Bakı Şəhəri Xətai Rayon Məhkəməsi Qərardad — İş №2(011)-6057/2022

Azərbaycan Respublikası adından QƏRARDAD Bakı şəhəri İş № 2(011)-6057/2022 08.09.2022 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Zamanlı Pərviz Mirsiyaf oğlu – İddiaçı iddia ərizəsini və ona əlavə edilmiş sənədləri nəzərdən keçirərək MÜƏYYƏNETDİ: İddiaçı zaminliyin etibarsız sayılması və "xxxx" tərəfindən özünün və ailəsinin narahat edilməməsinin təmin edilməsi barədə iddia ərizəsi ilə məhkəməyə müraciət etmişdir. İddia ərizəsindən görünür ki, iddia iki cavabdehə qarşı yönəlmişdir. Birinci cavabdeh "xxxx" ASC-nin Əhmədli filialı, ikinci isə "xxxx" ASC-nin Lənkəran filialıdır. İddiaçı birinci cavabdehin yerləşdiyi ünvana görə iddianı Bakı şəhəri Xətai Rayon Məhkəməsinə vermişdir. Məhkəmə qeyd edir ki, iddiaçının hüquqi şəxs olmayan hüquqi şəxsin filialının yerləşdiyi yer üzrə məhkəməyə müraciət etməsi aidiyyət qaydalarına düzgün riayət etməməsi kimi qiymətləndirilməlidir. Belə ki, Azərbaycan Respublikası Mülki Məcəlləsi müəyyən edir ki, hüquqi şəxs qanunla müəyyənləşdirilən qaydada dövlət qeydiyyatından keçmiş, xüsusi yaradılmış elə bir qurumdur ki, mülkiyyətində ayrıca əmlakı vardır, öz öhdəlikləri üçün bu əmlakla cavabdehdir, öz adından əmlak və şəxsi qeyri-əmlak hüquqları əldə etmək və həyata keçirmək, vəzifələr daşımaq, məhkəmədə iddiaçı və ya cavabdeh olmaq hüququna malikdir. Hüquqi şəxsin müstəqil balansı olmalıdır (43.1-ci maddə). Nümayəndiliklər və filiallar hüquqi şəxslər deyildirlər və hüquqi şəxsin təsdiq etdiyi əsasnamələr üzrə fəaliyyət göstərirlər (53.3-cü maddə.). Qeyd edilən müddəalardan da göründüyü kimi, filialı, yaxud digər qurumu deyil yalnız hüquqi şəxsin özü cavabdeh və ya iddiaçı ola bilər, iddia isə yalnız hüquqi şəxsin özünə qarşı irəli sürülə bilər. "xxxx" ASC-nin isə nə Əhmədli nə də Lənkəran filialları hazırkı mübahisə üzrə cavabdeh ola bilməz, iddia yalnız hüquqi şəxsin özünə, yəni "xxxx" ASC-yə qarşı qaldırılmalıdır. İddiaçı hazırkı iddianı "xxxx" ASC-yə qarşı qaldırdığı halda da, həmin mübahisəyə Bakı şəhəri Xətai rayon Məhkəməsində baxıla bilməz. Belə ki, Azərbaycan Respublikasinin İqtisadiyyat Nazirliyi Yaninda Dövlət Vergi Xidmətinin elektron məlumat bazasında (www.taxes.gov.az) "xxxx" ASC-nin hüquqi ünvanı ünvan 3rbaycan Respublikası MPM-nin 35.1 və 35.2-ci maddələrinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Hüquqi şəxsə iddia hüquqi şəxsin ünvanının olduğu yerə görə verilir. Beləliklə, iddiaçı aidiyyət qaydalarını pozmaqla iddia ərizəsi ilə müraciət etdiyindən iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası MPM-nin 151.1-ci maddəsinə əsasən, ərizə bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.3-cü maddəsinə əsasən, əgər iş ərazi aidiyyəti üzrə həmin məhkəmədə baxılmalı deyildirsə, iddia ərizəsi və ona əlavə edilmiş sənədlər geri qaytarılır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsaslanaraq və Azərbaycan Respublikası MPM-nin 152-ci maddəsini rəhbər tutaraq, məhkəmə QƏRARAALDİ: İddia ərizəsi və ona əlavə edilmiş sənədlər İddiaçı qaytarılsın. İddiaçıya izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Pərviz Zamanlı