Ağdam Rayon Məhkəməsi Qərardad — İş №2(013)-3942/2025

Azərbaycan Respublikası adından QƏRARDAD Ağdam rayonu İş № 2(013)-3942/2025 18.02.2026 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi ilə, Ərizəçi mirasın qəbul edilməsi müddətinin uzadılması barədə mülki işə 18 fevral 2026-cı ildə Ağdam rayonunun Quzanlı qəsəbəsində məhkəmənin binasında açıq məhkəmə iclasında baxaraq, müəyyənetdi: Ərizəçi rayon məhkəməsinə ünvanladığı ərizəsində nənəsi X1 miras qalmış Ağdam rayonu, Evoğlu kəndi ərzisində 0,25 ha torpaq sahəsi və həmin torpaq sahəsi üzərində ümumi sahəsi 80 kv/m yaşayış evindən ibarət miras əmlakın tərəfindən qəbul edilməsi müddətinin uzadılması faktının müəyyən edilməsinə dair qətnamə çıxarılmasını xahiş etmişdir. İş üzrə məhkəmə baxışı 18 fevral 2026-cı il tarixə saat 12:15-ə Ağdam Rayon Məhkəməsinin binasına təxirə salınmış və bu barədə ərizəçiyə və maraqlı şəxslərə rəsmi qaydada məlumat verilməsinə baxmayaraq onlar məhkəmə iclasına gəlməmişlər. Ona görə də ərizə Azərbaycan Respublikasının Mülki Prosessual Məcəlləsinin 259.0.6-cı maddəsinə əsasən baxılmamış saxlanılmalıdır. Həmin maddədə nəzərdə tutulmuşdur ki, işə onların iştirakı olmadan baxmağı xahiş etməmiş tərəflər məhkəməyə gəlmədikdə, məhkəmə ərizəni baxılmamış saxlayır. Azərbaycan Respublikasının Mülki Prosessual Məcəlləsinin 114.1.5-ci maddəsinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa dövlət rüsumu qaytarılır. Göstərilənləri nəzərə alaraq, Azərbaycan Respublikasının Mülki Prosessual Məcəlləsinin 259, 263,264,267 və 268-ci maddələrini rəhbər tutaraq, məhkəmə qəraraaldı: Ərizəçi mirasın qəbul edilməsi müddətinin uzadılması tələbi barədə ərizəsi baxılmamış saxlanılsın. İddiaçı Ərizəçi dövlət rüsumu kimi xx.xx.2025-ci il tarixdə saat 11:35-də "xxxx" ASC vasitəsi ilə ödədiyi 100 (yüz) manat (Qəbz nömrəsi: **********, Büdcə səviyyə kodu: 142213) geri qaytarılsın. Qərardaddan onun rəsmi qaydada verildiyi gündən 10 gün müddətində Ağdam Rayon Məhkəməsinə şikayət verilə bilər. Qərardad müşavirə otağında kompüterdə hazırlanmışdır. Sədrlik edən Mahir Niftəliyev