Ağdaş Rayon Məhkəməsi Qərardad — İş №2(014)-1640/2021

Azərbaycan Respublikası adından QƏRARDAD Ağdaş rayonu İş № 2(014)-1640/2021 05.07.2021 AĞDAŞ RAYON MƏHKƏMƏSİ Ağdaş Rayon Məhkəməsinin hakimi Sultanov Cavid Rizvan oğlu, İddiaçı cavabdeh Daşınmaz Əmlakın Kadastrı və Ünvan Reyestri Xidmətinin Kadastr və Yerquruluşu Layihə Tədqiqat Mərkəzinin 17 saylı Layihə Tədqiqat İdarəsinə qarşı xüsusi mülkiyyətdə olan kənd təsərrüfatı təyinatlı torpaq sahəsinin döngə nöqtələrinin yerində (naturada) ölçülərək tanıdılması tələbinə dair iddia ərizəsinə baxaraq, MÜƏYYƏN ETDİ: İddiaçı cavabdeh Daşınmaz Əmlakın Kadastrı və Ünvan Reyestri Xidmətinin Kadastr və Yerquruluşu Layihə Tədqiqat Mərkəzinin 17 saylı Layihə Tədqiqat İdarəsinə qarşı xüsusi mülkiyyətdə olan kənd təsərrüfatı təyinatlı torpaq sahəsinin döngə nöqtələrinin yerində (naturada) ölçülərək tanıdılması tələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi yolverilməzliyinə görə qəbul olunmasından imtina olunmalıdır. Azərbaycan Respublikası Mülki Prosessual Məcəlləsinin 153.2.1-ci maddəsinin tələbinə əsasən iddia ərizəsinə məhkəmə qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. Belə ki, Azərbaycan Respublikasının Mülki Prosessual Məcəlləsinin 25-ci maddəsinə əsasən sahibkarlıq fəaliyyətinin həyata keçirilməsi ilə əlaqədar olmayan mübahisələrə dair işlərə mülki məhkəmə icraatı qaydasında ümumi məhkəmələr baxır. Ümumi məhkəmələr bu Məcəllənin 26.2-ci maddəsində nəzərdə tutulmuş hallar istisna olmaqla, bu Məcəllənin 305-ci maddəsində göstərilən xüsusi icraat işlərinə və qanunla onların səlahiyyətlərinə aid edilən digər işlərə də baxırlar. İddia ərizəsindən görünür ki, iddiaçı tərəfindən irəli sürülmüş tələb Azərbaycan Respublikasının Mülki Prosessual Məcəlləsinin 25.1-ci maddəsində göstərilən münasibətlərin dairəsinə daxil deyil. Azərbaycan Respublikası Prezidentinin 2015-ci il 4 may tarixli 516 nömrəli Fərmanı ilə təsdiq edilmiş Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Kadastrı və Ünvan Reyestri Xidməti haqqında Əsasnaməsinin 3.0.11ci bəndinə əsasən torpaq sahəsinin planının və ölçüsünün tərtib edilməsini təmin etmək bu Əsasnamə ilə müəyyən olunmuş fəaliyyət istiqamətlərinə uyğun olaraq xidmətin vəzifəsidir. Belə olan halda məhkəmə hesab edir ki, iddia ərizəsinin qəbulundan imtina edilməli, iddia ərizəsi ona əlavə edilmiş sənədlərlə birlikdə iddiaçıya geri qaytarılmalı və ona izah edilməlidir ki, hazırkı mübahisə ilə bağlı “İnzibati icraat” haqqında Azərbaycan Respublikası Qanununa müvafiq olaraq inzibati qaydada səlahiyyətli orqana (Daşınmaz Əmlakın Kadastrı və Ünvan Reyestri Xidmətinin müvafiq ərazi idarəsinə) müraciət etmək hüququna malikdir. Qeyd olunanlara əsasən və Azərbaycan Respublikası Mülki Prosessual Məcəlləsinin 153.2.1, 153.3 və 263-264-cü maddələrini rəhbər tutaraq, QƏRARA ALDİ: İddiaçı cavabdeh Daşınmaz Əmlakın Kadastrı və Ünvan Reyestri Xidmətinin Kadastr və Yerquruluşu Layihə Tədqiqat Mərkəzinin 17 saylı Layihə Tədqiqat İdarəsinə qarşı xüsusi mülkiyyətdə olan kənd təsərrüfatı təyinatlı torpaq sahəsinin döngə nöqtələrinin yerində (naturada) ölçülərək tanıdılması tələbinə dair iddia ərizəsinin qəbulundan imtina edilsin və iddia ərizəsi ona əlavə edilmiş sənədlərlə birlikdə iddiaçıya geri qaytarılsın. İddiaçıya hazırkı iddia ərizəsində göstərilən məsələ ilə bağlı səlahiyyətli orqana (Daşınmaz Əmlakın Kadastrı və Ünvan Reyestri Xidmətinin müvafiq ərazi idarəsinə) müraciət etmək hüququ izah edilsin. Qərardaddan 10 (on) gün müddətində Ağdaş Rayon Məhkəməsinə şikayət verilə bilər. Hakim Cavid Sultanov