Qəbələ Rayon Məhkəməsi Qətnamə — İş №2(025)-167/2025

Azərbaycan Respublikası adından QƏTNAMƏ Qəbələ şəhəri İş № 2(025)-167/2025 24.04.2025 QƏBƏLƏ RAYON MƏHKƏMƏSİ İddiaçı Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinin cavabdehlər, Cavabdeh1 və Cavabdeh2 Mayıl oğluna qarşı “Qəbələ rayonu 350 ailəlik Zarağan-2 qəsəbəsi bina 4-də yerləşən 72 nömrəli 3 otaqlı mənzildən cavabdehlərin və onlara məxsus əşyaların çıxarılması və həmin mənzilin boşaldılaraq Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinə təhvil verilməsi” tələbinə dair mülki iş üzrə (Açar sözlər: mənzildən çıxarılma və mənzilin boşaldılaraq təhvil verilməsi) Qəbələ rayon Məhkəməsi Qənbərov Ülvi Oktay oğlunun sədrliyi, Məmmədova Gülanə Elmdar qızının katibliyi, iddiaçı Azərbaycan Respublikasının Qaçqınların və X12 üzrə Dövlət Komitəsinin Mənzil İstismar Departamentinin nümayəndəsi Nümayəndə və Cavabdeh1 iştirakı ilə, iddiaçı Azərbaycan Respublikasının Qaçqınların Və X12 üzrə Dövlət Komitəsinin Mənzil İstismar Departamentinin cavabdehlər Cavabdeh1 və Cavabdeh2 Mayıl oğluna qarşı “mənzildən çıxarılma və mənzilin boşaldılaraq geri alınması” tələbi barədə iddia ərizəsinə dair işə baxaraq, məhkəmə M Ü Ə Y Y Ə N E T D İ: İddiaçı Azərbaycan Respublikası Qaçqınların və X12 üzrə Dövlət Komitəsi Mənzil İstismar Departamenti cavabdehlər, Cavabdeh1 və Cavabdeh2 Mayıl oğluna qarşı “350 ailəlik Zarağan-2 qəsəbəsində bina 4-də yerləşən 72 nömrəli 3 otaqlı mənzildən çıxarılması və mənzilin boşaldılması” tələbinə dair iddia qaldıraraq Cavabdeh1 və Cavabdeh2 Mayıl oğlunun, o cümlədən onlara məxsus olan əşyaların Qəbələ rayonu, 350 ailəlik Zarağan-2 qəsəbəsi, bina 4-də yerləşən 72 nömrəli 3 otaqlı mənzildən çıxarılması və mənzilin boşaldılaraq Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinə təhvil verilməsi barədə qətnamə çıxarılmasını xahiş etmişdir. İddiaçı Azərbaycan Respublikasının Qaçqınların və X12 üzrə Dövlət Komitəsinin Mənzil İstismar Departamentinin nümayəndəsi Nümayəndə izahatında göstərmişdir ki, Qəbələ rayonu ərazisində məcburi köçkünlər üçün salınmış 350 ailəlik Zarağan-2 qəsəbəsində bina 4-də yerləşən 72 nömrəli 3 otaqlı mənzil Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamenti tərəfindən 30 avqust 2014-cü il tarixli 20/1 nömrəli Xüsusi təyinatlı yaşayış X5 əsasən Laçın rayonundan məcburi köçkün X1 ailə üzvlərinə verilmişdir. Azərbaycan Respublikası Prezidentinin Sərəncamına əsasən “Azərbaycan Respublikasının işğaldan azad edilmiş ərazilərinə Böyük Qayıdışa dair İ Dövlət Proqramı”nın təsdiq edilməsi haqqında dövlət proqramına uyğun olaraq Qəbələ rayonu, 350 ailəlik Zarağan- 2 qəsəbəsi, bina 4, mənzil 72-də yaşayan X9 ailə üzvləri ilə birlikdə 23 may 2024-cü ildə Laçın rayonunun Sus kəndində köçürülmüşdür. Köçürülmədən sonra Komitənin Mənzil İstismar Departamentinin balansında olan 72 nömrəli mənzilin qapısı möhürlü olduğu halda qırılaraq Cavabdeh1 və Cavabdeh2 Mayıl oğlu tərəfindən zəbt edilmişdir. Onlara mənzildə müqavilədən kənar qeyri-qanuni məskunlaşıb yaşamalarının qanunsuz olması və mənzili könüllü boşaldıb təhvil vermələri barədə xəbərdar edilsələr də, mənzilin təhvil verilməsindən imtina edilmişdir. Cavabdeh1 məcburi köçkün kimi Goranboy rayonun Veysli kəndində evlə təmin edilmişdir. 2015-ci ildə onun qızı X19 xalası oğlu X6 ilə evlənərək Qəbələ rayonuna köçmüş və Qəbələ rayonu, 350 ailəlik Zarağan-2 qəsəbəsinə üç otaqlı mənzillə təmin edilmişdir. Cavabdeh1 da həmin vaxt Qəbələ rayonuna gələrək həmin qəsəbədə kirayədə qalmış və 2021-ci ilin may ayında Qəbələ rayonu, 350 ailəlik Zarağan-2 qəsəbəsi, bina 4-də yerləşən 72 nömrəli mənzili özbaşınalıqla tutaraq nəvəsi Cavabdeh2 Mayıl oğlu ilə birlikdə həmin mənzilə köçmüşdür. Ona görə də, Cavabdeh1 və Cavabdeh2 Mayıl oğlunun, o cümlədən onlara məxsus olan əşyaların Qəbələ rayonu, 350 ailəlik Zarağan-2 qəsəbəsi, bina 4-də yerləşən 72 nömrəli 3 otaqlı mənzildən çıxarılması və mənzilin boşaldılaraq Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinə təhvil verilməsi barədə iddia qaldırılmışdır. Cavabdehr Cavabdeh1 izahatında göstərmişdir ki, o, 1992-ci ildə Kəlbəcər rayonundan məcburi köçkün düşmüş və Dövlət tərəfindən Goranboy rayonun Veysli kəndində evlə təmin edilmişdir. X8 1-ci Qarabağ müharibəsində şəhid olmuş, nəvəsi Cavabdeh2 Mayıl oğlu isə 2-ci Qarabağ müharibəsində iştirak etmişdir. 2015-ci ildə qızı X19 ailə qurub Qəbələ rayonuna köçdükdən sonra o, Goranboy rayonun Veysli kəndində tək qalmış və yerə dəyərək xəsarət aldıqdan sonra qızının yanına gəlib onunla birlikdə yaşamışdır. Qəbələ rayonu, 350 ailəlik Zarağan-2 qəsəbəsi, bina 4, mənzil 72-də yaşayan X9 ailə üzvləri ilə birlikdə 23 may 2024-cü ildə Laçın rayonunun Sus kəndində köçürüldükdən sonra mənzil boş qalmış və onun tərəfindən tutulmuşdur. Mənzil AR FHN tərəfindən tamamilə təmir olunmuş və ona təhvil verilmişdir. Həmin mənzildə o, nəvəsi Cavabdeh2 Mayıl oğlu ilə birlikdə yaşayır. Ona görə də, iddia tələbini əsassız hesab edir. İşdə olan 12 mart 2015-ci il tarixli, 4/72 nömrəli Xüsusi Təyinatlı Yaşayış X5 əsasən məcburi köçkün cavabdeh X9, ailə üzvləri X10, X4, X3 və X7 ilə birlikdə Dövlət Proqramı çərçivəsində Qəbələ rayonu ərazisində məcburi köçkünlər üçün inşa edilmiş Zarağan-2 qəsəbəsində 4 nömrəli binada 72 nömrəli 3 otaqlı mənzil ilə təmin edilmişdir. İşdə olan Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinin Qəbələ rayonu Mənzil Kommunal İstismar Sahəsinin 29 noyabr 2024-cü il tarixli “Zəbt edilmə” Aktında göstərilmişdir ki, Qəbələ rayon Zarağan-2, 350 ailəlik qəsəbədə bina-4, mənzil 72 dövlət tərəfindən Qəbələ rayonu Zarağan-2 qəsəbəsi bina 4, mənzil 72-da evlə təmin edilmiş və Qəbələ rayonunda müvəqqəti qeydiyyatda olan vətəndaş Cavabdeh1 oğlu tərəfindən qapısı qırılmış və zəbt edilmişdir. Aktın doğruluğunu MKİS-in rəisi Nümayəndə, mühəndis X16 və sahə nəzarətçisi X11 öz imzaları ilə təsdiq etmişlər. İş materiallarında olan Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinin direktoru X25 rayonu Zarağan-2 MKİS-in rəisi Nümayəndə tərəfindən göndərilmiş xx.xx.2024-cü il tarixli məlumatda göstərilmişdir ki, 23 may 2024-cü ildə Qəbələ rayonu 350 ailəlik qəsəbədən 3 ailə, 12 nəfər X26 rayonunun Sus kəndinə köç etmiş və Dövlət tərəfindən daimi yaşamaq üçün evlə təmin edilmişdir. Köç etmiş mənzillərdən biri bina 4, mənzil 72-nin qapısı qırılmış və zəbt edilmişdir. Həmin mənzili zəbt edən şəhid anası Cavabdeh1dır. Cavabdeh1 icazəsiz zəbt etdiyi dövlətə məxsus mənzili 10 (on) gün müddətində boşaltması və həmin mənzilin açarlarını Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinə təqdim etməsi barədə 16 oktyabr 2024-cü il tarixdə bildiriş verilmişdir. İş materiallarında olan Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinin Qəbələ rayonu Mənzil Kommunal İstismar Sahəsi tərəfindən Cavabdeh1 göndərilmiş xx.xx.2024-cü il tarixli bildirişdə göstərilmişdir ki, Qəbələ rayonu Zarağan-2 qəsəbəsində bina 4-də yerləşən 72 nömrəli mənzili qanunla müəyyən olunmuş mülkiyyət hüququ olmadan icazəsiz zəbt etməsi vətəndaş Cavabdeh1 nəzərinə çatdırılaraq, həmin mənzili xx.xx.2024-cü il tarixdən xx.xx.2024-cü il tarixədək boşaltmadığı təqdirdə aidiyyəti hüquq mühafizə və məhkəmə orqanlarına müraciət olunacağı barədə xəbərdarlıq edilmişdir. Azərbaycan Respublikası Mənzil Məcəlləsinin: 91.1.5-ci maddəsinə əsasən məcburi köçkünlərin müvəqqəti yerləşdirilməsi fondunun yaşayış sahələri xüsusi təyinatlı mənzil fondunun yaşayış sahələrinə aiddir. 91.2-ci maddəsinə əsasən xüsusi təyinatlı yaşayış sahələri qismində dövlət və bələdiyyə mənzil fondunun yaşayış sahələri istifadə edilir. Yaşayış sahəsinin xüsusi təyinatlı yaşayış sahəsi qismində istifadəsinə yalnız həmin sahə müvafiq icra hakimiyyəti orqanı tərəfindən müəyyən edilmiş qayda və tələblərə riayət etməklə xüsusi təyinatlı mənzil fonduna aid edildikdən sonra yol verilir. Yaşayış sahəsinin xüsusi təyinatlı yaşayış sahələrinin növlərindən birinə aid edilməklə xüsusi təyinatlı mənzil fonduna daxil edilməsi və ondan çıxarılması dövlət və ya bələdiyyə mənzil fondunun idarəetməsini həyata keçirən orqanın qərarı əsasında həyata keçirilir. 98.1-ci maddəsinə əsasən ayrı-ayrı kateqoriyalardan olan vətəndaşların sosial müdafiəsi üçün əvəzsiz istifadə müqavilələri əsasında verilən yaşayış sahələri istisna olmaqla, xüsusi təyinatlı yaşayış sahələri onların mülkiyyətçilərinin (mülkiyyətçilərin adından çıxış edən səlahiyyətli dövlət orqanı və ya bələdiyyələrin) və ya onların səlahiyyətli şəxslərinin qərarları ilə xüsusi təyinatlı yaşayış sahələrinin kirayə müqavilələri əsasında verilir. 98.2-ci maddəsinə əsasən Xüsusi təyinatlı yaşayış sahələri bu Məcəllədə müəyyən edilmiş əsaslarla müvafiq yaşayış məntəqəsində yaşayış sahəsi ilə təmin olunmayan vətəndaşlara verilir. 99.1-ci maddəsinə əsasən xüsusi təyinatlı yaşayış X5 görə bir tərəf xüsusi təyinatlı yaşayış sahəsinin mülkiyyətçisi (mülkiyyətçinin adından çıxış edən səlahiyyətli dövlət və ya bələdiyyə orqanı) və ya onun səlahiyyətli şəxsi (kirayəyə verən) həmin yaşayış sahəsini haqqı ödənilməklə müvəqqəti yaşamaq üçün digər tərəfə - vətəndaşın (kirayəçinin) sahibliyinə və istifadəsinə verir. 99.2-ci maddəsinə əsasən xüsusi təyinatlı yaşayış sahəsinin kirayə müqaviləsi həmin sahənin verilməsi haqqında qərar əsasında bağlanılır. 99.3-cü maddəsinə əsasən xüsusi təyinatlı yaşayış sahəsinin kirayə müqaviləsində müqavilənin predmeti, xüsusi təyinatlı yaşayış sahəsindən istifadə üzrə tərəflərin hüquq və vəzifələri müəyyən edilir. 99.6-ci maddəsinə əsasən Xüsusi təyinatlı yaşayış sahəsinin kirayə müqaviləsində kirayəçinin ailə üzvləri göstərilir. 102.1-ci maddəsinə əsasən Xüsusi təyinatlı yaşayış sahəsinin kirayə müqavilələri ləğv edildikdə və ya onlara xitam verildikdə, vətəndaşlar həmin müqavilələr əsasında kirayəyə götürdükləri yaşayış sahələrini boşaltmalıdır. Həmin yaşayış sahələrini boşaltmaqdan imtina edildikdə, bu Məcəllənin 101.2-ci və 102.2-ci maddələrində nəzərdə tutulmuş hallar istisna olmaqla, vətəndaşlar başqa yaşayış sahəsi verilmədən məhkəmə qaydasında yaşayış sahəsindən çıxarılır. Məhkəmə tədqiq olunmuş sübutlara qiymət verərək hesab edir ki, Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamenti tərəfindən Qəbələ rayonu 350 ailəlik Zarağan-2 qəsəbəsi bina 4-də yerləşən 72 nömrəli 3 otaqlı mənzilin cavabdehlər, Cavabdeh1 və Cavabdeh2 Mayıl oğluna verilməsi barədə qərar qəbul edilməmiş və həmin mənzilə dair onlara xüsusi təyinatlı yaşayış sahələrinin kirayə müqaviləsi bağlanmamışdır. Onların həmin mənzili tutmaq və istifadə etmək hüququ yaranmamışdır. Ona görə də, Qəbələ rayonu 350 ailəlik Zarağan-2 qəsəbəsi bina 4-də yerləşən 72 nömrəli 3 otaqlı mənzildən cavabdehlər, Cavabdeh1, Cavabdeh2 Mayıl oğlu və onlara məxsus əşyalar çıxarılmalı və mənzil boşaldılaraq Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinə təhvil verilməlidir. Yuxarıda göstərilənləri nəzərə alaraq və Azərbaycan Respublikası MPM-nin 119, 216- 220, 227, 233, 357 və 360-cı maddələrini rəhbər tutaraq, Q Ə T E T D İ: İddia təmin edilsin. Qəbələ rayonu 350 ailəlik Zarağan-2 qəsəbəsi bina 4-də yerləşən 72 nömrəli 3 otaqlı mənzildən cavabdehlər, Cavabdeh1, Cavabdeh2 Mayıl oğlu və onlara məxsus əşyalar çıxarılsın və həmin mənzil boşaldılaraq Azərbaycan Respublikası Qaçqınların və X12 üzrə Dövlət Komitəsinin Mənzil İstismar Departamentinə təhvil verilsin. Qətnamədən rəsmi qaydada verildiyi gündən 1 (bir) ay müddətində (Elektron Məhkəmə İnformasiya Sistemində yaradılan Elektron kabinetdən istifadə edilməklə) Qəbələ Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov