Bakı Şəhəri Xətai Rayon Məhkəməsi Qərardad — İş №2(011)-2911/2022

Azərbaycan Respublikası adından QƏRARDAD Bakı şəhəri İş № 2(011)-2911/2022 26.04.2022 BAKI ŞƏHƏRİ XƏTAİ RAYON MƏHKƏMƏSİ Hakim Mehrəliyev Sərdar Bəşərəddin oğlunun sədrliyi Xəlilzadə Cəfər Həmid oğlunun katibliyi İddiaçı İdeal-İnşaat Company MMC-nin nümayəndəsi X1 Cavabdeh iştirakı ilə İddiaçı İdeal-İnşaat Company MMC-nin Cavabdeh qarşı pul tələbinə dair iddia ərizəsi üzrə mülki işə açıq məhkəmə hazırlıq iclasında baxaraq MÜƏYYƏN ETDİ: İddiaçı İdeal-İnşaat Company MMC cavabdeh X2 qarşı pul tələbinə dair iddia ərizəsi ilə məhkəməyə müraciət etmişdir. Məhkəmə iclasında iddiaçı İdeal-İnşaat Company MMC-nin nümayəndəsi X3 ərizə ilə məhkəməyə müraciət edərək cavabdehin əsl cavabdehlə yəni, Cavabdeh ilə əvəz edilərək hazırki mülki işin aidiyyəti üzrə Bakı şəhəri Binəqədi Rayon Məhkəməsinə göndərilməsini xahiş etmişdir. Məhkəmə iclasında cavabdeh X4 ərizəni qəbul edərək izahatında göstərmişdir ki, o, hal-hazırda Bakı şəhəri Binəqədi rayonu 9 mkr M.Cəlal küçəsi 1D saylı evin giriş 2, 47 saylı mənzilində qeydiyyatdadır. Ona görə də hazırki mülki işin Bakı şəhəri Binəqədi Rayon Məhkəməsinə göndərilməsinə etiraz etməmişdir. Məhkəmə tərəflərin izahatını dinləyib, mülki işin sənədlərini araşdırıb hesab edir ki, hazırkı mülki iş aidiyyəti üzrə baxılması üçün Bakı şəhəri Binəqədi Rayon Məhkəməsinə göndərilməlidir. Elektron məhkəmə sistemindən çıxarışdan müəyyən olunur ki, xx.xx.1986-cı il təvəllüdlü Cavabdeh Bakı şəhəri Binəqədi rayonu 9 mkr M.Cəlal küçəsi 1D saylı evin giriş 2, 47 saylı mənzilində qeydiyyatdadır. Azərbaycan Respublikası Mülki Prosessual Məcəlləsinin: 31.1-ci maddəsinə əsasən aidiyyət qaydalarının pozulmasına yol verilmir. 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. 36.3-cü maddəsinə görə alimentin alınması və atalığın müəyyən edilməsi haqqında iddialar iddiaçı tərəfindən özünün yaşadığı yerə görə də verilə bilər. Qeyd olunanlara əsasən məhkəmə hesab edir ki, cavabdeh Bakı şəhəri Binəqədi rayonunda qeydiyyatda olduğundan hazırkı mülki iş aidiyyəti üzrə baxılması üçün Bakı şəhəri Binaqədi Rayon Məhkəməsinə göndərilməlidir. Belə ki, məhkəmə aidiyyəti qaydalarının pozulması son nəticədə Azərbaycan Respublikası Konstitusiyasının 62-ci maddəsində göstərilən “hər kəsin onun işinə qanunla müəyyən edilmiş məhkəmədə baxılması hüququ”nun təminatını pozmuş olur. Şərh olunanlara əsasən, Azərbaycan Respublikası MPM-nin 263-264-cü maddələrini rəhbər tutaraq, məhkəmə QƏRARA ALDİ: İddiaçı İdeal-İnşaat Company MMC-nin Cavabdeh qarşı pul tələbinə dair 2(011)- 2911/2022 nömrəli mülki iş baxılması üçün aidiyyəti üzrə Bakı şəhəri Binəqədi Rayon Məhkəməsinə göndərilsin. Qərardaddan 10 gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən Sərdar Mehrəliyev