Qazax Rayon Məhkəməsi Qərardad — İş №2(023)-571/2023

Azərbaycan Respublikası adından QƏRARDAD Qazax rayon İş № 2(023)-571/2023 17.03.2023 QAZAX RAYON MƏHKƏMƏSİ Hakim Məmmədov Fəxri Afiq oğlu, İddiaçı cavabdeh Azərbaycan Meliorasiya və X1 Səhmdar Cəmiyyətinə qarşı “AMSTC-nin üzərində yaşadıqları mülkiyyətin rəsmi olaraq Dövlət RX qeydiyyatına alınması və rəsmiləşdirilməsi üçün göstərişin verilməsi öhdəliyinin qoyulması ” tələbinə dair iddia ərizəsini və ona əlavə edilmiş sənədləri nəzərdən keçirərək, müəyyənetdi: İddiaçı cavabdeh Azərbaycan Meliorasiya və X1 Səhmdar Cəmiyyətinə qarşı iddia ərizəsi ilə məhkəməyə müraciət edərək, cavabdeh AMSTC-nin üzərinə yaşadığı mülkiyyətin rəsmi olaraq Dövlət RX qeydiyyatına alınması və adlarına rəsmiləşdirilməsi üçün göstərişin verilməsi və öhdəliyinin qoyulması barədə qərar qəbul edilməsini xahiş etmişdir. İddia ərizəsinin mümkünlüyündən bəhs edən Azərbaycan Respublikası Mülki Prosessual Məcəlləsinin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Belə ki, iddia ərizəsinin məzmunundan görünür ki, iddiaçı məhkəmənin adını Qazax Rayon Məhkəməsinin İnzibati Kollegiyası kimi göstərmiş, həmçinin iddiaçı iddia ərizəsində qeydiyyat ünvanını göstərməmişdir. Həmin Məcəllənin 149.2.2-ci maddəsinin göstərişinə əsasən iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur (MPM 152.4-cü maddə). Məhkəmə hesab edir ki, qanunvericiliyin göstərilən tələbinə əməl olunmadığı üçün İddiaçı cavabdeh Azərbaycan Meliorasiya və X1 Səhmdar Cəmiyyətinə qarşı “AMSTCnin üzərində yaşadıqları mülkiyyətin rəsmi olaraq Dövlət RX qeydiyyatına alınması və rəsmiləşdirilməsi üçün göstərişin verilməsi öhdəliyinin qoyulması ”dair iddia ərizəsi geri qaytarılmalı və göstərilən nöqsan aradan qaldırıldıqdan sonra iddiaçıya təkrarən məhkəməyə müraciət etmək hüququ izah olunmalıdır. Göstərilənlərə əsaslanaraq və Azərbaycan Respublikası Mülki-Prosessual Məcəlləsinin 152, 263 və 264-cü maddələrini rəhbər tutaraq, məhkəmə qəraraaldı: İddiaçı cavabdeh Azərbaycan Meliorasiya və X1 Səhmdar Cəmiyyətinə qarşı “AMSTC-nin üzərində yaşadıqları mülkiyyətin rəsmi olaraq Dövlət RX qeydiyyatına alınması və rəsmiləşdirilməsi üçün göstərişin verilməsi öhdəliyinin qoyulması ” tələbinə dair iddia ərizəsi ona əlavə edilmiş sənədlərlə birlikdə geri qaytarılsın. İddiaçı izah edilsin ki, qərarın təsviri hissəsində göstərilən nöqsan aradan qaldırıldıqdan sonra təkrarən ümumi qaydada iddia ərizəsi ilə məhkəməyə müraciət edə bilər. Qərardaddan rəsmi qaydada verildikdən sonra 10 (on) gün müddətində Qazax Rayon Məhkəməsinə şikayət verilə bilər. Hakim (İmza) «əsli ilə düzdür» Hakim Fəxri Məmmədov