Abşeron Rayon Məhkəməsi Qərardad — İş №2(012)-3922/2020

Azərbaycan Respublikası adından QƏRARDAD Xırdalan şəhəri İş № 2(012)-3922/2020 09.10.2020 ABŞERON RAYON MƏHKƏMƏSİ Abşeron rayon Məhkəməsi Hakim X1 İddiaçı İddiaçı Cavabdeh qarşı fərdi yaşayış evinə köçürülmə tələbinə dair iddia ərizəsinə Xırdalan şəhərində, Abşeron Rayon Məhkəməsinin inzibati binasında baxaraq, M ü ə y y ə n e t d i: İddiaçı İddiaçı Cavabdeh qarşı fərdi yaşayış evinə köçürülmə tələbinə dair iddia ilə Abşeron rayon Məhkəməsinə müraciət edərək iddiaçının azyaşlı uşağı ilə birlikdə Abşeron rayonu 1 nömrəli Zeytun Sovxozunda yerləşən fərdi yaşayış evinə köçürülməsi barədə qətnamə qəbul edilməsini məhkəmədən xahiş etmişdir. İddia ərizəsini və ona əlavə edilən sənədləri nəzərdən keçirib hesab edirəm ki, iş ərazi aidiyyatı üzrə Abşeron rayon Məhkəməsində baxılmalı olmadığından iddia ərizəsi və ona əlavə olunan sənədlər MPM-nin 152.1.3 maddəsinə görə geri qaytarılmalıdır. MPM-nin 152.1.3 maddəsinə görə əgər iş ərazi aidiyyatı üzrə həmin məhkəmədə baxılmalı deyildirsə, iddia ərizəsi və ona əlavə edilən sənədlər geri qaytarılır. MPM-nin 35-ci maddəsinə görə qanunla başqa hal nəzərdə tutulmayıbsa, iddia cavabdehin rəsmi qeydə alındığı və ya hüquqi ünvanının olduğu yerin məhkəməsinə verilir. Belə ki, iddia ərizəsindən və əlavə olunan digər sənədlərdən göründüyü kimi iddiaçı yaşamaq üçün azyaşlı uşağı ilə birlikdə Abşeron rayonu 1 nömrəli Zeytun Sovxozunda yerləşən fərdi yaşayış evinə köçürülməsi barədə qətnamə qəbul edilməsini məhkəmədən xahiş etmişdir. Məhkəmə qeyd edir ki, Abşeron rayonu 1 nömrəli Zeytun sovxozunun torpaq sahələri Abşeron rayon Məhkəməsinin ərazisi olub,yalnız həmin ərazilərin torpaq mübahisələri Abşeron rayon məhkəməsinə aiddir, həmin sovxoz inzibati ərazi vahidi kimi Abşeron rayonunun əraziləri olmadığından torpaq mübahisələrindən başqa, digər mülki mübahisələr, o cümlədən hazırkı iddia ərizəsi üzrə olan mübahisələrin məhkəmə ərazi aidiyyatı Abşeron rayon Məhkəməsi yox, Bakı şəhərinin Suraxanı rayon məhkəməsinə aiddir. Beləliklə, qeyd edilənlərə əsasən məhkəmə hesab edir ki,iddiaçı İddiaçı Cavabdeh qarşı fərdi yaşayış evinə köçürülmə tələbinə dair iddia ərizəsi və ona əlavə olunan sənədlər geri qaytarılmalı, iddiaçıya hazırkı iddia ərizəsi ilə Bakı şəhərinin Suraxanı rayon məhkəməsinə müraciət etmək hüququ izah olunmalıdır. Göstərilənlərə əsasən və MPM-nin 263,264 və 268-ci maddəsinin tələblərini rəhbər tutaraq, Q Ə R A R A A L D İ M: İddiaçı İddiaçı Cavabdeh qarşı fərdi yaşayış evinə köçürülmə tələbinə dair iddia ərizəsi və ona əlavə olunan sənədlər geri qaytarılsın. İddiaçıya hazırkı iddia ərizəsi ilə Bakı şəhərinin Suraxanı rayon məhkəməsinə müraciət etmək hüququ izah olunsun. Qərardadın surəti təqdim edildiyi və ya alındığı gündən 10 (on) gün müddətində qərardadı qəbul edən məhkəməyə şikayət verilə bilər. Hakim: C.İ.Səfiyeva