Azərbaycan Respublikası adından QƏRARDAD Bakı şəhəri İş № 2(011)-3847/2025 09.04.2025 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Eyvazova Samirə Əli qızı İddiaçı cavabdeh Hərbi Dəniz Qüvvələrinin N saylı hərbi hissəsinə qarşı (Azərbaycan Respublikası Hərbi Prokurorluğunu üçüncü şəxs qismində cəlb etdiyi) ödənilməməmiş əməkhaqqı tələbinə dair iddia ərizəsini və əlavə olunmuş sənədləri araşdırıb, MÜƏYYƏN ETDİ:
1. İddiaçı cavabdeh Hərbi Dəniz Qüvvələrinin N saylı hərbi hissəsinə qarşı (Azərbaycan Respublikası Hərbi Prokurorluğunu üçüncü şəxs qismində cəlb etdiyi) ödənilməməmiş əmək haqqı və əmək haqqına əlavə tələbinə dair iddia ərizəsi ilə məhkəməyə müraciət etmişdir.
Tətbiq edilən hüquq:
2. Azərbaycan Respublikası Mülki Prosessual Məcəlləsi (MPM): 35.1. qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. 36.9. İstehlakçının hüququnun müdafiəsi haqqında iddialar iddiaçının yaşadığı yerə görə, yaxud müqavilənin bağlandığı və ya icra edildiyi yerə görə verilə bilər. 152.1.3. əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. 152.4. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur.
İşə baxan məhkəmənin mövqeyi:
3. Məhkəmə iddia ərizəsini və ona əlavə edilmiş sənədləri nəzərdən keçirib hesab edir ki, iddia ərizəsi geri qaytarılmalıdır.
4. Belə ki, mülki iş icraata götürülməmişdən əvvəl onun ərazi adiyyətinin müəyyən edilməlidir, belə ki, qanunvericiliyin tələbinə əsasən aidiyyat qaydalarının pozulması yolverilməzdir. Eyni zamanda cavabdehin məhkəmə iclasına çağırılması və sənədlərin surətlərinin göndərilməsi üçün əvvəlcədən rəsmi qeydiyyatı, Azərbaycan Respublikasında yaşayış yeri və axırıncı yaşayış yeri, cavabdehin əmlakının olduğu yer barədə məlumat olmalıdır.
5. Hazırki mülki iş üzrə iddiaçının tələbi iddianın təmin edilməsi, Hərbi Dəniz Qüvvələrinin N saylı hərbi hissəsində işlədiyi dövr ərzində iş vaxtından artıq işlədiyi ümumi saatlar müqabilində 18816 (on səkkiz min səkkiz yüz on altı) manat məbləğdə, "dəniz pulu" kimi əmək haqqına əlavə şəklində ödənilməli olan ümumilikdə 7830 (yeddi min səkkiz yüz otuz) pul vəsaitinin və 2020-ci ildən etibarən bonus kimi ödənilən bonuslara görə ümumilikdə 3654 (üç min altı yüz əlli dörd) manat məbləğdə pulun, ümumilikdə 30300 (otuz min üç yüz) manat məbləğdə pul vəsaitinin və dövlət rüsumu olaraq ödənilən vəsaitin cavabdehdən tutularaq İddiaçı ödənilməsinə dair qətnamə qəbul edilməsini, cavabdeh Hərbi Dəniz Qüvvələrinin N saylı hərbi hissəsinin səlahiyyətli şəxsləri barədə xüsusi qərar çıxarılaraq aidiyyatı üzrə Azərbaycan Respublikasının Hərbi Prokurorluğana göndərilməsi və həmin səlahiyyətli şəxslərin məsuliyyətə cəlb edilməsi təmin edilməsi barədə" xüsusi qərar" qəbul edilməsi tələbidir. Azərbaycan Respublikası MPM-nin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Lakin cavabdeh Hərbi Dəniz Qüvvələrinin N saylı hərbi hissəsinin hüquqi ünvanı Bakı şəhəri, Qaradağ rayonudur. Azərbaycan Respublikasının MPM-nin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. (§2)
6. Qeyd olunanlara əsasən məhkəmə hesab edir ki, cavabdeh Xətai rayonunda qeydiyyatda olmadığından iddiaçının hazırki iddia ərizəsi MPM-nin 152.1.3-cü maddəsinə əsasən geri qaytarılmalıdır. Belə ki, məhkəmə aidiyyəti qaydalarının pozulması yol verilməzdir, bu son nəticədə Azərbaycan Respublikası Konstitusiyasının 62-ci maddəsində göstərilən “hər kəsin onun işinə qanunla müəyyən edilmiş məhkəmədə baxılması hüququ”nun təminatını pozmuş olur.
7. Eyni zamanda iddia ərizəsinin qaytarılması ilə bağlı nöqsanlar aradan qaldırıldıqdan sonra ikinci dəfə aidiyyatı üzrə məhkəməyə müraciət etmək hüququ iddiaçıya izah olunur.
8. Şərh olunanlara və Azərbaycan Respublikasının MPM-in 152.1.3 və 263-264-cü maddələrinə əsasən məhkəmə
QƏRARA ALDİ:
1. İddiaçı cavabdeh Hərbi Dəniz Qüvvələrinin N saylı hərbi hissəsinə qarşı (Azərbaycan Respublikası Hərbi Prokurorluğunu üçüncü şəxs qismində cəlb etdiyi) ödənilməməmiş əmək haqqı və əmək haqqına əlavə tələbinə dair iddia ərizəsi və ona əlavə edilmiş sənədlər geri qaytarılsın.
2. İddiaçı hazırkı iddia ərizəsi ilə bağlı məhkəməyə ikinci dəfə müraciət etmək hüququnun olması izah olunsun.
3. Qərardaddan rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə (“Elektron məhkəmə” informasiya sistemində yaradılan kabinetdən elektron qaydada) şikayət verilə bilər.
Sədrlik edən: Samirə Eyvazova