Abşeron Rayon Məhkəməsi Qərardad — İş №2(012)-3942/2024

Azərbaycan Respublikası adından QƏRARDAD Xırdalan şəhəri İş № 2(012)-3942/2024 28.06.2024 ABŞERON RAYON MƏHKƏMƏSİ Abşeron Rayon Məhkəməsinin hakimi Abbasova Məlahət Aslan qızı, İddiaçılar Ərizəçi1 və Ərizəçi2 Cavabdeh qarşı övladlığın ləğv edilməsi barədə ərizəsini və ona əlavə olunmuş sənədləri nəzərdən keçirib, MÜƏYYƏNETDİM: İddiaçılar Ərizəçi1 və Ərizəçi2 Cavabdeh qarşı övladlığın ləğv edilməsi barədə ərizə ilə məhkəməyə müraciət edərək, Xəzər Rayon Məhkəməsinin xx.xx.2023-cü il tarixli 2(003)-666/2023 saylı qətnaməsi ilə xx.xx.2008-ci il təvəllüdlü Cavabdeh Ərizəçi1 və Ərizəçi2 övladlığa verilməsinin ləğv edilməsi barədə qətnamə çıxarılmasını xahiş etmişlər. Ərizəni və ona əlavə edilmiş sənədləri nəzərdən keçirərək hesab edirəm ki, aşağıda göstərilənlərə əsasən ərizə və ona əlavə edilmiş sənədlər iddiaçılara geri qaytarılmalıdır. Ərizədən və ona əlavə olunmuş sənədlərdən müəyyən edilir ki, tələbin mahiyyəti xx.xx.2008-ci il təvəllüdlü Cavabdeh iddiaçıların övladlığına verilməsinin ləğv edilməsi barədədir. Mülki Prosessual Məcəllənin 351-ci maddəsinə görə uşağın övladlığa götürülməsinin ləğv edilməsi haqqında işlərin baxılması və həlli iddia icraatı qaydasında həyata keçirilir. Həmin Məcəllənin 149.1-ci maddəsinə görə iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. İşdən görünür ki, iddiaçılar Ərizəçi1 və Ərizəçi2 övladlığın ləğv edilməsi barədə iddia ərizəsi ilə deyil, ərizə ilə məhkəməyə müraciət etmiş, bununla da yuxarıda qeyd edilən normaların tələblərini pozmuşlar. Mülki Prosessual Məcəllənin 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Bundan başqa, iddiaçı Ərizəçi1 hazırki ərizəni verərkən müvafiq ödəmə sistemi vasitəsilə ********** saylı qəbzlə Abşeron Rayon Məhkəməsinə ərizənin verilməsi üçün 100 manat məbləğində dövlət rüsumunu xx.xx.2024-cü ildə ödəmişdir. Azərbaycan Respublikası Mülki-Prosessual Məcəlləsinin 114.1.3-cü maddəsinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa, dövlət rüsumu geri qaytarılır. “Dövlət rüsumu haqqında” Azərbaycan Respublikası Qanununun 5.1.2-ci maddəsinə əsasən, ərizələr (şikayətlər) qaytarıldıqda və ya ərizə baxılmamış saxlanıldıqda, habelə notariat əməliyyatlarının icrasından imtina edildikdə dövlət rüsumu geri qaytarılır. Məhkəmə hesab edir ki, qeyd olunanlara əsasən, hazırki ərizə və ona əlavə edilmiş sənədlər, habelə iş üzrə ödənilmiş 100 manat məbləğində dövlət rüsumu geri qaytarılmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 263, 264, 267 və 268-ci maddələrinin tələblərini rəhbər tutaraq, QƏRARAALDİM: İddiaçılar Ərizəçi1 və Ərizəçi2 Cavabdeh qarşı övladlığın ləğv edilməsi barədə ərizə və ona əlavə edilmiş sənədlər iddiaçılara geri qaytarılsın. İddiaçı Ərizəçi1 hazırki mülki iş (2(012)-3942/2024 saylı mülki iş) üzrə ödəmiş olduğu 100 manat məbləğində dövlət rüsumu (********** saylı qəbz) dövlət büdcəsinin vəsaiti hesabından Ərizəçi1 qaytarılsın. Qərardaddan qərardadın rəsmi qaydada verildiyi gündən 10 (on) gün müddətində “Elektron məhkəmə” informasiya sistemində yaradılan elektron kabinetdən Abşeron Rayon Məhkəməsinə şikayət verilə bilər. Hakim: Məlahət Abbasova