Ağcabədi Rayon Məhkəməsi Qərardad — İş №2(017)-2222/2025

Azərbaycan Respublikası adından QƏRARDAD Ağcabədi rayonu İş № 2(017)-2222/2025 22.09.2025 AĞCABƏDİ RAYON MƏHKƏMƏSİ Hakim Ləzimov Sulduz Paşa oğlunun sədrirliyi, Paşayev Babək Zahid oğlunun katibliyi və Cavabdeh nümayəndəsi X1 İddiaçı Cavabdehnə qarşı Ağcabədi rayon Kommunal Xidməti və Mənzil İstismar İdarəsinin xx.xx.2024-cü il tarixli Əmək müqaviləsinə xitam verilməsi haqqında 135 saylı əmirin ləğv edilməsi və işə bərpa tələbinə dair iddiası üzrə mülki işə baxaraq, MÜƏYYƏN ETDİ: İddiaçı Cavabdehnə qarşı Ağcabədi rayon Kommunal Xidməti və Mənzil İstismar İdarəsinin xx.xx.2024-cü il tarixli Əmək müqaviləsinə xitam verilməsi haqqında 135 saylı əmirin ləğv edilməsi və işə bərpa tələbinə dair iddia ərizəsi ilə məhkəməyə müraciət etmişdir. İddiaçı məhkəmə baxış iclasının vaxtı və yeri barədə lazımi qaydada məlumatlandırılmasına baxmayaraq, mülki iş üzrə iddiaçı məhkəmə baxış iclasına gəlməmiş və gəlməməsinin üzrlü səbəbləri barədə məlumat verməmiş, həmçinin işə onun iştirakı olmadan baxılmasını xahiş etməmişdir. Məhkəmə baxış iclasında Cavabdeh nümayəndəsi X1 işə mahiyyəti üzrə baxılmasına təkid etmədiyini bildirib və iddia ərizəsinin baxılmamış saxlanılmasını etiraz etmədiyini bildirdi. Məhkəmə hesab edir ki, hazırki iş üzrə iddia ərizəsi baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 259.0.7-ci maddəsinə əsasən işə onun iştirakı olmadan baxmağı xahiş etməmiş iddiaçı məhkəmənin birinci çağırışına gəlmədikdə, cavabdeh isə işin mahiyyəti üzrə baxılmasını tələb etmədikdə, məhkəmə ərizəni baxılmamış saxlayır. Məhkəmə hesab edir ki, iddiaçı məhkəmə iclasına gəlmədiyindən, cavabdeh isə işə mahiyyəti üzrə baxılmasını tələb etmədiyindən iddia ərizəsi baxılmamış saxlanmalıdır. Məhkəmə qeyd olunanlara əsaslanaraq və Azərbaycan Respublikasının MPM-nin 259, 260, 263-264, 267-268-ci maddələrini rəhbər tutaraq QƏRARA ALDİ: İddiaçı Cavabdehnə qarşı Ağcabədi rayon Kommunal Xidməti və Mənzil İstismar İdarəsinin xx.xx.2024-cü il tarixli Əmək müqaviləsinə xitam verilməsi haqqında 135 saylı əmirin ləğv edilməsi və işə bərpa tələbinə dair mülki iş baxılmamış saxlanılsın. İddiaçıya izah edilsin ki, o, məhkəmə iclasında iştirak etməməsinin və bu haqda məlumat verməməsinin üzürlü səbəbdən baş verməsi haqqında sübutlar təqdim edərsə, bu Məcəllənin 259.0.7-ci maddəsində göstərilən əsaslarla ərizənin baxılmamış saxlanılması barədə qərardad ləğv oluna bilər. Qərardad tərəflərə rəsmi qaydada verildikdən sonra ondan 10 (on) gün müddətində Ağcabədi Rayon Məhkəməsinə şikayət verilə bilər. Sədrlik edən Sulduz Ləzimov