Bakı Şəhəri Xətai Rayon Məhkəməsi Qərardad — İş №2(011)-4626/2022

Azərbaycan Respublikası adından QƏRARDAD Bakı şəhəri İş № 2(011)-4626/2022 29.09.2022 BAKI ŞƏHƏRİ XƏTAİ RAYON MƏHKƏMƏSİ Hakim Abbasova İlahə Namiq Kamal qızının sədrliyi, Osmanova Əfsanə Fəxrəddin qızının katibliyi, Maraqlı şəxs “Azərbaycan Uşaqları” X3 Sığınacağı-Reinteqrasiya Mərkəzinin nümayəndəsi X1 iştirakı ilə, Ərizəçi Xətai Rayon İcra Hakimiyyətinin Qəyyumluq və Himayəçilik Komissiyasının maraqlı şəxslər Bakı şəhəri Maraqlı şəxs1nə, Azərbaycan Respublikası Əmək və Əhalinin Sosial Müdafiəsi Nazirliyinə və “Azərbaycan Uşaqları” X3 Sığınacağı-Reinteqrasiya Mərkəzinə qarşı doğum faktının müəyyən edilməsinə dair ərizəsi üzrə mülki işə açıq məhkəmə iclasında baxaraq, M Ü Ə Y Y Ə N E T D İ: Ərizəçi Xətai Rayon İcra Hakimiyyətinin Qəyyumluq və Himayəçilik Komissiyası maraqlı şəxslər Bakı şəhəri Maraqlı şəxs1nə, Azərbaycan Respublikası Əmək və Əhalinin Sosial Müdafiəsi Nazirliyinə və “Azərbaycan Uşaqları” X3 Sığınacağı-Reinteqrasiya Mərkəzinə qarşı doğum faktının müəyyən edilməsinə dairiddia ərizəsi ilə məhkəməyə müraciət etmişdir. Məhkəmə iş materiallarını tədqiq edərək hesab edir ki, iddia ərizəsi baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 259.0.7-ci maddəsinə görə işə onların iştirakı olmadan baxmağı xahiş etməmiş iddiaçı məhkəmənin birinci çağırışına gəlmədikdə, cavabdeh isə işin mahiyyəti üzrə baxılmasını tələb etmədikdə məhkəmə ərizəni baxılmamış saxlayır. İş materiallarından görünür ki, maraqlı şəxs “Azərbaycan Uşaqları” X3 Sığınacağı- Reinteqrasiya Mərkəzinin nümayəndəsi X2 məhkəmə iclasına gəlsə də, ərizəçi Xətai Rayon İcra Hakimiyyətinin Qəyyumluq və Himayəçilik Komissiyası təyin olunmuş məhkəmə iclasında nümayəndəsinin iştirakını təmin etməmiş, məhkəmə iclasında nümayəndəsinin iştirak etməməsinin üzürlü səbəblərlə bağlı olmasına dair məhkəməni hər hansı qaydada əvvəlcədən məlumatlandırmamışdır. Məhkəmə hesab edir ki, ərizəçi Xətai Rayon İcra Hakimiyyətinin Qəyyumluq və Himayəçilik Komissiyasının nümayəndəsi məhkəmə iclasına gəlmədiyindən, maraqlı şəxsin nümayəndəsi isə mülki işin mahiyyəti üzrə baxılmasını tələb etmədiyindən, mülki iş baxılmamış saxlanılmalıdır. Mülki Prosessual Məcəllənin 260.1 və 260.6-cı maddələrinə görə iddianın baxılmamış saxlanılması haqqında məhkəmə qərardad çıxarır və həmin qərardaddan şikayət verilə bilər. Göstərilənlərə əsasən və Azərbaycan Respublikası Mülki Prosessual Məcəlləsinin 259, 260, 263-264, 267-268-ci maddələrini rəhbər tutaraq məhkəmə QƏRARA ALDİ: Ərizəçi Xətai Rayon İcra Hakimiyyətinin Qəyyumluq və Himayəçilik Komissiyasının maraqlı şəxslər Bakı şəhəri Maraqlı şəxs1nə, Azərbaycan Respublikası Əmək və Əhalinin Sosial Müdafiəsi Nazirliyinə və “Azərbaycan Uşaqları” X3 Sığınacağı-Reinteqrasiya Mərkəzinə qarşı doğum faktının müəyyən edilməsinə dair ərizəsi baxılmamış saxlanılsın. Qərardaddan rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Hakim:İlahə Abbasova