Beyləqan Rayon Məhkəməsi Qərardad — İş №2(020)-1385/2023

Azərbaycan Respublikası adından QƏRARDAD Beyləqan rayon İş № 2(020)-1385/2023 04.08.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Ramiz Vəliş oğlu Nurullayevin sədrliyi, Quliyev Zaur Qulu oğlunun katibliyi, İddiaçı- Məmmədova (Sadıqova) Sevinc Zahid qızının iştirakı ilə, İddiaçı Məmmədova (Sadıqova) Sevinc Zahid qızının cavabdehlər Cavabdeh3, Cavabdeh2 və Xəlilova (Sadıqova) Xeyrənsə Zahid qızına qarşı pay və həyətyanı torpaq sahəsinin naturada ayrılaraq ona verilməsi tələbinə dair mülki işə açıq məhkəmə iclasında baxaraq, Müəyyən etdim: İddiaçı cavabdehlər Cavabdeh3, Cavabdeh2 və Xəlilova (Sadıqova) Xeyrənsə Zahid qızına qarşı pay və həyətyanı torpaq sahəsinin naturada ayrılaraq ona verilməsi tələbinə dair ərizə ilə məhkəməyə müraciət etmişdir. İddiaçı məhkəməyə ərizə təqdim edərək, hazırki mülki iş üzrə iddia ərizəsinin baxılmamış saxlanılmasını xahiş etdi. Cavabdehlərə məhkəmə iclasının vaxtı və yeri haqqında lazımi qaydada məlumat verilmiş, lakin heç bir üzürlü səbəb olmadan hazırki məhkəmə iclasına gəlməmiş vəya nümayəndələrini göndərməmiş və işə onun iştirakı olmadan mahiyyəti üzrə baxılması barədə məhkəməyə məlumat verməmişlər. Azərbaycan Respublikası MPM-nin 259.0.11-ci maddəsində göstərilir ki, iddiaçı tərəfindən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılır. İş üzrə cavabdehlər məhkəmə iclasına gəlməmişlər, mahiyyəti üzrə işə baxılmasını tələb etməmişlər. Ona görə də məhkəmə hesab edir ki, iddia ərizəsi baxılmamış saxlanılmalıdır. İddiaçıya adı çəkilən məcəllənin 260.4-cü maddəsinin tələbləri izah edilməlidir ki, iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qeyd edilənlərə əsasən və Azərbaycan Respublikası MPM-nin 263-264 və 268.1-ci maddələrini rəhbər tutaraq məhkəmə Qərara aldı: İddiaçı cavabdehlər Cavabdeh3, Cavabdeh2 və Xəlilova (Sadıqova) Xeyrənsə Zahid qızına qarşı pay və həyətyanı torpaq sahəsinin naturada ayrılaraq ona verilməsi tələbinə dair ərizəsi baxılmamış saxlanılsın. İddiaçının dövlət rüsumu kimi ödəmiş olduğu 100 manat pul iddiaçılara geri qaytarılsın. İddiaçılara izah edilsin ki, ərizənin baxılmamış saxlanmasına səbəb olan şərait aradan qaldırıldıqdan sonra ümumi qaydada ərizə ilə yenidən məhkəməyə müraciət edə bilər Qərardaddan onun sürəti tərəfə rəsmi qaydada verildiyindən sonra 10 gün müddətində Beyləqan rayon məhkəməsinə şikayət verilə bilər Hakim: Ramiz Nurullayev