Bakı Şəhəri Xətai Rayon Məhkəməsi Qərardad — İş №2(011)-4643/2025

Azərbaycan Respublikası adından QƏRARDAD Bakı şəhəri İş № 2(011)-4643/2025 13.10.2025 BAKI ŞƏHƏRİ XƏTAİ RAYON MƏHKƏMƏSİ Hakim Abbasova İlahə Namiq Kamal qızının sədrliyi, Səmədzadə Söhrab Azər oğlunun katibliyi ilə, İddiaçı "xxxx" MTK-nın cavabdeh Aleksandr Dzhanievə qarşı “pul” tələbinə dair iddiası üzrə mülki işə Bakı şəhəri Xətai Rayon Məhkəməsinin binasında açıq məhkəmə iclasında baxaraq M ü ə y y ə n e t d i: İddiaçı "xxxx" MTK cavabdeh Aleksandr Dzhanievə qarşı “pul” tələbinə dair iddia ərizəsi ilə məhkəməyə müraciət edərək, CY1 1503 nömrəli və CY1 3405 nömrəli mənzillər üzrə cavabdehdən 3003,98 manat borcun və iddia ərizəsinin verilməsinə görə MTK tərəfindən ödənilmiş 50,04 manat dövlət rüsumunun tutularaq iddiaçıya ödənilməsi barədə qətnamə qəbul edilməsini məhkəmədən xahiş etmişdir. Bundan sonra iddiaçı "xxxx" MTK-nın nümayənndəsi ərizə ilə məhkəməyə müraciət edərək, iddia ərizəsinin, o cümlədən ödənilən 52,82 manat dövlət rüsumumunun iddiaçı "xxxx" MTK-ya geri qaytarılması haqqında qərardad çıxarılmasını məhkəmədən xahiş etmişdir. İş üzrə tərəflər məhkəmə iclasının yeri və vaxtı barədə müvafiq qaydada xəbərdar edilməsinə baxmayaraq, məhkəmə iclasına gəlməmişdir. Buna görə də, məhkəmə tərəflərin iştirakı olmadan işə baxılmasını mümkün hesab etmişdir. Məhkəmə iş materiallarını tədqiq edərək hesab edir ki, iddia ərizəsi baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Həmin Məcəllənin 260.1 və 260.6-cı maddələrinə görə iddianın baxılmamış saxlanılması haqqında məhkəmə qərardad çıxarır və həmin qərardaddan şikayət verilə bilər. Həmin Məcəllənin 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Hesab edirəm ki, iddia ərizəsi geri qaytarıldığından 142211 təsnifat kodlu dövlət büdcəsinə Bakı şəhəri Xətai Rayon Məhkəməsinin hesabına 23 aprel 2025-ci il tarixdə ödənilmiş ********** qəbz nömrəli 50 manat və 11 sentyabr 2025-ci il tarixdə ödənilmiş **********20 qəbz nömrəli 2,78 manat dövlət rüsumu geri qaytarılmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 259, 260, 263-264, 267-268-ci maddələrini rəhbər tutaraq məhkəmə Q ə r a r a a l d ı: İddiaçı "xxxx" MTK-nın cavabdeh Aleksandr Dzhanievə qarşı “pul” tələbinə dair iddia ərizəsi baxılmamış saxlanılsın. İddiaçı MTK (Müxbir bank: "xxxx" ASC; hesab nömrəsi: AZ36PAHA40030AZNHC**********) tərəfindən Hökümət ödəniş portalı vasitəsilə 142211 təsnifat kodlu dövlət büdcəsinə Bakı şəhəri Xətai Rayon Məhkəməsinin hesabına 23 aprel 2025-ci il tarixdə ödənilmiş ********** qəbz nömrəli 50 manat və 11 sentyabr 2025-ci il tarixdə ödənilmiş **********20 qəbz nömrəli 2,78 manat dövlət rüsumu geri qaytarılsın. İddia ərizəsi və ona əlavə olunmuş sənədlərin əsilləri iddiaçıya geri qaytarılsın. Qərardaddan rəsmi qaydada verildikdən sonra tərəflər 10 (on) gün müddətində işə baxan Bakı şəhəri Xətai Rayon Məhkəməsinə şikayət verə bilərlər. Sədrlik edən: İlahə Abbasova