Abşeron Rayon Məhkəməsi Qərardad — İş №2(012)-651/2022

Azərbaycan Respublikası adından QƏRARDAD Xırdalan şəhəri İş № 2(012)-651/2022 02.03.2022 ABŞERON RAYON MƏHKƏMƏSİ Hakim Əhmədov Habil Yunis oğlunun sədrliyi, Məsləhətçi (məhkəmə iclas katibi) Kiçibəyov Fərid Faiq oğlunun katibliyi ilə, İddiаçı İddiaçı Cavabdeh qarşı yaşayış sahəsinə istifadə qaydalarının müəyyən edilməsi və evə köçürülmə tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiаçı İddiaçı Cavabdeh qarşı yaşayış sahəsinə istifadə qaydalarının müəyyən edilməsi və evə köçürülmə tələbinə dаir iddia ərizəsi ilə Abşeron rayon Məhkəməsinə müraciət edərək onun azyaşlı övladları 10.05.2010-cu il təvəllüdlü X2 və 17.01.2012-ci il təvəllüdlü X1 ilə birlikdə Abşeron rayonu Aşağı Güzdək qəsəbəsində yerləşən sənədsiz fərdi yaşayış evinə köçürülməsi barədə qətnamə çıxarılmasını xahiş etmişdir. Hazırki iş üzrə 13.12.2021-ci il tarixinə saat 15:00-a və 10.01.2022-ci il tarixinə saat 11:30-a təyin olunmuş məhkəmə iclasında iddiaçı iştirak etmiş, 01.02.2022-ci il tarixinə saat 10:30-a, 14.02.2022-ci il tarixinə saat 11:50-yə və 02.03.2022-ci il tarixinə saat 12:00a təyin olunmuş məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq tərəflər məhkəmə iclasına gəlməmiş və işə onların iştirakı olmadan baxılmasını məhkəmədən xahiş etməmişlər. Belə olan halda məhkəmə hesab edir ki, iş üzrə tərəflər məhkəmə iclasına gəlmədiyi üçün Azərbaycan Respublikasının Mülki Prosessual Məcəlləsinin (bundan sonra Mülki Prosessual Məcəllə adlanacaq) 259.0.6-cı maddəsinə əsasən iddia ərizəsi baxılmamış saxlanılmalıdır. Belə ki, qeyd olunan maddədə göstərilir ki, işə onların iştirakı olmadan baxmağı xahiş etməmiş tərəflər məhkəməyə gəlmədikdə, məhkəmə iddia ərizəsini baxılmamış saxlayır. Yuxarıda göstərilənlərə əsasən və Mülki Prosessual Məcəllənin 260.1, 260.6, 263, 264 və 268.1. maddələrini rəhbər tutaraq, məhkəmə QƏRARA ALDİ: İddiаçı İddiaçı Cavabdeh qarşı yaşayış sahəsinə istifadə qaydalarının müəyyən edilməsi və evə köçürülmə tələbinə dair iddia ərizəsi baxılmamış saxlanılsın. Qərardaddan rəsmi qaydada verildikdən sonra 10 (on) gün müddətində Abşeron Rayon Məhkəməsinə şikayət verilə bilər. Hakim: Habil Əhmədov