Bərdə Rayon Məhkəməsi Qətnamə — İş №2(021)-798/2021

Azərbaycan Respublikası adından QƏTNAMƏ Bərdə rayonu İş № 2(021)-798/2021 14.07.2021 BƏRDƏ RAYON MƏHKƏMƏSİ Hakim Əbilov Qamət Mehman oğlunun sədrliyi, Abbasov Yasin Rafiq oğlunun katibliyi ilə, Ərizəçi qızının iştirakı ilə, Ərizəçi Ərizəçi qızının maraqlı şəxs Bərdə rayon Qeydiyyat Şöbəsinə qarşı “hüquqi əhəmiyyətli faktın müəyyən edilməsi” barədə ərizəsi üzrə mülki işə Bərdə Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN E T D İ: Ərizəçi qızı maraqlı şəxs Bərdə rayon Qeydiyyat Şöbəsinə qarşı ərizə ilə məhkəməyə müraciət edərək, 05 sentyabr 2019-cu il tarixdə Bərdə rayonunda anadan olmuş X10 oğlunun doğum faktının müəyyən edilməsinə, atasının X10 oğlu, anasının Ərizəçi qızı olmasına dair qətnamə qəbul olunmasını xahiş etmişdir. Ərizəçi ərizəsini onunla əsaslandırmışdır ki, X12 oğlu ilə 2018-ci ildə qeyri-rəsmi olaraq ailə qurmuşlar. Nikahlarnı 05.01.2021-ci il tarixdə rəsmiləşdirmişlər. Birgə nikahlarından 05.09.2019-cu il təvəllüdlü Orxan adlı bir uşaqları anadan olmuşdur. Lakin bu günə qədər doğum haqqında şəhadətnamə ala bilməmişlər. Bu barədə Bərdə rayon Qeydiyat Şöbəsinə müraciət etdikdə məhkəməyə müraciət etmələri məsləhət görülmüşdür. Göstərilənləri nəzərə alaraq ərizəsinin təmin olunmasını xahiş etmişdir. Məhkəmə iclasında ərizəçi Ərizəçi qızı ərizəsini müdafiə edərək, təmin olunmasını məhkəmədən xahiş etdi. Məhkəmə iclasının yeri və vaxtı barədə lazımi qaydada xəbərdar edilməsinə baxmayaraq maraqlı şəxs Bərdə rayon Qeydiyyat şöbəsi məhkəmə iclasına nümayəndəsi gəlməmişdir. Azərbaycan Respublikası Mülki Prosessual Məcəlləsinin 185.6-cı maddəsinin tələblərinə görə işdə iştirak edən şəxsin nümayəndəsinin gəlməməsi işə baxmağa mane olmur. Şərh olunan prosessual hüquq normasına əsaslanaraq məhkəmə işə maraqlı şəxs nümayəndəsinin iştirakı olmadan baxılmasını mümkün sayır. Məhkəmə ərizəçinin izahatını iş üzrə təqdim olunmuş digər sübutlarla yanaşı yoxlayaraq belə hesab edir ki, aşağıda göstərilənlərə əsasən ərizə təmin edilməlidir. Belə ki, iş materiallarına əlavə edilmiş Seriya AA 21446716 saylı şəxsiyyət vəsiqəsinin surətindən müəyyən olunur ki, Ərizəçi xx.xx.2002-ci il tarixdə anadan olmuşdur. İş materiallarına əlavə edilmiş Seriya AZE № 16040855 saylı şəxsiyyət vəsiqəsinin surətindən müəyyən olunur ki, X6 01.04.1989-cu il tarixdə Bərdə rayon Dəymədağıldı kəndində anadan olmuşdur. Bərdə rayon Dəymədağıldı kəndində qeydiyyatdadır. İş materiallarına əlavə edilmiş Bərdə rayon İcra Hakimiyyəti Başçısının Şirvanlı kənd inzibati ərazi dairəsi üzrə nümayəndəliyi tərəfindən verilmiş 41 saylı arayışdan görünür ki, X6 Bərdə rayon Dəymədağıldı kəndində yaşayır. İş materiallarına əlavə edilmiş AZ-İİ № 412682 saylı nikah haqqında şəhadətnamədən görünür ki, X6 ilə Ərizəçi qızı 05.01.2021-ci il tarixdə Bərdə Regional “ASAN Xidmət” X7 nikah bağlamışlar. Nikah bağlandıqdan sonra arvada Mustafayeva soyadı verilmişdir. İş materiallarına əlavə edilmiş Bərdə rayon Mərkəzi Xəstəxanası tərəfindən verilmiş 253 saylı arayışda Ərizəçi qızının 27.03.2019-cu il tarixdə USM –dən keçərkən 11-12 həfttəlik hamilə olduğu qeyd olunmuşdur. İş materiallarına əlavə edilmiş Bərdə rayon X4 tərəfindən verilmiş Tibbi Arayışda qeyd olunur ki, Mustafazadə ........ Sərxan oğluna ”sağlam” diaqnozu qoyulmuşdur. İş materiallarına əlavə edilmiş Bərdə Rayon Qeydiyyat Şöbəsi tərəfindən verilmiş 15.01.2021-ci il tarixli məktubdan görünür ki, Ərizəçi doğumun qeydə alınması barədə həmin orqana müraciət etmiş, lakin ərizəsi təmin olunmamış və məhkəməyə müraciət etməsi məsləhət görülmüşdür. İş materiallarına əlavə edilmiş ərizədən görünür ki, X6 X3 atası olmasını etiraf etmişdir. İş materiallarına əlavə edilmiş qəbzdən görünür ki, ərizəçi tərəfindən 10 manat dövlət rüsumu ödənilmişdir. Məhkəmə iclasında iştirak edən X6 ərizə təqdim edərək bildirdi ki, Ərizəçi ilə 2018ci il el adəti ilə evlənmişlər, nikahlarını 2021-ci ildə rəsmiləşdirmişlər. Onların birgə nikahlarından Orxan adlı övladıları vardır. Lakin bu günə qədər doğum haqqında şəhadətnamə almamışlar. Ərizəçi ərizəsinin təmin olunmasını xahiş etdi. Məhkəmə iclasında şahid qismində iştirak edən X8 bildirdi ki, Ərizəçi onun qızıdır. O, X6 ilə evlidir. Onların 05.09.2019-cu ildə Orxan adlı uşaqları anadan olmuşdur. Uşaq xəstəxanada doğulmuşdur. Məhkəmə iclasında şahid qismində iştirak edən X15 qızı bildirdi ki, Ərizəçi onun qaynı qızıdır. O, X6 ilə evlidir. Onların 05.09.2019-cu ildə Orxan adlı uşaqları anadan olmuşdur. Uşaq xəstəxanada doğulmuşdur. Beləliklə, məhkəmə tərəfindən tədqiq olunmuş sübutlarla müəyyən olundu ki, ərizəçi Ərizəçi qızı ilə X6 qeyri- rəsmi olaraq ailə qurmuşlar. Nikahlarını 05.01.2021-ci il tarixdə rəsmiləşdirmişlər. Birgə nikahlarından 05.09.2019-cu il təvəllüdlü Orxan adlı uşaqları anadan olmuşdur. Azərbaycan Respublikasının Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Bu Məcəllənin 307.2.5-ci maddəsinə əsasən məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsinə dair işlərə baxır. Azərbaycan Respublikasının Mülki Prosessual Məcəlləsinin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Mülki Prosessual Məcəllənin 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Mülki Prosessual Məcəllənin 13.4-cü maddəsinə əsasən, brəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Məhkəmə yuxarıda qeyd olunan maddələrin tələblərinə əsasən və araşdırılmış sübutların məcmuuna qiymət verərək belə hesab edir ki, X5 05 sentyabr 2019-cu il tarixdə Bərdə rayonunda anadan olmuşdur. X2, anası Ərizəçi qızıdır. X3 doğum tarixinin “05 sentyabr 2019-cu il, doğum yerinin Bərdə rayonu olması faktı müəyyən edilməli, doğum haqqında şəhadətnamədə ata adı X6, ana adı Ərizəçi qızı kimi qeyd olunmalıdır. Bundan başqa məhkəmə hesab edir ki, Azərbaycan Respublikası MPM-in 119-cu maddəsinə əsasən iş üzrə ödənilmiş dövlət rüsumu Ərizəçi qızına aid edilməlidir. Müki Prosessual Məcəllənin 9.1, 9.3, 14.2, 88, 217.1, 218.1, 218.3 və 220.4-cü maddələrinə görə hər hansı mübahisənin qanuni və əsaslı həlli üçün məhkəmə baxışı zamanı məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli olan hüquq normalarına müvafiq qiymət verməlidir. Məhkəmənin qətnaməsi qanuni və əsaslı olmalıdır. Hakim işdə iştirak edən şəxslərin verdiyi tələblər üzrə qətnamə çıxarır. Qətnamə çıxarıldıqda hakim sübutları qiymətləndirir, iş üçün əhəmiyyətli olan nə kimi halların müəyyən edildiyini, nə kimi halların müəyyən edilmədiyini, tərəflərin hansı hüquqi münasibətdə olmalarını, həmin iş üzrə hansı qanunun tətbiq edilməli olduğunu və iddianın təmin olunub-olunmadığını müəyyən etməlidir. Mülki Prosessual Məcəllənin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Mülki Prosessual Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanlara əsasən və Azərbaycan Respublikası Mülki Prosessual Məcəlləsinin 216-220, 227, 307, 308-ci maddələrini rəhbər tutaraq, məhkəmə QƏT ETDİ: Ərizə təmin edilsin. X3 05 sentyabr 2019-cu ildə Bərdə rayonunda anadan olması faktı müəyyən edilsin. Doğum haqqında şəhadətnamədə X3 ata adı X6, ana adı Ərizəçi qızı kimi yazılması qeyd olunsun. İş üzrə ödənilmiş 10 (on) manat dövlət rüsumu Ərizəçi qızına aid edilsin. Qətnamədən rəsmi qaydada verildiyi gündən 1 (bir) ay müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir.