Bərdə Rayon Məhkəməsi Qərardad — İş №2(021)-2952/2025

Azərbaycan Respublikası adından QƏRARDAD Bərdə rayonu İş № 2(021)-2952/2025 10.07.2025 BƏRDƏ RAYON MƏHKƏMƏSİ Bərdə Rayon Məhkəməsinin hakimi Abdullayev Ziya Yaşar oğlu, İddiaçı cavabdeh Bərdə rayon İcra və Probasiya qarşı “hərəkətsizliyin qanunsuz hesab edilməsi” tələbinə dair iddia ərizəsinə baxaraq, məhkəmə Müəyyənetdim: İddiaçı iddia ərizəsi ilə məhkəməyə müraciət edərək, məhkəmədən Cavabdeh icra məmuru X1 icra sənədinin icra olunması ilə bağlı hərəkətsizliyinin qanunsuz hesab edilməsi barədə qərar çıxarılmasını xahiş etmişdir. Ərizəsini və ona əlavə edilmiş sənədləri nəzərdən keçirib hesab edirəm ki, aşağıda göstərilənlərə əsasən ərizə geri qaytarılmalıdır. Ərizəsindən və ona əlavə edilmiş sənədlərdən görünür ki, ərizəsi Azərbaycan Respublikasının Mülki Prosessual Məcəlləsinin (bundan sonra Azərbaycan Respublikası MPM və ya MPM) 149-cu maddəsinin tələbləri pozulmaqla tərtib edilmiş və məhkəməyə ünvanlanmışdır. Belə ki, hal-hazırki ərizə iddia icraatı qaydasında deyil, məhkəmə nəzarəti qaydasında tərtib olunmalı olduğu halda sözügedən tələb pozulmuşdur. Azərbaycan Respublikası MPM-nin 152.1 və 152.1.1-ci maddələrinə görə, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. 152.3-cü maddəsinə əsasən, iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. İstinad edilən qanunvericilik normalarının tələblərinə əsasən İddiaçı cavabdeh Bərdə rayon İcra və Probasiya qarşı “hərəkətsizliyin qanunsuz hesab edilməsi” tələbinə dair iddia ərizəsi geri qaytarılmalıdır. Şərh olunanlara əsasən və Azərbaycan Respublikasının MPM-nin 149-152-ci maddələrini rəhbər tutaraq, məhkəmə Qərarverdim: İddiaçı cavabdeh Bərdə rayon İcra və Probasiya qarşı “hərəkətsizliyin qanunsuz hesab edilməsi” tələbinə dair iddia ərizəsi geri qaytarılsın. Qərardaddan 10 gün müddətinə yazılı şəkildə qərardadı qəbul edən məhkəməyə şikayət verilə bilər. Hakim: Ziya Abdullayev