Abşeron Rayon Məhkəməsi Qərardad — İş №2(012)-1715/2022

Azərbaycan Respublikası adından QƏRARDAD Xırdalan şəhəri İş № 2(012)-1715/2022 14.06.2022 ABŞERON RAYON MƏHKƏMƏSİ Hakim Səfiyeva Cəmilə İbrahim qzının sədrliyi, Sultanov Əlisahib Həbib oğlunun katibliyi, Ərizəçi nümayəndəsi X1 iştirakı ilə, Ərizəçi hüquqi əhəmiyyətli faktın müəyyən edilməsinə dair mülki işə açıq məhkəmə iclasında baxaraq MÜƏYYƏN ETDİ: Ərizəçi Abşeron rayonu, Xırdalan şəhəri, Quşçuluq y/m Z.Tağıyev küçəsi 4 saylı evdə yerləşən 2 otaqlı 5 saylı mənzilə dair mümkün sənədlərin Maraqlı şəxsndən tələb edilməsini və həmin mənzilə dair orderin surətinin ona məxsus olmasının müəyyən edilməsi barədə qətnamə çıxarılmasını xahiş etmişdir. Ərizəçi nümayəndəsi X2 məhkəmə iclasında ərizə təqdim edərək ərizə və ona əlavə edilmiş sənədlərin geri qaytarılmasını xahiş etdi. Göstərilənlərə əsasən, məhkəmə hesab edir ki, Ərizəçi nümayəndəsi X2 mülki işin baxılmamış saxlanılmasını xahiş etdiyindən, ərizə baxılmamış saxlanmalıdır. Belə ki, Azərbaycan Respublikası MPM-nın 259.0.11-cı maddəsinə əsasən, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə, iddia ərizəsi baxılmamış saxlanılır. Şərh olunanlara əsaslanaraq və Azərbaycan Respublikası MPM-nin 259-260, 263- 264 və 266-268-ci maddələrini rəhbər tutaraq, məhkəmə QƏRARA ALDİ: Ərizəçi hüquqi əhəmiyyətli faktın müəyyən edilməsinə ərizəsi baxılmamış saxlanılsın. Qərardaddan 10 (on) gün müddətində Abşeron Rayon Məhkəməsinə şikayət verilə bilər. Hakim: Cəmilə Səfiyeva