Bakı Şəhəri Xətai Rayon Məhkəməsi Qərardad — İş №2(011)-5013/2024

Azərbaycan Respublikası adından QƏRARDAD Bakı şəhəri İş № 2(011)-5013/2024 03.06.2024 BAKI ŞƏHƏRİ XƏTAİ RAYON MƏHKƏMƏSİ Hakim Abbasova Əminə Rauf qızının sədrliyi, Nəsirova Samirə Şəmsəddin qızının katibliyi ilə, Ərizəçi Maraqlı şəxs qismində cəlb etdiyi hüquqi faktın müəyyən edilməsi tələbinə dair iddiasına, ərizəsinə dair mülki işə açıq məhkəmə iclasında baxaraq müəyyən etdi: Ərizəçi özünün xx.xx.1978-ci il tarixdə Bakı şəhərində doğulması barədə doğum haqqında şəhadətnamənin verilməsi vəzifəsinin Bakı şəhəri Yasamal Rayon Qeydiyyat Şöbəsinə verilməsi tələbinə dair ərizə ilə məhkəməyə müraciət etmişdir. Ərizəçi müraciət edərək, iddia ərizəsi və əlavə edilmiş sənədlərin geri qaytarılmasını və işin baxılmamış saxlanmasını xahiş etmişdir. Azərbaycan Respublikası MPM-nin 170.1ci maddəsinə əsasən Bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Göstərilən qanunvericilik aktı normasına əsasən məhkəmə hesab edir ki, ərizəçi ərizəsinin qaytarılması barəsində ərizə verdiyindən, maraqlı şəxs isə məhkəmə iclasında iştirak etmədiyi və işin mahiyyəti üzrə həll olunmasını tələb etmədiyindən, ərizə geri qaytarılmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 259-260, 263-264 və 266-268-ci maddələrini rəhbər tutaraq, məhkəmə qərara aldı: Ərizəçi özünün xx.xx.1978-ci il tarixdə Bakı şəhərində doğulması barədə doğum haqqında şəhadətnamənin verilməsi vəzifəsinin Bakı şəhəri Yasamal Rayon Qeydiyyat Şöbəsinə verilməsi tələbinə dair ərizəsi geri qaytarılsın. Qərardaddan, rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Əminə Abbasova