Ağdam Rayon Məhkəməsi Qərardad — İş №2(013)-2532/2024

Azərbaycan Respublikası adından QƏRARDAD Ağdam rayonu İş № 2(013)-2532/2024 19.12.2024 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi ilə, İddiaçı X1 cavabdeh Qarabağ regional Təhsil İdarəsinə qarşı işə bərpa tələbinə dair iddia ərizəsi üzrə mülki işə 19 dekabr 2024-cü ildə Ağdam rayonunun Quzanlı qəsəbəsində məhkəmənin binasında açıq məhkəmə iclasında baxaraq, müəyyənetdi: İddiaçı rayon məhkəməsinə ünvanladığı ərizəsində 15 saylı Ağdam rayon tam orta məktəbinin xx.xx.2024-cü il tarixli 22 nömrəli əmrinin ləğv edilərək əvvəlki işinə bərpa olunması barədə qətnamə çıxarılmasını xahiş etmişdir. İş üzrə məhkəmə baxışı 27 noyabr 2024-cü il tarixə saat 09:30-a Ağdam Rayon Məhkəməsinin binasına təyin edilmiş və bu barədə tərəflərə rəsmi məlumat verilmiş, lakin onlar heç bir səbəb göstərmədən məhkəmə iclasına gəlməmişlər. Məhkəmə işin baxılmasını 19 dekabr 2024cü il tarixə saat 09:10-a təxirə salaraq bu barədə tərəfləri lazımi qaydada xəbərdar etmiş,lakin onlar təkrarən məhkəmə baxışına gəlməmişlər. Ona görə də ərizə Azərbaycan Respublikasının Mülki Prosessual Məcəlləsinin 259.0.6-cı maddəsinə əsasən baxılmamış saxlanılmalıdır. Həmin maddədə nəzərdə tutulmuşdur ki, işə onların iştirakı olmadan baxmağı xahiş etməmiş tərəflər məhkəməyə gəlmədikdə, məhkəmə ərizəni baxılmamış saxlayır. Həmin Məcəllənin 185.4-cü maddəsinə əsasən tərəflər və yaxud iddiaçı məhkəmə baxışının vaxtı və yeri haqqında lazımi qaydada xəbərdar edildikdə, lakin onlar məhkəmə iclasına təkrarən gəlmədikdə məhkəmə həmin işə baxmağa haqlıdır. Belə hallarda bu Məcəllənin müvafiq olaraq 259.0.6 və 259.0.7-ci maddələri tətbiq edilir. Göstərilənləri nəzərə alaraq, Azərbaycan Respublikasının Mülki Prosessual Məcəlləsinin 263-264, 267 və 268-ci maddələrini rəhbər tutaraq, məhkəmə qəraraaldı: İddiaçı X1 cavabdeh Qarabağ regional Təhsil İdarəsinə qarşı işə bərpa tələbinə dair iddia ərizəsi baxılmamış saxlanılsın. Qərardaddan onun rəsmi qaydada verildiyi gündən 10 gün müddətində Ağdam Rayon Məhkəməsinə şikayət verilə bilər. Qərardad müşavirə otağında kompüterdə hazırlanmışdır. Sədrlik edən Mahir Niftəliyev