Ağdaş Rayon Məhkəməsi Qərardad — İş №2(014)-2113/2020

Azərbaycan Respublikası adından QƏRARDAD Ağdaş rayonu İş № 2(014)-2113/2020 26.11.2020 AĞDAŞ RAYON MƏHKƏMƏSİ Mən, Ağdaş rayon məhkəməsinin hakimi Əliyev Nizam Mübariz oğlu Ərizəçi Maraqlı şəxs qismində cəlb etdiyi maraqlı orqana qarşı “doğum faktının müəyyən edilməsinə “ dair ərizəsinə və ona əlavə edilmiş sənədlərə baxaraq MÜƏYYƏN ETDİM: Ərizəçi Maraqlı şəxs qismində cəlb etdiyi maraqlı orqana qarşı “doğum faktının müəyyən edilməsinə “ dair ərizə ilə məhkəməyə müraciət edərək xx xxxxxx 1961-ci il tarixdə anadan olması faktının müəyyən edilməsini xahiş etmişdir. Məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ərizədə həmin faktın müəyyən edilməsinin ərizəçiyə nə məqsəd üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasının mümkünsüzlüyünü təsdiq edən sübutlar göstərilməlidir. (AR MPM 308; 310.1 ) Azərbaycan Respublikası Mülki Prosessual Məcəlləsinin 306.1-ci maddəsinə əsasən Məhkəmələr tərəfindən xüsusi icraat işlərinə, bu Məcəllənin 30-40-6-cı fəsillərində müəyyən edilmiş xüsusiyyətlərlə, iddia icraatı qaydasında baxılır Həmin Məcəllənin 13.4-cü maddəsinə əsasən barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizə bu Məcəllənin tələblərinə riayət edilməklə verildikdə onun məhkəmə icraatı mümkündür. Hesab edirəm ki, ərizəçi tərəfindən verilmiş ərizə Azərbaycan Respublikası Mülki Prosessual Məcəlləsinin 149-cu maddəsi ilə müəyyən olunmuş formasına və məzmununun tələblərinə cavab vermədiyindən həmin Məcəllənin 152.1.1-ci maddəsinin tələblərinə uyğun olaraq geri qaytarılmalıdır. Belə ki, ərizəçi tərəfindən verilmiş ərizədə təsviri və nəticə hissəsində ziddiyyət mövcuddur. Təsviri hissədə X1 ölümün qeyd edilmə faktının müəyyən edilməsini xahiş etsə də, nəticə hissəsində Ərizəçi xx xxxxxx 1961-ci il tarixində anadan olması faktının müəyyən edilməsini xahiş etmişdir. Bundan əlavə ərizəçi doğumun müəyyən edilməsi faktının ona nə məqsədlə lazım olduğunu əsaslandırmamışdır Ərizəçiyə izah edilməlidir ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıdakılara əsasən və Azərbaycan Respublikası Mülki-Prosessual Məcəlləsinin 152, 263, 264, 267 və 268-ci maddələrini rəhbər tutaraq QƏRARA ALDİM: Ərizəçi Maraqlı şəxs qismində cəlb etdiyi maraqlı orqana qarşı “doğum faktının müəyyən edilməsinə “ dair ərizəsi və ona əlavə olunmuş sənədlər geri qaytarılsın. Ərizəçiyə izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad tərəflərə rəsmi qaydada verildikdən sonra ondan 10 (on) gün müddətində Ağdaş rayon məhkəməsinə şikayət verilə bilər. Sədrlik edən Nizam Əliyev