Abşeron Rayon Məhkəməsi Qətnamə — İş №2(012)-3513/2020

Azərbaycan Respublikası adından QƏTNAMƏ Xırdalan şəhəri İş № 2(012)-3513/2020 06.10.2020 ABŞERON RAYON MƏHKƏMƏSİ Hakim Səfiyeva Cəmilə İbrahim qızının sədrliyi, Əliyeva Arzu Siyavuş qızının katibliyi, Ərizəçi iştirakı ilə, Ərizəçi doğum haqqında akt qeydinin bərpasına dair ərizəsi üzrə mülki işə xx xxxxxxx 2020-ci il tarixdə, Xırdalan şəhərində, məhkəmənin inzibati binasında açıq məhkəmə iclasında baxaraq, MÜƏYYƏN ETDİ: Ərizəçi doğum haqqında akt qeydinin bərpasına dair ərizə ilə məhkəməyə müraciət edərək, onun xx.xx.1965-ci il tarixdə Ermənistan SSR, Qafan rayonunun Pürülü kəndində anadan olması, atasının X5, anasının X3 olmasına dair doğum haqqında akt qeydinin bərpa edilməsi barədə qətnamə qəbul edilməsini xahiş etmişdir. Ərizə onunla əsaslandırılmışdır ki, Ərizəçi xx.xx.1965-ci il tarixdə Ermənistan SSR, Qafan rayonunun Pürülü kəndində anadan olmuşdur. X1, anası isə X2r. Onlar 1958-ci ildə Qafan rayonunun Pürülü kəndində rəsmi nikaha daxil olmuş, bu barədə xx.xx.1959-cu ildə nikahın bağlanması haqqında akt qeydləri kitabında 2 nömrəli qeydiyyat aparılmışdır. Həmin nikahdan xx.xx.1965-ci il tarixdə Ərizəçi anadan olmuşdur. Ərizəçinin atası- X5 xx.xx.1987-ci il tarixdə rəhmətə getmişdir. Ərizəçi bildirir ki, özünə məxsus doğum haqqında şəhadətnaməni naməlum şəraitdə itirmişdir. Hazırda anası ona məxsus daşınmaz əmlakı bağışlama yolu ilə ərizəçinin mülkiyyətinə vermək istəyir, lakin doğum haqqında şəhadətnamənin olmaması onların yaxın qohumluq faktını sübut etməkdə maneə yaradır. Ərizəçi yeni şəhadətnamə almaq üçün Maraqlı şəxsnə müraciət etsə də, orada ona məhkəməyə müraciət etməsi bildirilmişdir. Məhkəmə iclasında Ərizəçi ərizəni müdafiə edib, ərizənin məzmununa uyğun izahat verib, təmin edilməsini məhkəmədən xahiş etdi. Məhkəmədə iclasında ərizəçinin bacısı X4 şahid qismində ifadə verdi ki, Ərizəçi həqiqətən də, xx.xx.1965-ci il tarixdə Ermənistan SSR, Qafan rayonunun Pürülü kəndində anadan olmuşdur. X1, anası isə X2r. Məhkəmə iclasının yeri və vaxtı barədə məlumat verilməsinə baxmayaraq Maraqlı şəxs nümayəndəsi məhkəmə gəlməmiş, gəlməməsinin səbəbləri barədə isə heç bir məlumat verməmişdir. Məhkəmə ərizəyə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə ərizəçinin izahatını və şahidin ifadəsini dinləyib, işdə olan hüquqi sənədləri tədqiq edərək toplanmış sübutların məcmusuna hüquqi qiymət verib, belə hüquqi nəticəyə gəlir ki, ərizə aşağıdakı əsaslara görə təmin edilməlidir. Mülki iş materiallarında olan AZE № 0******* nömrəli şəxsiyyət vəsiqəsinin surətindən müəyyən olunur ki, vəsiqənin sahibi Ərizəçixx.xx.1965-ci il tarixdə Ermənistan, Qafan rayonunda anadan olmuşdur. Mülki iş materiallarında olan Abşeron RİHB-nın Mehdiabad qəsəbə X8 üzrə nümayəndəliyinin xx.xx.2020-ci il tarixli, 1870 nömrəli arayışından müəyyən edilir ki, Ərizəçi həqiqətən də, Mehdiabad qəsəbəsi, Ə.Vahid küçəsi, ev 11 ünvanıdə məskunlaşmışdır. Mülki iş materiallarında olan, Maraqlı şəxs tərəfindən göndərilən xx xxxxxx 2020-ci il tarixli, 05/Q-954/15 saylı məktubdan müəyyən edilir ki, itmiş yazının qeydiyyat şöbəsi tərəfindən bərpası mümkün olmadığına görə doğum haqqında akt qeydinin bərpa edilib, yeni doğum haqqında şəhadətnamənin verilməsi üçün Ərizəçi məhkəməyə müraciət etməsi bildirilmişdir. Azərbaycan Respublikası Mülki Prosessual Məcəlləsinin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə iş üzrə toplanmış sübutlara hüquqi qiymət verərək hesab edir ki, Ərizəçi xx.xx.1965-ci il tarixdə Ermənistan SSR, Qafan rayonunun Pürülü kəndində anadan olması, atasının X5, anasının X3 olması sənədlərlə və şahidlərin verdikləri ifadələrlə müəyyən edildiyindən, hüquqi faktın müyyən edilməsi barədə ərizə təmin edilməlidir. Azərbaycan Respublikası Mülki Prosessual Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.3 və 217.4-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 358-360 və 362-ci maddələrini rəhbər tutaraq, məhkəmə QƏT ETDİ: Ərizə təmin edilsin. Ərizəçi xx.xx.1965-ci il tarixdə Ermənistan SSR, Qafan rayonunun Pürülü kəndində anadan olması, atasının X5, anasının X3 olmasına dair akt qeydi bərpa olunsun. Qətnamədən rəsmi qaydada verildiyi gündən 1 (bir) ay müddətində Abşeron Rayon Məhkəməsi vasitəsi ilə Azərbaycan Respublikası Sumqayıt Apelyasiya Məhkəməsinə apelyasiya şikayəti verilə bilər. Sədrlik edən: Cəmilə Səfiyeva