Astara Rayon Məhkəməsi Qərardad — İş №2(018)-808/2024

Azərbaycan Respublikası adından QƏRARDAD Astara rayonu İş № 2(018)-808/2024 29.08.2024 ASTARA RAYON MƏHKƏMƏSİ X3 Aslan oğlunun sədrliyi, Qafarov Elvin Namik oğlunun katibliyi, Cavabdeh2 iştirakı ilə, İddiaçılar X2, İddiaçı2, İddiaçı3 cavabdehlər Cavabdeh2 və Cavabdeh1 qarşı “mülkiyyətçinin payının real surətdə ayrılması mümkün olmadığına görə paylı mülkiyyətçinin razılığı olmadan kompensasiya verilməsi” tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə müəyyən etdi: İddiaçılar X2, İddiaçı2, İddiaçı3 cavabdehlər Cavabdeh2 və Cavabdeh1 qarşı “mülkiyyətçinin payının real surətdə ayrılması mümkün olmadığına görə paylı mülkiyyətçinin razılığı olmadan kompensasiya verilməsi” tələbinə dair iddia ərizəsi ilə Astara Rayon Məhkəməsinə müraciət etmişlər. 29 avqust 2024-cü il tarixə təyin edilmiş məhkəmə iclasının yeri və vaxtı haqqında müvafiq qaydada xəbərdar olunmuş iddiaçılar X1, İddiaçı2, İddiaçı3 məhkəmə iclasına gəlməmişlər və gəlməmələrinə dair rəsmi sənəd təqdim etməmişlər. Məhkəmədə iş üzrə Cavabdeh2 onlara qarşı verilmiş iddia ərizəsi üzrə mülki işin mahiyyəti üzrə baxılmasını tələb etmədi və işin baxılmamaış saxlanmasını məhkəmədən xahiş etdi. Azərbaycan Respublikası Mülki Prosessual Məcəlləsinin 259.0.7-ci maddəsinə görə, işə onun iştirakı olmadan baxmağı xahiş etməmiş iddiaçı məhkəmənin birinci çağırışına gəlmədikdə, cavabdeh isə işin mahiyyəti üzrə baxılmasını tələb etmədikdə məhkəmə ərizəni baxılmamış saxlayır. Məhkəmə Azərbaycan Respublikası Mülki Prosessual Məcəlləsinin 259.0.7-ci maddəsinə əsasən hesab edir ki, hazırki 2(018)-808/2024 saylı mülki iş üzrə iddia ərizəsi baxılmamış saxlanılmalıdır. Yuxarıda göstərilənlərə əsasən və Azərbaycan Respublikası MPM-nin 259.0.7, 263-264 və 266-268-ci maddələrini rəhbər tutaraq, məhkəmə qərara aldı: İddiaçılar X2, İddiaçı2, İddiaçı3 cavabdehlər Cavabdeh2 və Cavabdeh1 qarşı “mülkiyyətçinin payının real surətdə ayrılması mümkün olmadığına görə paylı mülkiyyətçinin razılığı olmadan kompensasiya verilməsi” tələbinə dair iddia ərizəsi baxılmamış saxlanılsın. İddiaçılar X2, İddiaçı2 və İddiaçı3 izah edilsin ki, onlar, məhkəmə iclasında iştirak etməməsinin və bu haqda məlumat verməməsinin üzürlü səbəbdən baş verməsi haqqında sübutlar təqdim edərlərsə, Azərbaycan Respublikası Mülki Prosessual Məcəlləsinin 259.0.7-ci maddəsində göstərilən əsaslarla ərizənin baxılmamış saxlanılması barədə qərardad ləğv oluna bilər. Qərardaddan, qərardad rəsmi qaydada verildiyi vaxtdan 10 gün müddətində Astara Rayon Məhkəməsinə şikayət verilə bilər. Sədrlik edən: İlqar Məmmədov