Bakı Şəhəri Xətai Rayon Məhkəməsi Qərardad — İş №2(011)-4341/2020

Azərbaycan Respublikası adından QƏRARDAD Bakı şəhəri İş № 2(011)-4341/2020 14.09.2020 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlunun sədrliyi, Kərimov İlkin Camal oğlunun katibliyi, Cavabdeh iştirakı ilə, İddiaçı Cavabdeh qarşı pul öhdəliyinin icra edilməsi tələbinə dair mülki işə məhkəmənin inzibati binasında, açıq məhkəmə iclasında baxaraq, müəyyən etdi: İddiaçı iddia ərizəsi ilə məhkəməyə müraciət edərək, Cavabdeh onun xeyrinə 133000 manat məbləğində pulun tutulması barədə qətnamə qəbul edilməsini xahiş etmişdir. Bakı şəhəri Xətai Rayon Məhkəməsinin xx.xx.2020-ci il tarixli 2(011)- 4341/2020saylı iddianı təmin etmə tədbiri barədə qərardadı ilə Cavabdeh mükiyyətində olan Bakı şəhəri, Xətai rayonu, X.Məmmədov küçəsi, ev 18, korpus 3, giriş C, 77 saylı mənzilin üzərinə özgəninkiləşməsinə qadağan olunmuşdur. xx.xx.2010-cu il tarixdə İddiaçı məhkəməyə ərizə təqdim edərək, aralarında şifahi razılaşmaya əsasən işin baxılmamış saxlanmasını, iddia ərizəsi və ona əlavə edilmiş sənədlərin geri qaytarılması barədə qərardad qəbul edilməsini xahiş etmişdir. xx.xx.2010-cu il tarixli məhkəmə iclasında Cavabdeh ərizə təqdim edərək mülki iş üzrə iddiaçının məhkəmə iclasında iştirak etməməsi səbəbi ilə ərizənin baxılmamış saxlanılmasına etiraz etmədiyini qeyd etmişdir. Azərbaycan Respublikasının Mülki Prosessual Məcəlləsinin 259.0.11-ci maddəsinə əsasən, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanır. Göstərilənlərə əsasən məhkəmə hesab edir ki, iddiaçı ərizənin baxılmamış saxlanması barəsində ərizə verdiyindən, cavabdeh isə işin mahiyyəti üzrə həll olunmasını tələb etmədiyindən, iddia ərizəsi baxılmamış saxlanmalı, iddianın təmin tədbiri barədə çıxarılmış məhkəmə qərardadı ləğv edilməlidir. Qeyd olunanlara əsaslanaraq və Azərbaycan Respublikasının Mülki Prosessual Məcəlləsinin 259, 263, 264 və 268-ci maddələrini rəhbər tutaraq, məhkəmə qərara aldı: İddiaçı Cavabdeh qarşı pul öhdəliyinin icra edilməsi tələbinə dair iddia ərizəsi baxılmamış saxlansın, iddia ərizəsi və ona əlavə edilmiş sənədlər geri qaytarılsın. Cavabdeh mükiyyətində olan Bakı şəhəri, Xətai rayonu, X.Məmmədov küçəsi, ev 18, korpus 3, giriş C, 77 saylı mənzilin üzərinə özgəninkiləşməsinə qadağan olunması barədə Bakı şəhəri Xətai Rayon Məhkəməsinin xx.xx.2020-ci il tarixli 2(011)- 4341/2020saylı iddianı təmin etmə tədbiri barədə qərardadı ləğv edilsin. Qərardaddan 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Şəhriyar Əliyev