə Bakı şəhəri 6 saylı notariat ofisinin xüsusi notariusu X4 tərəfindən təsdiq edilmişdir. İş materiallarında olan Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin Hüquqların Dövlət qeydiyyatı haqqında daşınmaz əmlakın Dövlət reyestrindən çıxarışdan görünür ki, Bakı şəhəri, Xətai rayonu, Xocalı prospekti, ev 27, 5 mənzili tam mülkiyyət hüququ üzrə İddiaçı adına daşınmaz əmlakın dövlət reyestrində xx.xx.2022-ci il tarixdə qeydiyyata alınmışdır. İddia tələbinin hüquqi əsasını təşkil edən Azərbaycan Respubikasının Konstitusiyasının 13-cü maddəsinin İ hissəsinə əsasən Azərbaycan Respublikasında mülkiyyət toxunulmazdır və dövlət tərəfindən müdafiə olunur. Konstitusiyanın 29-cu maddəsinə əsasən, hər kəsin mülkiyyət hüququ vardır. Mülkiyyətin heç bir növünə üstünlük verilmir. Mülkiyyət hüququ, o cümlədən xüsusi mülkiyyət hüququ qanunla qorunur. Hər kəsin mülkiyyətində daşınar və daşınmaz əmlak ola bilər. Mülkiyyət hüququ mülkiyyətçinin təkbaşına və ya başqaları ilə birlikdə əmlaka sahib olmaq, əmlakdan istifadə etmək və onun barəsində sərəncam vermək hüquqlarından ibarətdir. Heç kəs məhkəmənin qərarı olmadan mülkiyyətindən məhrum edilə bilməz. Həmçinin Azərbaycan Respublikası Mülki Məcəlləsinin 152.1-ci maddəsinə əsasən, mülkiyyət hüququ subyektin ona mənsub əmlaka (əşyaya) öz istədiyi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Həmin Məcəllənin 157.2-ci maddəsinə əsasən, mülkiyyətçi özgəsinin qanunsuz sahibliyindən öz əmlakını tələb edə bilər. Akimovanın Azərbaycana qarşı işində “İnsan hüquqlarının və əsas azadlıqların müdafiəsi haqqında” Konvensiyanın 1 saylı Protokolunun 1-ci maddəsinin pozuntusunu müəyyən edən Avropa Məhkəməsi qeyd etmişdir ki, 1 saylı Protokolunun 1-ci maddəsinin birinci hissəsindəki “mülkiyyət” anlayışı fiziki mallar üzərində mülkiyyətlə məhdudlaşmayan müstəqil mənaya malikdir və daxili qanunvericilikdəki formal təsnifatdan asılı olmamaqla əmlakı təşkil edən bəzi digər hüquqlar və maraqlar da “mülkiyyət” kimi qiymətləndirilə bilər. Avropa Məhkəməsi istinad edilən işində bir daha xatırlanmışdır ki, mülkiyyət hüququnu təmin edən 1 saylı Protokolunun 1-ci maddəsi üç müxtəlif qaydanı ehtiva edir: birinci abzasın birinci cümləsində təsbit olunan birinci qayda ümumi xarakterlidir və mülkiyyətdən maneəsiz istifadə prinsipini bəyan edir; birinci abzasın ikinci cümləsində təsbit olunan ikinci qayda mülkiyyətdən məhrum edilməni əhatə edir və onu müəyyən şərtlərdən asılı edir; ikinci abzasda bəyan edilən üçüncu qayda təsdiq edir ki, razılığa gələn Yüksək Tərəflər ümumi maraqlara müvafiq olaraq digər tədbirlərlə yanaşı, mülkiyyətdən istifadəyə nəzarəti həyata keçirmək hüququna malikdirlər. İkinci və üçüncu qaydalar mülkiyyətdən maneəsiz istifadə hüququna müdaxilə misalları ilə bağlı olduğundan, birinci qaydada bəyan edilən ümumi prinsip baxımından şərh edilməlidir. Yuxarıda göstərilənlərdən aydın olur ki, hər bir vətəndaşın mülkiyyət hüququ dövlət tərəfindən tanınan və qorunan müstəsna hüquqdur. Şəxsin mülkiyyət hüququ toxunulmazdır və kənar müdaxilələrdən mühafizə edilməlidir. Beləliklə də, mənzilə dair hər hansı mülkiyyət- sahiblik, sərəncam və istifadə hüququ olmayan Cavabdeh həmin mənzili zəbt etməsi və onun həmin mənzildə yaşamağa davam etməsi iddiaçının mülkiyyət hüququnun pozuntusu kimi qiymətləndirilməlidir. Yuxarıda göstərilənlərə əsasən məhkəmə hesab edir ki, Cavabdeh Bakı şəhəri, Xətai rayonu, ünvan 2 ünvanında yerləşən ümumi sahəsi 43,2 kv/m, yaşayış sahəsi 28 kv/m və yardımçı sahəsi 15,2 kv/m olan 2 otaqlı mənzildən məcburi qaydada çıxarılmalıdır. Məhkəmə iş üzrə təqdim edilmiş sübutları məcmu halında qiymətləndirərək hesab edir ki, iddia qismən əsaslıdır. Buna görə də qismən təmin edilməlidir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq məhkəmə qət etdi: İddia təmin edilsin. Cavabdeh Bakı şəhəri, Xətai rayonu, ünvan 2 ünvanında yerləşən ümumi sahəsi 43,2 kv/m, yaşayış sahəsi 28 kv/m və yardımçı sahəsi 15,2 kv/m olan 2 otaqlı mənzildən çıxarılsın. Qətnamə rəsmi qaydada verildiyi gündən 1 ay müddətində Bakı Şəhəri Xətai Rayon Məhkəməsi vasitəsi ilə Bakı Apellyasiya Məhkəməsinin mülki kollegiyasına apellyasiya şikayəti verilə bilər. Qətnamədən şikayət verilmədikdə, tərəflərə rəsmi qaydada təqdim edildiyi gündən 1 (bir) ay keçdikdən sonra qanuni qüvvəyə minir. Sədrlik edən: Əminə Abbasova